الكفرات الخلفية تتمسح حتى بعد عمل ميزآن

[hussien18]

السلام عليكم

ياشباب انا كانت عندي الكفرات الخلفية فيها مشكلة وهي مايله وتتمسح (تتآكل) كل 25 الف كيلو :(
اما بالنسبة للكفرات الاماميه جديدة جدا جدا وكالة ما راح منها شي ابد :D:D

قبل 4 اسابيع اشتريت طقم كفرات جديد امامي وخلفي وسويت ميزان وصارت الكفرات الخلفية سنتر ومافيها اي ميلان

بعد 3 الاف كيلو بدأت الكفرات الخلفية تتمسح

ولاحظت الكفرات الخلفية رجعت من جديد مايله

وش ممكن تكون المشكلة؟

هذا الطقم الثالث اللي اخسره

تكفون ابي احل مابي اخسر طقم الكفرات

السيارة كابرس اس اس 2007

[hussien18]

والله محد بهالبلد فاهم بالسيارات ، مايعرفوا شي غير انك تجيه غير لي القطعة هذه

اما تشخيص المشكلة مافيه احد فاهم

السيارة ماجاها حادث او ضربة رصيف وانا الشخص الوحيد اللي يستخدمها

تكفون نبي حل قبل لا نخسر طقم كفرات جديد :(:(

[الوسم]

إذا كان يا حسين الدفرنس كامل داخل الماصورة ف غير الجرم واللي فيه أريح لك
وإذا كان الدفرنس الخلفي من اللي يسمونه فليور ف غير الركب والمقصات ولكن في حالتك أتوقع غن المشكله من رمان الدفرنس لذلك غيره كاااامل حسن لك

[hussien18]

إذا كان يا حسين الدفرنس كامل داخل الماصورة ف غير الجرم واللي فيه أريح لك
وإذا كان الدفرنس الخلفي من اللي يسمونه فليور ف غير الركب والمقصات ولكن في حالتك أتوقع غن المشكله من رمان الدفرنس لذلك غيره كاااامل حسن لك


والله ماعرف اذا يجي داخل الماصورة او لا
لكن حصلت الدفرنس كامل مستعمل ماشي 21 الف سعره 4000 ريال :p:p:p

بصراحه المبلغ جامد شوي

هل ممكن تكون المشكلة بسيطة ومالها علاقه بالدفرنس؟

السيارة مخزنة اشتريتها من الوكالة 2010 شهر 10 وما عمري آكلت فيها مطب او رصيف او حفره. وانا الشخص الوحيد اللي يستخدمها.

اشتريتها وبعدها بشهر او شهرين سافرت وخليتها واقفه 8 شهور او اكثر وبعدين بدأت استخدمها بشكل يومي

هل ممكن تكون الجلد متقطعة او تعبانه عشان السيارة مخزنة وواقفه مدة طويله؟

[ابوراكان تبوك]

قيس المسافات اللي بين الكفر والرفرف للجهتين على ان يكون مكان القياس نفس الشي
الدفرنس لا افتر ولو نص سامتي يمسح الكفرات دايركت

[اسدهم]

غير جلد الفليور واذاكان مقصات خلفي طبعن فوق وتحت ولاتنزي ذراع الفليورات ممكن جاية طعج

[hussien18]

غير جلد الفليور واذاكان مقصات خلفي طبعن فوق وتحت ولاتنزي ذراع الفليورات ممكن جاية طعج

المقصات الخلفية هي ثلاث:

طقم جلد مقصات سفلية داخلية
طقم جلد مقصات سفلية خارجية
طقم جلد مقصات سفلية علوية

اغير جميع جلد المقصات الخلفية ولا الخارجيه والداخلية فقط؟

ياريت لو فيه شي اغيره كمان عشان ادخلها الورشة مره وحده :):)

[hussien18]

قيس المسافات اللي بين الكفر والرفرف للجهتين على ان يكون مكان القياس نفس الشي
الدفرنس لا افتر ولو نص سامتي يمسح الكفرات دايركت
متساويه اخوي

[hussien18]

هذا صورة توضح القطع الموجودة بسيارتيhttp://www.superpro.com.au/superpro_parts/parts_images/R28.jpg

[الوسم]

وش هي سيارتك يا حسين ؟؟؟
وانت على كلامك شاريها من الوكاله مخزنه ؟؟
وإذا كانت تحت الضمان !! رح للوكاله وخلهم يزينونها لك ..
هل وزنت الأذرعه الخلفيه ؟؟ كم مرره وزنتها ؟؟
وواضح من الصوره ان الدفرنس الخلفي عندك من اللي يسمى بنظام الفليور فإذن والله أعلم .. يجب تغييركامل الجلب اللي في الصورة
لأنها تتحكم في توازن وثبات الكفر عند الحركه كلها مع كراسي الدفرنس وتسبب تأاكل الكفرات من جميع الجهات وبحسب المنطقه المتركز عليها وزن السيارة
ولكن يجب أيضا فحص قطع الدفرنس في المخرطه مع التأكيد على عدم وجود أي خلوص ( فضاوة ) في الرمانات كامله مع رؤوس العكوس اليمين واليسار
والله يدلك على الخير

[الصيادالمليح]

عاين قوة تحمل وزن الكفرات مع وزن سيارتك

لو سيارتك مثلا وزنها 2 طن لابد يكون مجموع تحمل وزن كفرات سيارتك أعلى من 2 طن


2 طن = 2000 كيلوغرام


اعلى تحمل للوزن للكفر الواحد المفروض أكثر من 500 كيلوغرام

وتلاقي اقصى تحمل للوزن مكتوب على الكفرات

[آخر العنقود]

هلا اخوي رح لمركز برجستون اللي بالرياض علي طريق خريص وقله ابسوي وزن اذرعه للكفرات الأماميه والخلفيه وبيشيك عليها بالكمبيوتر وبيعطيك العلم اذا في مقصات موترك الخلفيه اي مشكله واتوقع مشكلة مسحية موترك يحتاج كبس كمر مر المحل اللي قلت لك وبيفيدك بالتوفيق...

[بدر بن براهيم]

تاكد ان عيالك ما ياخذون سيارتك ( يخمس لين تمسح الي ورى )

[الوسم]

تاكد ان عيالك ما ياخذون سيارتك ( يخمس لين تمسح الي ورى )

والله إظاهر إنك حول الدعوى :good2::good2::good2:

[كم كيلو باقي]

يا اخوي بدر الرجال يقول محد يسوقها غيره

[ابوراكان تبوك]

الموضوع قديم شوي لكن واضح ان الموتر يفرش زياده مع الخط ممكن جلد الفريول او شيء آخر

[كاشت وحداني]

الكابرس يجي في الخلف مقصات وعكوس وليست دفرنس كامل
موترك بحاجة كبس كمر
اذا وزنت بدون كبس الكمر ترجع تفرش


أرسلت بواسطة iPhone بإستخدام Tapatalk