فزعتكم مشكلة في سيارتي التاهو اتعبتني وحيرتني

[hlahik200]

كل عام وانتم بخير
محبتي لهذا المنتدى هي التي جعلتني أسجل لاعرض مشكلتي
عندي سيارة تاهو 2011 ltz ماشي 80 تقريبا
قمت بتغيير البواجي ولكن للأسف عند بنشري في الطريق. وغيرت البنزين من 91 إلى 95
وهنا بدأت المشكلة فبعد يومين بدأت تفتفه بسيطه لكنها واضحة
ذهبت لمركز صيانة وفحصها بالكمبيوتر وقال لي عندك المشكلة في السلندر 8
فمالحل وهل الخلل قد يكون بالمكينة

أريد فزعتكم رفع الله قدركم

[يالبى الهلا]

أي خلل السيارة جديدة مجرد مصاصي دماء.
عندك .الثروتل يحتاج.إلى تنظيف هو عبارة عن حساس مسئول عن خلط البنزين مع الهواء حسب قراءة. الكميوتر.

[يالبى الهلا]

السيارة.جديدة لا يلعب فيها ويخسر ك

[اسدهم]

رح لضمان ولا تقول انا سويت انا فعلت قل اكشف علا الموتر صار بوة تفتفة وشغلات سو نفسك ماااااااااااااااااااتدري ركز

[وطن العزة]

قمت بتغيير البواجي ولكن للأسف عند بنشري في الطريق. وغيرت البنزين من 91 إلى 95
وهنا بدأت المشكلة فبعد يومين بدأت تفتفه بسيطه لكنها واضحة



سبب المشكلة أنت ذكرته و أمورك سهالات إن شاء الله , لا أحد يحوس بموترك فك وتركيب

رح للوكالة وخذ طقم بواجي وركبها ويبي يزين إن شاء الله .... وطبيعي إذا كان البوجي رقم 8 فيه

مشكله راح يبين بالفحص ان البلا بالسرندل 8


بعدين الله يهديك البناشر معروفين بنصبهم وغشهم بشغلتهم الأساسية اللي هي الزيوت فما بالك

بالشغلات الثانية من بواجي وغيرها

[عبقري91]

اذا اختلف رقم البوجي عن الرقم الاصلي. مليون بالميه بتصير تفتفه. حتى الي بالوكاله بيقولك هذا الرقم القديم ونزلو رقم جديد. لاتاخذه. اطلب بواجي ngk هذي ليزر. وشيك على الاسلاك يمكن برضو ماركبهن كويس
والتفتفه دايم من البواجي اسلاكها صفايت البانزين الثرول متسخ. وانشالله امروك طيبه

[Blazer 91]

اذا اختلف رقم البوجي عن الرقم الاصلي. مليون بالميه بتصير تفتفه. حتى الي بالوكاله بيقولك هذا الرقم القديم ونزلو رقم جديد. لاتاخذه. اطلب بواجي ngk هذي ليزر. وشيك على الاسلاك يمكن برضو ماركبهن كويس
والتفتفه دايم من البواجي اسلاكها صفايت البانزين الثرول متسخ. وانشالله امروك طيبه


%100
بارك الله فيك

[hlahik200]

لا حرمكم الله الأجر السيارة انتهى ضمانها في منصف هذا العام
والبواجي أخذته من الوكالة اي سي ديلكو بس ركبته برى قبل اسبوع

فهل اغيرها لأن فحص الكمبيوتر يبين ان كل المشكلة من سلندر 8

[الحربي 591]

اخوي بس روح للوكاله واشتري بواجي اصليه
وخلهم يركبونها وشف الفرق

[الحربي 591]

والفحص بين لك مشكله في السرندل 8
طيب فك البوجي رقم 8 و حاول تركبها زين
ان ما نفع عاد سو اللي قلت لك
ولا تنسى تعلمنا وش صار معك

[1824]

المشكلة في بوجي السلندر 8 يا انها الكويل مو راكب زين او البوجي خربان الراس حقة جايته ضربة وزنية الخلوص تغيرت بس نصيحتي اشتر بوجي جديد واحد وغير مكان السلندر الثامن بس بالتوفيق اخي الكريم

[arar]

المشكله بالواجي لم يتم تركيبه بالشكل الصحيح الي هو رقم ٨

[هاوي الديرة 1]

الله يعينك تاكد من سلك البوجي يكون ماركب مضبوط بعض الورش الى جاء يفك السلك يسحبه مع وسط السلك وهذا سبب خراب اسلاك البواجي

[abu ghanem]

اخوي فيه بخاخ تنظيف يوضع على الكبريتر بدون ان يفك الكبريتر وراح يصفي موترك باذن الله


أرسلت بواسطة iPhone بإستخدام Tapatalk

[م.سعيد]

اخوي فيه بخاخ تنظيف يوضع على الكبريتر بدون ان يفك الكبريتر وراح يصفي موترك باذن الله


أرسلت بواسطة iPhone بإستخدام Tapatalk

نحن في سنة 2014 والكربوريتر يسلم عليك