ايهم تنصحوني اكستريما 2 والا ونشستر سبورت

[ابن عريعر]

السلام عليكم ورحمة الله وبركاته

مثل ماهو واضح بالاعلان قدامي الحين شوزنين اكستريما 2 و ونشستر سبورت ومحتار مدري ايهم اخذ ياليت كلن يكتب المواصفات والعيوب

[ابوصالح3]

خذ الاكستريما 2

[ابو سفيان]

اكيد اكستريما ٢

[benelli11]

ياشباب لايجي واحد ويقول اكيد الاكستريما اذا كانت الاكستريما اذكر المميزات والعيوب

[نديم الخيال]

يالغالي
الي ذكرت مافي مقارنه بينهم
الاكستريما فرق السما عن الارض وحرام تقارن الونشستر فيها
كل المميزات لصالح الاكستريما ولا فيه أي شي يمكن ان تكون الونشستر افضل فيه ابدآ

[aljubail]

يالغالي
الي ذكرت مافي مقارنه بينهم
الاكستريما فرق السما عن الارض وحرام تقارن الونشستر فيها
كل المميزات لصالح الاكستريما ولا فيه أي شي يمكن ان تكون الونشستر افضل فيه ابدآ

اف ليش مافيه مقارنه

اقنعنا بالفرق من ناحية حرارة الرمي والسوق والتنظيم وسرعة التبديل وسعة المخزن……

[ابوس11م]

الاكستريما 2 بندق ممتازه عيبها الثقل بالوزن بعضهم احيانا من كثر الرمي وعدم المحافظه عليها يصبح فيها تلف السبطانه من الفلنجه من الحراره تحصل عند البعض وليس الكل وتبين واضحه لمه تقيس مستوى الجسر مع المكينه تلقى فيه انحراف غيره مافيه الا سلامتك
الونشستر سبطانه افضل ورمي طيب جدا تحدث مع البعض اعطال مثل البيم مال الترباس الداخلي تخرب وتبديله سهل وتقدر ترهم عادي
الفرق رمي البريتا انعم لوجود كيك اوف والوزن لصالح الونشتر
الرمي يرجع للرماي نفسه يقيس بالتجربه . واذا حصل لك تجرب الثنتين قبل الرمي جرب وعينك ميزانك انت اللي راح تستخدم
ولكن شوزن للعمر وامان طبعا البريتا بكل فئاتها

[ابن عريعر]

الاكستريما 2 بندق ممتازه عيبها الثقل بالوزن بعضهم احيانا من كثر الرمي وعدم المحافظه عليها يصبح فيها تلف السبطانه من الفلنجه من الحراره تحصل عند البعض وليس الكل وتبين واضحه لمه تقيس مستوى الجسر مع المكينه تلقى فيه انحراف غيره مافيه الا سلامتك
الونشستر سبطانه افضل ورمي طيب جدا تحدث مع البعض اعطال مثل البيم مال الترباس الداخلي تخرب وتبديله سهل وتقدر ترهم عادي
الفرق رمي البريتا انعم لوجود كيك اوف والوزن لصالح الونشتر
الرمي يرجع للرماي نفسه يقيس بالتجربه . واذا حصل لك تجرب الثنتين قبل الرمي جرب وعينك ميزانك انت اللي راح تستخدم
ولكن شوزن للعمر وامان طبعا البريتا بكل فئاتها



حيرتني الحين مااشوف بهن فرق من كلامك الا العمر البريتا اطول وانا من الناس الي مااقتنع بهالقول كانت معي ستوقر رامي به 7 صناديق وضغوط وعالكه علك ومركب خزانه 13 وتدبيل ولاقالت شي وبعته براس ماله

[وادي الجناح]

تبين اريحك بربع حروف
بنلي

[ابن عريعر]

تبين اريحك بربع حروف
بنلي

منب احب الترهيم

[الخزيمkzeem]

تبي ترتاح خذ ريفاليوا بدون ترهيم بس الله يعينك غاليه

[aljubail]

اذا لقيت A400 برتا خذها ولا تشاور

[ابن عريعر]

تبي ترتاح خذ ريفاليوا بدون ترهيم بس الله يعينك غاليه

لا هين ارخص من البريتا لكن مشكلته لاجيت اركب وصله بتاكل دراهمن واجد لان مخزنه مقفل

[ابوس11م]

حيرتني الحين مااشوف بهن فرق من كلامك الا العمر البريتا اطول وانا من الناس الي مااقتنع بهالقول كانت معي ستوقر رامي به 7 صناديق وضغوط وعالكه علك ومركب خزانه 13 وتدبيل ولاقالت شي وبعته براس ماله
يالغالي ماحيرتك انا اكلمك قوت معدن وصلابه لعمر طويل وفشق خشن ولا ناعم البريتا ماتهرقل ولا تفكك جامده

الونشتر رميها حلو ماعليها كلام انا عندي بريتا اكستريما2 ونشستر سبورت اللي ماكينتها حمرا وعندي سوبر بلاك ايقل2
البريتا اول شوزن شريت كرفتها كرف ولا شكيت منها انظفها عقب كل موسم وماعليها منقووود

نجي الونشستر سبب اخياري لها كنت ماخذ براونق اوتو فايف الجديده جلدتها صندوقين بدت العيوب تعلق لاحترت. نظفتها ولانفع معها وديتها للوكيل ونظفها ولانفع تهاوشت معاه بدل القطع كلها بعد ماجربها قلت مابيها بدلها بالونشستر وبدلتها ودفعت الفرق
نجي للملاحظات البندق ماهي كجودت البريتا والبنلي من ناحية التصنيع يعني بدلت الكيتات للستوت وشتديت على العيار بلاستيك ردي انكسر وماهو عند الوكيل لازم طلبيه والشي الثاني جلدتها بكم صندوق وفشق ماهو خشن عادي انكسر فيها بيم فالترباس ووديتها للوكيل ولا عرف يفتحها لين فهمته ومحايل انا وياه لين اقتنع وين المشكله ورهم لي بيم وسآلته هل المشكله دايم معاها فالبيم قال لا بعضهم . وقطعها تقريبا كلها مثل شوزن ماكسس براونق

نجي للبنلي سوبر بلاك ايقل ولا عامة البنلي
بنادق حلوه لكن يعيبها الندق قاسي والتنظيف من وصخ الفشق يعني بالصندوق يبين التعليق لازم بخاخ دبليو فورتي معاك وبنادق كلاسيكيه

اما فالرمي مايختلف عليها اثنين بريتا والونشتر كتنظيم للرش لسبب قطر السبطانه والافضل لقطر سبطانة الونشستر

بالنهايه بندق تجوز لك اخذها الراي رايك وقناعتك وكلن يتعلم من كيسه وسلامتك

[ابن عريعر]

يالغالي ماحيرتك انا اكلمك قوت معدن وصلابه لعمر طويل وفشق خشن ولا ناعم البريتا ماتهرقل ولا تفكك جامده

الونشتر رميها حلو ماعليها كلام انا عندي بريتا اكستريما2 ونشستر سبورت اللي ماكينتها حمرا وعندي سوبر بلاك ايقل2
البريتا اول شوزن شريت كرفتها كرف ولا شكيت منها انظفها عقب كل موسم وماعليها منقووود

نجي الونشستر سبب اخياري لها كنت ماخذ براونق اوتو فايف الجديده جلدتها صندوقين بدت العيوب تعلق لاحترت. نظفتها ولانفع معها وديتها للوكيل ونظفها ولانفع تهاوشت معاه بدل القطع كلها بعد ماجربها قلت مابيها بدلها بالونشستر وبدلتها ودفعت الفرق
نجي للملاحظات البندق ماهي كجودت البريتا والبنلي من ناحية التصنيع يعني بدلت الكيتات للستوت وشتديت على العيار بلاستيك ردي انكسر وماهو عند الوكيل لازم طلبيه والشي الثاني جلدتها بكم صندوق وفشق ماهو خشن عادي انكسر فيها بيم فالترباس ووديتها للوكيل ولا عرف يفتحها لين فهمته ومحايل انا وياه لين اقتنع وين المشكله ورهم لي بيم وسآلته هل المشكله دايم معاها فالبيم قال لا بعضهم . وقطعها تقريبا كلها مثل شوزن ماكسس براونق

نجي للبنلي سوبر بلاك ايقل ولا عامة البنلي
بنادق حلوه لكن يعيبها الندق قاسي والتنظيف من وصخ الفشق يعني بالصندوق يبين التعليق لازم بخاخ دبليو فورتي معاك وبنادق كلاسيكيه

اما فالرمي مايختلف عليها اثنين بريتا والونشتر كتنظيم للرش لسبب قطر السبطانه والافضل لقطر سبطانة الونشستر

بالنهايه بندق تجوز لك اخذها الراي رايك وقناعتك وكلن يتعلم من كيسه وسلامتك


كفيت ووفيت وانشالله اني شريت بعد شورك

[الشمروخي]

البرتا اكستريما 2
الرمي / 7من 10
الجوده / 9 من 10
الوزن / 4 من 10
المده / 7 من 10
اللكه / 9،من 10
التتدبيل وراحه النقل بين الرمي /7 / 10
رمي الضغوط 10 / 10
الرجف 10/ 10
----—----------------------------------------------—--
الونشستر
الرمي 9 / 10
الجوده 7/ 10
الوزن 6/ 10
المده 8/ 10
اللكه 7 / 10
التدبيل والنقل 9/ 10
رمي الضغوط 6/ 10
الرجف 7/ 10

يهمك ضغط رجف تحمل بريتا
يهمك سوق ونقل بالتدبيل ومده ونشستر
السعر اقل لصالح الونشستر

[فهد الخالدي]

انصحك يابناخي تبلع العافيه
مافيه صيد يسوى العنوه ودوخة نقاط التفتيش