افيدوني ماهو العمل مع صاب

[ليل الخير]

السلام عليكم ورحمة الله وبركاته
اخواني قصتي اني شريت من عند صاب سكتون هواء 29 صيني بقيمة 700 ريال يوم 25 شعبان وبعد ما اخذتها اكتشفت ان فيها مشكلة بالميزان حقها وعجزت اوزنها رجعت وشرحت لهم المشكله وجربوها قالوا نعرضها على الضمان واعطوني استماره اعبيها واشرح فيها المشكلة وقالو خلاص خذ السكتون معك وحنا نتصل عليك والى الان لي 15 يوم وهم ماتصلو وش الحل معهم

[خيال وبروق]

عندك وزارة التجاره
اتصل عليهم او حمل برنامجهم
واشرح المشكله لهم
يومين بلكثير راح يتصلون
عليك صاب يطلبون العذر والسموحه

انا لي تجارب مع الوزاره كلها ناجحه الله يجزاهم خير

[محمد ابن عيد]

..
حياك الله ي الغالي
يمكن ماعـرفت توزنه
او فيهـا عوج ب / السبطــانه
تاكد و ان كانت من السبطانه
رح لمهم وخذ حقك

[ممتر البران]

توزن وهي ما عليها دربيل!!!!

[مطر وسم]

انا اخذت من صاب ساكتون الماني ديانا مقاس 21 رميت فيها اسبوع وطاح مسمار النيشان من نفسه (تركيب سسيئ من المصنع) رحت وركبت جديد على حسابي ب 50 ريال هذا الكلام قبل سنتين

لاحظ ان الساكتون اللي اتكلم عنها الماني فخر وقمة الصناعه فما بالك بالصيني اردى صناعه

من رائي انك تركب ميزان جديد وريح راسك بيروح وقت الصيد وانت ماحصلت نتيجه منهم

تحياتي للجميع

[عآشق المهره]

صلحها يارجل والله يعوضك
التاجر يهمه ربحه مايهمه مصلحه العميل
افضل لك من المرمرطه معاهم

[ابو كشتة]

عندك وزارة التجاره
اتصل عليهم او حمل برنامجهم
واشرح المشكله لهم
يومين بلكثير راح يتصلون
عليك صاب يطلبون العذر والسموحه

انا لي تجارب مع الوزاره كلها ناجحه الله يجزاهم خير

[Lover Albatru]

افادوك الاخوان

[حب النبي]

معوض خير الصبر بس