استفسار عن منطقة ام حويض ؟؟؟؟؟؟؟؟؟؟ [الأرشيف]

المساعد الشخصي الرقمي

مشاهدة النسخة كاملة : استفسار عن منطقة ام حويض ؟؟؟؟؟؟؟؟؟؟

ابوسعد

28/11/2006, 12:00 PM

ahmed1401

28/11/2006, 01:24 PM

والله إني أول مرة اسمع عن هاذي المنطقة

وإنشاءالله يفيدونك الأخوان الموجودين.

ahmed1401

28/11/2006, 01:29 PM

نسيت أسئلك اخوي ابو سعد : أين تقع حقل؟؟؟

faafree

28/11/2006, 01:48 PM

شوف اخوي انا ماعندي فكرة شاملة عن الموضوع لكن خلني اقولك يلي عندي على مايردون عليك النواخذة؟
لو قلنى من الخبر الى هاف مون ثلث ساعة ومن هاف مون الى القرية اربعين الى ثلاثين دقيقى ومن القرية الى العقير ربع ساعة تقريبا ومن العقير تكمل جلد وعلى خبري قديم؟ طريق تعبان لك علية بسبب دوس و استخدام الشاحنات له! حوالي الساعة او اكثر على ماتوصل ام حويض(احسب الجميع ) وفيه هناك سلاح حدود لازم تمر عندهم وتسجل ولا الله يعينك على الملاها.؟؟؟؟؟
المكان يصلح حق جميع شي! ولكن بما ان الاشباك على السيف ممنوعة حاليا والغوص ممنوع فمالك الا الحداق او بالطراد.....الا كان بسويها بالبوقه ...زبس الله يعينك لو طاحو عليك؟ الارض مثل بقية المناطق القصار -العقير -سلوى يعني اماكن رمليه واماكن صخرية(فروش)...الميزه قل الدوس مما يعني الهدوء ووفرت السمك! واخر نقطة لازم تكون معبي زيين لانه ماكو بنزيين ماكو شييش على الطريق الى اذا مازال الي في الفرضة يبيع (الله اعلم هلشي قديم)
بالعربي نصيحتي لك اذا انت بتغامر وبضرب هلمشوار ....روح بوقميص صحيح ابعد لكن احسن وازيين وضامن طريق وبانزيين؟...والشي راجع لك؟......هذا والله اعلم......موفقيين؟

أبو ستري

28/11/2006, 02:58 PM

السلام عليكم ورحمة الله وبركاته

عندي استفسار ...خاص الى اهل المنطقه الشرقيه ..

من عنده اي معلومات عن منطقة ام حويض الواقعه جنوب العقير ..

(1) كم تبعد عن مدينة الخبر ؟
(2) وضع الطريق ؟
(3) يحتاج الى تسريح (وهل يبغاله واسطه اذا كان بتسريح)
(4) المنطقه هل تصلح للغوص & الحداق &من السيف &بالطراد)
(5) يسمح المبيت ؟
(6) اقرب منطقة خدمات (محطة بنزين وبقاله الخ.......)
(7) طبيعة المنطقه ( رمليه او صخريه )

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اخوكم ابوسعـــــد

تبعد حوالي ما يقارب الثلاث ساعات تنقص أو تزيد قليلاً ..
الطريق وضعه صعب جداً الطريق حجري في المدخل للمركز سلاح الحدود وتحتاح لسيارة 4*4 قوية ونشيطة .
لا تحتاج إلى واسطة في التصريح لأن هناك مركز عادي مثل أي منطقة .
اما عن الغوص او حداق السيف لم أجرب المنطقة بصراحة لأننا أبعدنا عن المركز وكان ليل ولا يوجد قمر والمنطقة اللي كنا فيها غراز لمدة 30 دقيقة إلى ما وصلنا المكان ( البوية ) ولا توفقنا في الصيد , المد كله حواقيل والغزل فيه ( ينم ) .

ولكن يمكن تحصل لك مكان كويس للآسف السيف اللي رحنا له على توصيف ما كان موفق ولكن ممكن تحصل لك مكان قريب قبل المركز وسمعنا سلاح الحدود يمدح مكان ( شعوم ) عند النخل على يسار المركز http://mekshat.com/vb/images/smilies/rolleyes.gif

يسمح للمبيت ولكن لازم تشوف لك مكان جيد لأن أرضها كلها قشع خاصة المنطقة اللي كنا فيها وإذا حصلت لك مكان قريب رمل البحر تخيم عليها كويس أو صبخه خفيفة ..

لا يوجد محطة ولا بقالة ولا شي منطقة قطعة ولا أين من الخدمات كلها حتى شبكة جوال ما فيها . يستخدمون هناك اللي في المركز الشبكة القطرية ..

المنطقة صخرية في مدخلها رملية عند السيف وهناك غراز خطير إذا كنت ناوي تروح خلك قريب من المركز والإ بلاش تخاطر .

طحنون

28/11/2006, 04:37 PM

من وجهه نظري منطقه ماتستاهل انك تروح لها ألامن شخص يخبرلك مكان زين ومخبورويعطيك الوصف السنع والمنطقه مشهوره بالحيات
والعقارب والشبث وبعدين مايعرفون شتاء والاصيف ماتدري الاوهوبجنبك ياكل معك على السفره اوتحت المخده ينام معك وغيرهاذاان الصيد
ماهومظمون هناك ومثل ماقالوالاخوان اكثره حواقيل وينم وبالصدفه (صبيطي ) ولاتنسا ان حرس الحدودبيصيرعندك على طول يعني ماعندهم
شغله الا انت وكل شوي وهم مسيرين عليك (عطني اثباك كم عددكم ) طف اللبات ولا تشغل الا لنبات الخيمه الداخليه
(((((((((((وهلما جرلين تطفش وتمشي من المكان )))))))))))))
واحسب كم مره يجيك وبعده وبعدين يجيك اللي توه مستلم والساعه بخمسه جنيه والحسابه بتحسب
يعني اصرف النظر

أبو ستري

28/11/2006, 11:04 PM

هههههههههه طحنون طحت على الجرح ..
زي حرس الحدود يقول لنا لما تعدينا الحدود اللي يزعمونها يكلمنا وكلنا كبار يقول ( يالله قدامي ) :d

ابوسعد

29/11/2006, 09:50 AM

السلام عليكم ورحمة الله وبركاته

اخوي ahmed1401 مشكور على مرورك وبالنسبه لحقـــــل بنزل موضوع عنها قريب............

اشكرك اخي faafree على معلوماتك القيمه ..

اشكرك اخي أبو ستري على تفاعلك وشرحك المفصل عن المنطقه..

اشكرك اخوي طحنون ..اجل طلعة المنطقه خرطي ...بالنسبه للمنطقه كل الي اعرفه عنها اسمها ومعلومات قليله عن موقعها ...

يعني ندور منطقه غيرها ..

مشكورين ويعطيكم العافيه .

اخوكم ابو سعـــد

faafree

29/11/2006, 01:27 PM

هذي صورة حق ام حويض.....والسلاح في الراس تقريبا؟
http://www.mekshat.com/pix/upload/images23/mk25778_omhowahd.jpg

أبو ستري

29/11/2006, 02:40 PM

المنطقة ماهو خرطي يابو سعد ولكن تنفع لصد ورد يعني تروح حداق بس وتدق السلف وتمشي وتروح قريب لا تغامر بعيد الإ إذا موترك قوي وأنتم أكثر من أربعة أشخاص , اللي ودنا لها كانوا يصيدون شعوم كبر ( الذراع ) ويمكن تطيح لك على محدق كويس خاصة في اليمين الأرض قوية نوعاً ماي والأرض زينة أحسن من يسار ..

جرب ..

سواق الجيب

01/12/2006, 03:52 PM

السلام عليكم

اخوي ابو سعد الله يمسيك بالخير ويمسي كل اعضاء مكشات بالخير

تبعد منطقة ام حويض عن الخبر حوالي الثلاث ساعات ونصف

بالنسبه للخدمات كمحطة بنزين او ماشابه انسى هذا الموضوع اخر محطه تتزود منها وانت رايح ام حويض هي

هاف مون ولاتنسى تاخذ بنزين احتياط . اما الطريق فهناك طريقين الطريق الاول هو طريق الردميه اللي بعد

العجير وهذا طريق صعب خصوصا هذه الايام مع وجود المطر وهذا الطريق نتحاشاه صيفا وشتاء عند ذهابنا لام حويض .

اما الطريق الاخر عند وصولك الى المدرسه التابعه للعقير وهي على الجهه اليمنى وانت متجه للعقير وقبل وصولك

للعقيرحوالي 3كيلو متر تنزل عند المدرسه وستجد طريق بري (طعوس) يعني لازمك موتر مضبوط وخبير يعرف

الشارع مضبوط وهذا الخط مايردك الا عند مدخل ام حويض .

مركز ام حويض يصير فوق جبل مرتفع جدا وهو يكشف المنطقه باكملها والطريق للمركز وعر جدا لان المنطقه

جبليه . هذا بالنسبه للطريق .

اذا نزلت من المركز متجه للشرق جهه البحر بتشوف صنادق خشب للصيادين خلها على يسارك وامش بمحاذاة

السيف متجه للجنوب هذي المنطقه ممتازه للحداق تصيد فيها شعوم وسبيطي وحتى بالغزل زينه .

المنطقه حلوه للحداق لاكن مشكلتها انها بعيده

وصيفها حار جدا وتكثر فيها الافاعي والعقارب

ومعاملة سلاح الحدودللمتنزهين صعبه جدا جدا.

ارجوا انك استفدت من هذه المعلومات البسيطه واسف على الاطاله

ابوسعد

03/12/2006, 08:08 PM

السلام عليكم ورحمة الله وبركاته

اخوي سواق الجيب يعطيك العافيه ماقصرت ...