الحل مع باكم الكلتش والفرامل للباترول

[alrahal_ksa]

السلام عليكم ورحمة الله وبركاته
مبارك عليكم الشهر وجعلكم من صوامه وقوامه

طال عمركم انا عندي باترول 91 فيه صوت تنسيم عند الكلتش
وفجئه ثقل الكلتش وبعدها بفتره حجر الفرامل ومعد يمسك

وفريت على الورش وقالو باكم كلتش وعلبة الفرامل

وهذي ثاني مره اغيرهم

ومدري وش الحل مع هذا العطل

[هم الشمالي]

وعليكم السلام
يمكن البلف حق البكم مقفل عشان كذا يخرب البكم بسرعه

[روق الرياض]

هلا اخوي
مركب هدرز انت اذا مركب هدرز ولاحطيت مانع او عازل حراري ارعرف انه هو السبب حرار ع الباكم ويخرب ع طول قد صارت معي وشكر

[alrahal_ksa]

هلابكم اخواني
كيف اعرف انه مقفل البلف ولا لا
اما بنسبه للهدرز لا ماعليه هدرز

[هاوي بلادي]

ارجع للورشه وقال يشيك على بلف



طال عمرك



وان شاء الله سهلات

[alrahal_ksa]

الله يعطيكم العافيه
فكية البلف ولي يومين ادور بلف ولا حصلت

[الا سير]

يا اخوي الغ ياكم الكلتش وصل
وخل اللي الي يجي من المكينة يروح دايركت
لباكم الفرامل اذا اشتغل معك الباكم اعرف ان المشكلة من
البلف
وطبق نفس الحركة مع باكم الكلتش
وبلغنا وش يصير معك

[alrahal_ksa]

وصلت مع الفرامل ولا تغير شي
ووصلته مع باكم الكلتش وصاار خفيف الكلتش

اما مشكلت تحجير الفرامل مازالت ����

[الا سير]

اذا المشكله عندك باكم الفرامل خربان

[iBaaSel]

والله نفس مشكلتك بالضبط !!!!!!!

كان باكم الكلتش ينسم وبه ثقل شوي - بعدين حجر الفرامل !!

امس رحت لمحل مختص بالباكم قالي نغير لك باكم الفرامل اصلي مستعمل وعليه ضمان شهر ب 250
انا قلت ماراح استعجل واغير باكم الفرامل ويمكن يخرب مره ثانيه


في محل بالرياض ذكروه لي بشتري منه باكم الفرامل والكلتش مع ضمان والبلف

وانا بركبهن

[alrahal_ksa]

السلام عليكم

اليوم رحت لصناعية الخليخ عند الطائر اللله لايوفقه

ركبت باكم الفرامل عنده ويوم طلعت من الورش
حجر علي الفرامل قدام العالم وسويت زحمه بالشارع
الموتر عيا يتحرك وجبت عامل وسواء تنسيم للفرامل ومشت

ورجعتله وقال بوزنه لك ووزنه وحجر مره ثانيه

والله ابتلشت فيه

[ابو محمد64]

ارجع خذ فلوسك ما نفع افطر عليه الله لا يهينك انا ما ادري ليه تخافو منهم ولا جيب الدوريه بدون ما تقلهم وسحبهم اذا تبغاها نظاميه

[SGL]

http://mekshat.com/vb/showthread.php?t=274215
أخوي هذا موضوع أخونا الحمود جزاه الله خير راح يفيدك كثير إن شاء الله

[أحمد محمد1429]

باكم فرامل الددسن موديل 96 يركب ميه بالميه وانا مركبه ةلا فيه أي إختلاف

[alrahal_ksa]

الحمدلله وديته لورشه ثانيه
وتم وزن الباكم وتخفيف دعسة الفرامل وزبط

الله يعيطيكم العافيه يالغالين
والله يجزيكم كل خير

[الوسم]

يعني صارت المشكلة من وزنية باكم الفرامل ؟؟
طيب وينها فيه ؟
الله يجزاك خير نورنا معك
لا تفتح الموضوع وتخلينا نهوجس لك وانت وضعك زين وحنا ما استفدنا من موضوعك شيء يسوى
عطنا فائدة في موضوعك وعلمنا المشكلة يمكن نستفيد بعدين

[alrahal_ksa]

طال عمرك الوزنيه عند دعاسة الفرامل من داخل السياره
خلاء فيها فضاوه اشوي
والحمدلله معد حجر الفرامل

واسف على التاخير