باترول 90 (الحراره)

[قناص الأشهب]

السلام عليكم ورحمة الله وبركاته
بأدخل بالموضوع .
عندي باترول 90 حيرني في ارتفاع الحرارة
قبل مشروع التصليح كان عليه مراوح سوبارو ولكن تسليكها اي كلام وكان فيه تفتفه وصرفية بنزن هائله
طلعت عليه مقناص وانفجرة طبة الماء وارتفعت الحرارة بدون ما انتبه وأنشعر رأس المكينه .
وديته الورشه وصلحت فيه الآتي ..
رأس مكينه يقول صاحب المخرطه أول مسحة له
بلوف وجلد البلوف أصلي
طقم وجيه اصلي
طرنبة زيت أصلي
صحن كلتش والدسق أصلي
رديتر ألمنيوم صيني صفتين ( ماء اصلي ميتسوبيشي اخضر والباقي مقطر )
غطاء رديتر اصلي
قربة ماء تجاري
طقم طبات اصلي
طرنبة ماء ياباني غيرتها قبل لا يضرب الرأس
طقم سور وبكرات أصلي
ساعة أو حساس الزيت أصلي
مراوح سوبارو من البتار + مروحة اضافيه خلف الشبك للمكيف
و أغلب الأهواز الي شفتها تعبانه أو نص عمر غيرتها اصلي
كاربريتر جديد ياباني
ديلكو جديد اصلي
وأشياء لا تحضرني كل هذي الأشياء كلفتني حول 10 آلاف ريال
وبعد هذا المشوار الطويل طلعت الجيب من الورشه بعد ما وزن الديلكو والكاربريتر وضبط امورة
والحرارة ارتفعت والموتر فيه كتمة وهذا وصفها ..
الحراره/ أذا شغلت الموتر وحميته وأخليه بعض الأحيان 10 دقايق شغال وضعه طيب ولكن اذا حركت ومشيت داخل الحارة ابي امسك الخط السريع ترتفع الى النص على السرعات المنخفظه من 80 وتحت .
وذا مشيت على السريع وبسرعات عاليه من 100 كم وفوق تنخفظ الحرارة الى تحت الربع ووضعها تمام .
أذا وقفت عند الأشارة ترتفع الحراره جتني فكرة مرة ودعست على البانزين وأرتفع الريس الى 2.5 وضليت داعس يمكن دقيقة الا والحراره تنخفظ شوي شوي حتى قاربة الربع وأنا طبعا واقف ما تحركت .
شيكت المراوح شغاله وتمام .
( رجعت الورشه وقال يمكن الراس وعندة احتمال أنه سليم ولكن يحتاج تدبيل القاز قيت وما اقتنعت )

الكتمة الي بالموتر /
الكتمه أذا زريت عليه في نمرة يكتم
والبارح بغيت اسوي حادث بسببها رديته من الثالث ألى الثاني ابي الحق المدخل وكتم الموتر تقول مخنوق ومحله لا يمش ولا شي كأني رافع رجلي عن البنزن .
المطلوب يا اخوان
1/ الحرارة وش تتوقعون سببها يراودني شك انها من الطرنبة .
2/ الكتمه الي فيه
3/ صرفية البنزين لا زالت
آسف للأطاله ولكن من الغبن الي فيني على التعب الي تعبته فيه

[الوسم]

ياااا سااااتر والله يعوضك
لا تعجل يمكن المسأله وزن ديلكوا فقط
إرجع للورشه وقل له إفحص الديلكوعلى الشراره الكهرب
اللي هو مسدس الشراره

[نفداوي]

الله يعوض عليك ولا يضيع خسايرك

[قناص الأشهب]

[QUOTE=الوسم;10151616]
ياااا سااااتر والله يعوضك
لا تعجل يمكن المسأله وزن ديلكوا فقط
إرجع للورشه وقل له إفحص الديلكوعلى الشراره الكهرب
اللي هو مسدس الشراره [/


الله يجزاك خير ولكن الديلكو موزون على الشرارة

[قناص الأشهب]

الله يعوض عليك ولا يضيع خسايرك


الله يجزاك خير
شرفت الموضوع

[يالبى الهلا]

الرأس عندك سليم.لوفية شئ راح الحرارة ترتفع مع السرعه عندك المراوح ما تبرد الرأس خاصة السوباروا ماينفع للجيوب للهلكسات فقط اذاتركب مراوح جمس 2007 تجيب الرأس ولاكن.غالية فالأفضل ركب مروحة شد البلد أم كلتش وجرب الموتر امابالنسبة للكتمة فعندك مشكلة بدورة الوقود فاقرب محطة واخلط مع البنزين قاز5 لتر أو استخدم معالج الوقود من مستوبيشي عبارة عن منظف للبخاخات يخلط مع البنزين وشكرااااا

[يالبى الهلا]

نسيت أسألك هل أنت مركب بلف الحرارة ولاملغية

[المطيري99]

الأخ قناص الأشهب / السلآم عليكم
1 - هل بلف الحرارة موجود بالمكينة أم شلتة ؟
2 - متى غيرت طرمبة الماء ؟
3 - بالنسبة لوزن البلوف والديلكو يخفض الحرارة
4 - يوجد لي فوق الطرمبة صغير كثيراً مايكون سبب في ارتفاع الحرارة
5 - هل تم تغيير اوتوماتيك المروحة اصلي وكذلك المروحة ؟
مع العلم خلك بجنب المهندس في كل اصلاح عطل

والله ولي التوفيق ..

[كبسولة2]

ركب مروحة الكلتش وجرب الموتر

إذا راحت الحرارة او خفت معناته المشكلة من المراوح الكهرب

وعطنا خبر وإن شاء الله تنحل

[قناص الأشهب]

الرأس عندك سليم.لوفية شئ راح الحرارة ترتفع مع السرعه عندك المراوح ما تبرد الرأس خاصة السوباروا ماينفع للجيوب للهلكسات فقط اذاتركب مراوح جمس 2007 تجيب الرأس ولاكن.غالية فالأفضل ركب مروحة شد البلد أم كلتش وجرب الموتر امابالنسبة للكتمة فعندك مشكلة بدورة الوقود فاقرب محطة واخلط مع البنزين قاز5 لتر أو استخدم معالج الوقود من مستوبيشي عبارة عن منظف للبخاخات يخلط مع البنزين وشكرااااا


السوبارو مركبه على الباترول من ثﻻث سنين وما شفت منها الا كل خير
والي غيرتها برضه سوبارو ولكن شغل جديد وكتاوتات .
بالنسبه لمروحة بلادها ودي اركبها ولكن تخسرت في المراوح فوق الالف ريال ااو ازود

[قناص الأشهب]

الأخ قناص الأشهب / السلآم عليكم
1 - هل بلف الحرارة موجود بالمكينة أم شلتة ؟
2 - متى غيرت طرمبة الماء ؟
3 - بالنسبة لوزن البلوف والديلكو يخفض الحرارة
4 - يوجد لي فوق الطرمبة صغير كثيراً مايكون سبب في ارتفاع الحرارة
5 - هل تم تغيير اوتوماتيك المروحة اصلي وكذلك المروحة ؟
مع العلم خلك بجنب المهندس في كل اصلاح عطل

والله ولي التوفيق ..

1- بلف الحرارة موجود ولم افكه من اول بل غيرته بواحد اصلي جديد
2- غيرتها قبل 7 اشهر يابانيه وليست اصلي ولكن اتوقع ما يضر وشيكت عليها ما فيها اي اثر تهريب
3- كﻻمك سليم
4- غيرته بواحد جديد
5- المراوح الي عليه سوبارو كهربائيه سواء السابقه او الحاليه وشغاله تمام
ﻻ هنت يالنشمي

[قناص الأشهب]

ركب مروحة الكلتش وجرب الموتر

إذا راحت الحرارة او خفت معناته المشكلة من المراوح الكهرب

وعطنا خبر وإن شاء الله تنحل

اخبرك ما تداني شغل الترهيم وخاصه المراوح هههههه
والله يا ذيبان ودي اني مسويها من اول ولكن تخسرت واجد على مراوح السوبارو وهي بالاصل كانت عليه من اول 3 سنوات ووضعها طيب

[yhya -ksa]

اخوي الله يسعدك الله

يكفيك الخساير ومعوض ان شاء الله وتنحل مشكلتك

مشكلتك الحراره اكيد مروحه في مع السرعه تنخفض ومع الوقفه تزداد

لان كل م مشيت الهواء يدفع مع المروحه ويتبرد المكينه لكن

شف جيبلك منديل وجرب شوف المروححه حط المنديل اما المروحه شوفها تشفط او تدفعه نحو المكينه

لان احيان الكهربائي يسلكها ينسى مايخليها دفع هواء للمكينه

وخربنا ايش الي يسير معاك الله يسعدك

[أبوصالح9]

مشكلة الحرارة بين 3 اشياء

1- البلف - وحتى لو كان اصلي احيانا يدقر
2- غطاء الرديتر
3- المراوح

[كبسولة2]

اخبرك ما تداني شغل الترهيم وخاصه المراوح هههههه
والله يا ذيبان ودي اني مسويها من اول ولكن تخسرت واجد على مراوح السوبارو وهي بالاصل كانت عليه من اول 3 سنوات ووضعها طيب

والله الترهيم ماوراه الا الخساير

أنا ماقول الغها ركبها تجربة يومين ثﻻثة وشوف الوضع

إذا اختفت المشكلة معناته المرواح فيها مشكلة

إذا ماختفت المشكلة معناته الحرارة من شئ ثاني غير المراوح

[مدرس بالغصب]

مشاكل الباترول ماتخلص
اسال مجررررررب

[محب الهيف]

الله يعوضك ان شاء الله والاخوان ماقصرو ياليت أن حلت مشكلتك تعلمنا

[الوسم]

ترى على فكرة أتوقع ان مجاري الراس اللي في المكينه ضيييييقه من المويه اللي كانت فيه ومع الوقت ملحت وسكرت أو ضيقت المجاري
وترا بلف الحراره الصحيح اللي يفتح على 76ونصف اللي هو حق الديزل تبي تلقاه عند محلات قطع الغيار إذا كان البلف اللي عندك 82 غيره الى 76 ونصف ولا تستغرب تراه يبي يفرق واااااااججد
الحاجه الأخيرة وانا ما أييدك على مراوح الكهرب ولكن امحط السيارة مشاوير وعلى سرعات عاليه ومع الوقت تراك تبي تفرق الحرارة شوى بعد كذا غير البلف والمويه وجرب وإذا ما ضبط ركب تماتيك شد البلد مع مروحته وترى الحراره تبي تزين عقب كذا
أنا اتكلم من تجربه ولا اخمن وهذا اللي انا سويته في سيارتي وانت واللي يجوز لك عاد وانت ابخص
ولكن .... لا تنسانا ... إرجع هنا وعلمنا وش اللي يصير معك ولعله يزين وتزين سيارات الناس معك وبسببك علشان تفييييييد الناس وتستفيد انت ايضا

[قناص الأشهب]

الله لا يهينكم جميع
وبأذن الله تنحل المشكله
وبأوافيكم بالتطورات أول بأول

[جني صغير]

اخوي

ما فكرت بالرديتر عشانه رصتين وصيني هذا يمكن سبب الحرارة

لان الدتسن لما تركب رصه وحده تبع الشد بلد على مراوح ترتفع الحرارة مثل الدتسن ٩٣

وحطيت أردني ثلاث رصات الحرار ما تتعدى الربع

وبالنسبه للصرفيه حلها بسيط

ركب ايبر التيما او كلبيتر التيما

وشف الفرق بالصرفيه والكربنه

من ناحية الكبليتر فأنا متأكد

[المطيري99]

القناص الأشهب / السلآم
1 - اخبرنا وش اخر التطورات
2 - هل شيكت للمرة الثانية على طرمبة الماء وأكرر الاصلية فقط ؟ خصوصاً انه تم تغييرها قبل ان ينشعر الرأس .

[قناص الأشهب]

يا النشامى والله انكم على بالي
ولكن الورشه الي اشتغلو موتري مشغولين على كﻻمهم وﻻ ودي اصلح الا عندهم علشان يتحملون الاخطاء الي منهم

[a.m.shr]

السلام عليكم ورحمة الله وبركاته
كيفكم ان شاء الله بخير
انا عضو جديد معكم وان شاء الله ننتفع وننفع بعض بكل خير

بالنسبه للاخ قناص الاشهب
باقولك عن راس المكينة اللي غبرته احتمال يكون خارطينه اكثر وهذا ياثر وزود الحرارة
ولا تتدبل وجيه الراس لانه بيضعف العزم عندك
وتاكد من ثلاجة الراس احتمال تكون مسدوده اللي هي مجاري الموية
هذا ما يتعلق براس المكينه
اذا طلعت سليمه ربما يكون دينمو الموتر ضعيف او خربان وما يعطي كهرب للمراوح وتضعف الا اذا مشيت خط تزود سرعتها هذا اذا كان الدينمو عادي مو الكتروني والنصيحه بدل الدينمو الى دينمو فتك لانه 110 امبير والوكاله تقريبا 60 او 80 امبير
وكمان بدل الراديتر المنبوم اردني احسن وافضل حتى لو رصه وحده واذا تبي الورشه اللي تنفعك وتعطيك الحل روح ورشة باترول في الرياض في الصناعية القديمة
انا موتري باترول موديل 93 وعليه مراوح سوبارو شغل ورشة باترول والحمدلله وما شاء الله في الصيف والظهر ما تتعدى الربع والدينمو فتك والشتاء مسوي له مسح راس وسويت جلد بلوف ووجيه راس والحمد لله ما اشتكي من شي
واما بالنسبه للتفتفه احتمال بسيط انها تكون من الحرارة
والاكثر وانا متاكد منه من تجربتي تراه من الكربريتر الياباني انا مجربه وكان يكتم وبتفتف مثل ما قلت انت
روح بدله بواحد وكاله من المحلات حقت الكربريترات او التشاليح حاول انك تاخذ واحد مو مفكوك ابد وخذ ضمان اقل شئ شهر والله ييسر لك امورك ويعوضك خير
ومعليش على الاطاله
هذي بدايات بس ههههههههههه هع هع

[hail_ksa]

أنا كنت مركب رديتر أردني على باترول 95
وانلقفت وركبت رديتر صيني ألمنيوم
بعدها عينك ما تشوف ألا الحراره


إذا عندك الرديتر القديم رجعه وشف وش يصير معك

[بدوي جنوبي]

المفروض ما تلغى المروحة الميكانيكه
اول خطوة رجعها
وخبرنا اش يصير معك
وتأكد ان القربه الاضافى ما تكون مليانه ماء للنص فقط

[قناص الأشهب]

السﻻم عليكم ورحمة الله وبركاته
صبحكم الله بالخير جميع
والله ﻻ يهينكم من رد ومن شارك ومن دعا لنا بالخير
أوﻻ ابشركم الموتر ضبط معي والسالفه هي كالآتي
رحت للورشه الي اشتغلت عندهم مع انهم كانوا مشغولين ولكن ظغط عليهم اليوم مانيب فاككم حتى تضبطون الموتر .
بغوا يباشرون بالرأس المكينه على طول قلتلهم تعوذوا من ابليس الرأس أن شاء الله انه سليم
مع زود التفكير جاء صاحب الورشه وهو سعودي ويشتغل معهم قال من المشكله من البلف قلتله يا مسلم توي مغيره ما امداه يخرب
قال خل نجرب فك البلف وخله بدون بلف وتمش اليله بالموتر وش اذا ما ارتفعت الحراره فأعرف انها منه
وفعلا فكيت البلف وطلعت الموتر ولفيت فيه بين الحواري ومره على السريع ومن يمين ومن يسار الا والموتر حرارته اقل من الربع ووضعه طيب
ولله الحمد طبعا رجعت لهم مره ثانيه وناوي اركب بلف جديد يمدحون بلف الديزل .
ومن الاشياء الي اتفقنا عليه اني بأفك مراوح الكهرب وبأستبدلها بالميكانيكيه ولكن الموضوع يبيله صبر لان من شريت الموتر
وعليه مراوح كهرب وقالي اصبر شوي يجونه زباين يبون يغيرون من الميكانيكيه الى الكهرب ..
اكرر شكري لكل من شارك وأبدا رأيه ..
الغريب يأخوان ان البلف طلع خربان مع انه جديد وأصلي ..

[الهاجري 4800]

الحمد لله على السلامة

[أبوصالح9]

قايلن لك وشف ردي السابق- بس ترا لازم تحط بلف جديد

[ابوه محمد]

السلام عليكم
اخي بالنسبة للحرارة
تأكد من غطا الرديتر ( ولو انه اصلي )

اقرب ممحل قطع غيار غير غطا تجاري وشف الفرق
مشكلة الحرارة الغطا الأصلي كاتم الهوا ولا يسحب من القربه
بعكس التجاري جرب وردلي والغطا التجاري سعره 15 ريال


وموفق يالغالي

[الوسم]

الحمد لله على نعمته ورحمته
لا تنسى تركب التماتيك الاصلي بمروحته مع بلف الديزل
واعتبر المويه اللي فيه غسيل وحط تايوتا اصلي او اي مويه اصلي ثاني ولا تخلط معها مقطر لانها مكتوب عليها مخلوطه جااااهزه
وعساك للتوفيييييييق

[ابومحمد 88]

مايدمر المكينه وخاصه للسيارات الكلبليتر الا البلف يحوس المكينه حوس البلف بشتاء ركبه وبالصيف فكة والحمد لله على امر الله ماكان شي ثاني غير البلف

[قناص الأشهب]

اشكركم جميعا
المشكله كانت من البلف فقط ولله الحمد
والي كنت مستغرب منه انه جديد وطلع البﻻ منه
والمروحه حقت بﻻده ناوين نغيرها بأذن الله

[الوسم]

اشكركم جميعا
المشكله كانت من البلف فقط ولله الحمد
والي كنت مستغرب منه انه جديد وطلع البﻻ منه
والمروحه حقت بﻻده ناوين نغيرها بأذن الله

الحمد لله يا قناص إن الله دللك على العلله
والحمد لله إنها سهلة وغير مكلفه
والله يجزاك خير إنك بينتها لإخوانك
والله يعطيك خيره ويكفيك والناس شرره