سر تدهيل الطيور العصيه

[جريح الليل]

السلام عليكم ورحمة الله وبركاته

مبارك علينا وعليكم الشهر الكريم واعانا الله على قيامه و صيامه .

----------------------
موضوع للنقاش (سر تدهيل الطيور العاصيه )
عن طرق تدهيل الطيور العاصيه وبالاخص قرانيس الهوى قد يكون هناك طرق غير معروفه لدى الكثيرين .
فنرجوا اتحافنا بما لديكم لتعم الفائده .

[هم الشمالي]

وعليكم السلام
الي اعرفه مافيه اي اسرار بالتدهيل كلها طرق تقليديه وكل واحد له خبرته وتختلف من شخص لشخص بعض الطرق لتدهيل الطير
والطير يبي له صبر وبال وسيع وبعض الطيور طبيعته قشره تعلمه اليوم وبكره يتنكر بس فيه بعض العادات عند الطير مثل عدم الركاده والكوشه ونقل العلف والصيحه هاذي أكثر مايعاني منها الصقار ولها حلول وطرق يمكن بنسبه60% تنجح

[ابوناشي511]

تدهيل الطير العاصي يعتمد على خبرة الصقار فالنقل وفي وزن عدت الطير ويتجنب الأشيا اللي تزيد وحاشة الطير وبالأخص البزران وتجنبه لوظع الطير بدون برقع على الوكر وعدم وضعه فالأماكن المكشوفه ويقطع الطير من النوم لمده لاتقل عن ثلاث ايام
ورجع وعيد كل شي يعتمد على خبرة الصقار بعد توفيق الله

[جريح الليل]

الله يعطيكم العافيه على هالمعلومات

لكن ودنا نعرف طريقة التدهيل و الخطوات .

[معدي النايفه]

اهم شي بالنسبه لي اشوفه ينفع التسهير
ونقل الطير وهو مبرقع وتفريع الطير لمده بسيطه
ومسح نحره واذا تعبت حطه عند تلفزيون وشغل الصوت
وهو مبرقع
لحد ما يركد ويطيح الي براسه
واذا كان من الي اذا مسحته يقرط
لا تشيل اصبعك بسرعه
بهدوء وخل عندك شي قاسي يقرط فيه مثل البرقع او الدس او حصاه صغيره لحد ما يمل ويترك عوايده

[خالد العطااوي]

عليكم السلام ورحمة الله وبركاته
كيف الحال عساك بخير
وانت بخير وصحه وسلامه علينا وعليك ..
التدهيل : له طرق وكلن وصقارته
لكن احسن طريقه انه يكون دايم على يدك مفرع واذا كفخ برقعه
واذا يقرط لاتبعد يدك علشان مايتعود على التقريط ..
واسهر معه وامسح على صدره ولاتكثر التمسيح ..
ولاتبرقعه الا وهو كافخ بس .. وودك يكون على يدك دايم
وافضل شيء في البر علشان بعدين يركد .. ومايتنكر .. واقصر عليه لين تشوف الطير
وضعه تمام ..
والله يوفقك ويوفق الجميع

[رفحاوي 999]

باختصاار شديد ((((. الصبر خلي بالك طوويل )))))) والخبرة

[تميم2222]

السر هو الهدوء اثنا تعامل مع الطير وطول البال معه واقصر عليه باللعلف بحدود المعقول

[راعي القراميش]

سكر نبات يجبر الطير يشرب الما من يدك بفنجال.. (مرة واحدة فقط تجنبا للجفاف اللي يسببه للطير)

منع رقاد الطير اول الليال

اقصر على وجبة الطير و قسمها غدا و عشا و وارش رجل الطير دوم و هو مبرقع و خل باله عالعلف دوم اول الايـام

بخاخ الماء على صدر و جسم الطير اذا خفق.. و انتبه من بخ الما في فم الطير الا بحرص شديد و عن خبرة تجنبا لدخول الما ل رئة الطير

و طبعا التوكل على الله والصبر و طول البال تقع في قمة الهرم في التربيب