استفسار عن قدور تيربو

[فارس 2014]

السلام عليكم


الله يعافيكم أبغى أستفسر عن أماكن بيع قدور ضغط تيربو الأصلية "باخشوين"

في الرياض


ومشكورين مقدما

[هيهااات]

حيااك . كم لترر بيغيت

[اصيل نجد]

السلام عليكم اتجه على طول لشارع السباله طبعا الشارع نازل من الغرب للشرق اتجاه واحد باول الشارع ووسطه بيع مفرق واخر الشارع قبل تدخل على طريق الملك فهد بيع جمله وبعضهم ماعنده يبيع مفرق بس فرق عن السوق واذا ماكان الفرق بالكم يكون بالنوع وتوفر الاحجام ومن يوم ماتشوف عليه ختم محفور حفر صنع بالمانيا تربو توكل على الله وخذه وسعر تري فيه فروقات المحلات عن بعض ربي يسهل امرك ملاحظه الجمله يصكون قبل المفرق بوقت

[فارس 2014]

حيااك . كم لترر بيغيت

متردد بين 6 أو 9 ليتر
إذا شفتهم قررت

[فارس 2014]

السلام عليكم اتجه على طول لشارع السباله طبعا الشارع نازل من الغرب للشرق اتجاه واحد باول الشارع ووسطه بيع مفرق واخر الشارع قبل تدخل على طريق الملك فهد بيع جمله وبعضهم ماعنده يبيع مفرق بس فرق عن السوق واذا ماكان الفرق بالكم يكون بالنوع وتوفر الاحجام ومن يوم ماتشوف عليه ختم محفور حفر صنع بالمانيا تربو توكل على الله وخذه وسعر تري فيه فروقات المحلات عن بعض ربي يسهل امرك ملاحظه الجمله يصكون قبل المفرق بوقت

الله يعافيك ويجزاك خير
بس ودي بباخشوين

[اصيل نجد]

الخير بوجهك . اشور عليك ب9 لتر ممتاز ويكفي شخصين ويكفي عشره اشخاص بالراحه لانه غالي وانا اخوك فاخذ الكبير افضلك وانا سبق استعملت التربو بكل مقاساته مشكلته في 2 الغلا والثقل والباقي ماعليه اي خلاف الله يطعمك خيره ويكفيك شره .

[حب النبي]

للرففففعععع

[خالد الخطير]

اخبر شفته بقصر الاواني وكان عندهم تخفيض الي بطريق خريص

تقدر تدور على رقمهم من الاتصالات وتكلمهم اذا انت بعيد عنهم

مع اني ماحبيته هالقدر مادري ليه !!

افضل التيفال لانه ستيل وصحي اكثر !!

بالاضافه يشغلك بيدينه الطويله اذا بتحطه بالعزبه

لكن بالبيت ممكن ينفع !!

[فارس 2014]

الخير بوجهك . اشور عليك ب9 لتر ممتاز ويكفي شخصين ويكفي عشره اشخاص بالراحه لانه غالي وانا اخوك فاخذ الكبير افضلك وانا سبق استعملت التربو بكل مقاساته مشكلته في 2 الغلا والثقل والباقي ماعليه اي خلاف الله يطعمك خيره ويكفيك شره .


الله يجزاك خير
بإذن الله باخذ بشورك وأجيب 9 لتر

[فارس 2014]

للرففففعععع

الله يرفع قدرك



اخبر شفته بقصر الاواني وكان عندهم تخفيض الي بطريق خريص

تقدر تدور على رقمهم من الاتصالات وتكلمهم اذا انت بعيد عنهم

مع اني ماحبيته هالقدر مادري ليه !!

افضل التيفال لانه ستيل وصحي اكثر !!

بالاضافه يشغلك بيدينه الطويله اذا بتحطه بالعزبه

لكن بالبيت ممكن ينفع !!

أنا أبغاه للبيت
والستيل ممتاز وصحي أكثر بس اللي جربوه يقولون يحرق الرز
عشان كذا فضلت التيربو

[خالد الخطير]

الله يرفع قدرك




أنا أبغاه للبيت
والستيل ممتاز وصحي أكثر بس اللي جربوه يقولون يحرق الرز
عشان كذا فضلت التيربو

انا جربت الستيل ومعاي فتره طويله !!

ولا عمره احرق الرز ابد ابد !!

الدجاج مع الرز = 15 دقيقه

لحم غنم = من 20 الى 30 دقيقه و تضيف الزر بعدها 10 دقايق ، الاجمالي 40 دقيقه او اقل

لحم حاشي = من 40 الى 45 دقيقه ، وتضيف الرز بعدها 10 دقايق ، الاجمالي 50 دقيقه

خذ زي هذا بالظبط وماتندم ابد

http://www.extrastores.com/ImagesSections/product/98/999269_L_1.jpg

الي يدينه سووووووداء غيره لا تاخذ هذا افضل موديل للكرف !!

تيفال اشترت شركة سب المشهوره ، و بتلاقي مكتوب تيفال وسب على الكرتون ، خذ ابو 8 او 10 لتر ، افضل مقاسين يصلح لعدد قليل و لعدد كثير

اطع الشور وماراح تندم ويكفي انه ان شاء الله صحي

وشاور ومن شاور ماخاب

[مخبط القشع]

السلام عليكم
انا شريت التيربو باخشوين من حوالي 6 شهور من محل اواني بسوق حجاب وحصلته متوفر عند كم محل من المحلات الكبار واخذته اتوقع ب 850
وبيني وبينك لاتعداه من قدر
انا حصلت واحد يسوي لقدر تيربو صيانه يقول معه من 25 سنه ولاتغير فيه شي

[شقران نجد]

التيربو من اروع القدور اللي استخدمتها مشكلته في ثلاث .....
الغلا

كبير بسبب يد التطبيق الجانبيه

معدن ولو كان ستيل ياسلام

ولكن هذا قدر الظغط اذا قالو لك ظغط

[راعي المرباع]

اشهد بالله انه خوش قدر ماشاء الله ، خذ التيربو وبتلقى نكهة الطبخ على اصوله
وبقولك شي وابيك تذكر كلامي ، بعد فترة لاتعودت على الطبخ فيه راح تكره القدور الثانية ولاتعترف بها ،لان نكهة الطعم فيه غير
والله غير واسأل مجرب وخذ مقاس 9 لتر افضل شي ،،،
والله يعطيكم من خيره ويكفيكم من شررررررررره .

[فارس 2014]

انا جربت الستيل ومعاي فتره طويله !!

ولا عمره احرق الرز ابد ابد !!

الدجاج مع الرز = 15 دقيقه

لحم غنم = من 20 الى 30 دقيقه و تضيف الزر بعدها 10 دقايق ، الاجمالي 40 دقيقه او اقل

لحم حاشي = من 40 الى 45 دقيقه ، وتضيف الرز بعدها 10 دقايق ، الاجمالي 50 دقيقه

خذ زي هذا بالظبط وماتندم ابد

http://www.extrastores.com/ImagesSections/product/98/999269_L_1.jpg

الي يدينه سووووووداء غيره لا تاخذ هذا افضل موديل للكرف !!

تيفال اشترت شركة سب المشهوره ، و بتلاقي مكتوب تيفال وسب على الكرتون ، خذ ابو 8 او 10 لتر ، افضل مقاسين يصلح لعدد قليل و لعدد كثير

اطع الشور وماراح تندم ويكفي انه ان شاء الله صحي

وشاور ومن شاور ماخاب

ألف ألف شكر أخوي
ما قصرت الله يجزاك خير
بس ما زلت أميل للتيربو والله يكتب اللي فيه الخير

[فارس 2014]

السلام عليكم
انا شريت التيربو باخشوين من حوالي 6 شهور من محل اواني بسوق حجاب وحصلته متوفر عند كم محل من المحلات الكبار واخذته اتوقع ب 850
وبيني وبينك لاتعداه من قدر
انا حصلت واحد يسوي لقدر تيربو صيانه يقول معه من 25 سنه ولاتغير فيه شي

مشكور أخوي
اللي ب 850 كم لتر؟

[فارس 2014]

التيربو من اروع القدور اللي استخدمتها مشكلته في ثلاث .....
الغلا

كبير بسبب يد التطبيق الجانبيه

معدن ولو كان ستيل ياسلام

ولكن هذا قدر الظغط اذا قالو لك ظغط


اشهد بالله انه خوش قدر ماشاء الله ، خذ التيربو وبتلقى نكهة الطبخ على اصوله
وبقولك شي وابيك تذكر كلامي ، بعد فترة لاتعودت على الطبخ فيه راح تكره القدور الثانية ولاتعترف بها ،لان نكهة الطعم فيه غير
والله غير واسأل مجرب وخذ مقاس 9 لتر افضل شي ،،،
والله يعطيكم من خيره ويكفيكم من شررررررررره .

الله يجزاكم خير زدتوني قناعة
الله يعطيني ويعطيكم من خيره ويكفيني وإياكم من شره