ملك القصائد
03/07/2014, 03:36 PM
لاعسعس الليل واضفى ضافي سدوله = عيني صحبها السهر والنوم حاربها
كل المحطات بالارسال مشغوله = وانا المجرّه تسامرني كواكبها
غريب وانظر وجيه الناس مجهوله = اصد والناس مختلفه مشاربها
ديارهم موحشه بالجن مأهوله = و رقط الافاعي تكاثر في مضاربها
الروح في راحة الحرمان محموله = ماهو من اليوم من مبطي متاعبها
مالي ومال الذهب لا صرت ما انوله = ياما من الناس ما نالت مطالبها
عندي سوى اكسب رهن والا اخسر الجوله = اعنّف النفس بالقوه واحاسبها
انا وضيف القصيد لحالنا دوله = انا ملك عرشها والضيف حاجبها
اصارع الوقت واصبر واطرد فلوله = وغيوم الافراح في رجوى سحايبها
والوقت يرقص على الهامات بندوله = والناس يعرف خفاها من تجاربها
في خاطري شيء مزعلني وابا اقوله = ماهمني ردّة الفعل وعواقبها
قولو لوجه الفلس بشته مهو طوله = وعظامه اللي نقلها مات صاحبها
بعض الاشدّه من الصفصاف معموله = تضحك عليه البشر لاطاح راكبها
وبعض المقابر من الحيّين منزوله = وقبورهم ما بعد رزّت نصايبها
رجال بأفعالها بالخير مجبوله = وصلت مجال الفخر من فوق واجبها
ورجال بحظوظها بنعوش منقوله = ياليت رد الجزاء تنتف شواربها
كل المحطات بالارسال مشغوله = وانا المجرّه تسامرني كواكبها
غريب وانظر وجيه الناس مجهوله = اصد والناس مختلفه مشاربها
ديارهم موحشه بالجن مأهوله = و رقط الافاعي تكاثر في مضاربها
الروح في راحة الحرمان محموله = ماهو من اليوم من مبطي متاعبها
مالي ومال الذهب لا صرت ما انوله = ياما من الناس ما نالت مطالبها
عندي سوى اكسب رهن والا اخسر الجوله = اعنّف النفس بالقوه واحاسبها
انا وضيف القصيد لحالنا دوله = انا ملك عرشها والضيف حاجبها
اصارع الوقت واصبر واطرد فلوله = وغيوم الافراح في رجوى سحايبها
والوقت يرقص على الهامات بندوله = والناس يعرف خفاها من تجاربها
في خاطري شيء مزعلني وابا اقوله = ماهمني ردّة الفعل وعواقبها
قولو لوجه الفلس بشته مهو طوله = وعظامه اللي نقلها مات صاحبها
بعض الاشدّه من الصفصاف معموله = تضحك عليه البشر لاطاح راكبها
وبعض المقابر من الحيّين منزوله = وقبورهم ما بعد رزّت نصايبها
رجال بأفعالها بالخير مجبوله = وصلت مجال الفخر من فوق واجبها
ورجال بحظوظها بنعوش منقوله = ياليت رد الجزاء تنتف شواربها