اهل الأجواد من يفيدني

[الموج الخطير]

السلام عليكم ورحمه الله وبركاته
مبارك الشهر عليكم ي اعضاء مكشات
من يفيدني يا اخوان عندي مشكله في لاندكروزر موديل 99 تبدأ بتشغيل الموتر وهو بارد ودوس على الموتر تسمع تعطيس في قربه الهواء وبعد السياره عزمها ثقيل في الخط الموتر مايتعدى 140 بس وهذا رحت الى كم ورشه يقولوا تنظيف بخاخات وسويت تنظيف للموتر بخاخات وبعد هذا مغير فلتر البنزين وبواجي والمشكله موجوده ماراحت وين اهل الخبره

[يالبى الهلا]

عندك ضعف بالطلمبة البنزين ماتدفع قوى للبخاخات وكذلك انسداد في المواصير الوقود

[cadillac911]

وشيك على فلتر الهوا


Liverpool for ever

[الموج الخطير]

اخوي كيف تعرف ان طرمبه البنزين ماتدفع واحد قالي نفس كلامك بس يقول ماني متأكد وخاف اخذها ويطلع الخراب ماهو منها

[الحربي 591]

اخوي هل فيها تفتفه

ومع التشغيل في الصبح تسمع صوت تكتكتكتك

[الموج الخطير]

السياره صوتها صافي بس عند الدوس عزمها ثقيل في القومه

[جمس _ 2002]

فك شخالة الشكمان الي هي دبة التلوث

[الموج الخطير]

اليوم رحت ورشه ميكانيكي وسويت فحص كمبيوتر وقال عندك حساس تحت ثلاجه المكينه وله تأثير على العزم واسمه النوك سنسور

[حب النبي]

يعطيكم العافية جميع

[يالبى الهلا]

حساس تحت الثلاجة معنى لازم تفك الثلاجة


والنوك سينسور إذا كان فيه خلل فالسيارة تهتز وهي واقفة لكن إذا مشت إختفت وتختفي اللمبة عادة
ونصيحتي لو تبي تغيره قل للعامل بطريقه ينظف الثلاجة مع صبابات البخاخات بالبنزين وينفخها بالهواء عشان مره وحده يصير شغلك

knock sensor : هو حساس الطرق .

: هو حساس الطرق .

هو حساس يعمل على استشعار فيما لو صار اشعال مبكر للشراره
والذي يؤدي الى سماع صوت مثل الجرس من المحرك او صوت الطرق
فيعمل الحساس الى اعلام الكمبيوتر بانه يوجد اشعال مبكر للوقود بالسياره ,
فيعمل الكمبيوتر على ضبط الاشعال او تاخيره لتختفي تلك الاصوات , والتي
لربما لها ضرر على البساتم والصمامات وعلى راس المحرك .

حاول تغييره ان ثبت منه الخلل وهو الافضل .

افحص لربما تزيد حرارة السياره مما يؤدي الى احتراق البنزين مبكرا .

يوجد حل اخر ولربما انه ليس جذري لكنه يخفي المشكله ان شاء الله ,
والحل هو : استخدام بنزين اوكتان 95 والافضل 98 اوكتان .

والله اعلم .

واعلمنا بالنتيجه ان شاء الله .