الشاص النيسان ينفع لراعي الطير

[جو الشيخ]

السلام عليكم ورحمه الله وبركاته
استفسار يالربع
الجيب الشاص النيسان الجديد ينفع يكون سياره مقناص لراعي الطير
ويكون به الطير الراكد تقدر تفرعه
ارجوا المشاركه للي جربه او يعرف احد مجربه
انتظر ردودكم الله يجعلكم من العتقاء من النار بهالشهر الفضيل
اللي يرد واللي يقراء

[عضيد]

لاشك لستغنيت عن الخوي ينفع يكون موتر مقناص
لكن بوجود الخوي وين بيكون الطير

[اابوخالد666]

وعليكم السلام
المديل الجديد فييه ثلاجه بين الأكشان ممكن تحط تكايه لطير عليها مثل طريقه الجيب الصالون

[جو الشيخ]

ايه ابي احط تكايه وابي افرع لطير بس ابي اعرف الطير يرتاح به زي الصالون
ابي اللي جربوه

[محمد ابن سعود]

عليكم السلام ورحمة الله
وحياك الله بس مافي مثل الجيب ،، اما من ناحية الشاص تايوتا والنيسان ممتاز بس للطير للأسف مايصلح أغلب الى اعرفهم الطير وجهه للدريشه الخلفيه ويمرش الله يعزكم على الجلنط هذا الى عندي واتمنى لك التوفيق ..

[.°•أبو سعد•°.]

ماقصرو الاخون

[.°•أبو سعد•°.]

وان شاء الله بيشاركون الاخوان ااباقين ويفيدونك

[مودع الخلان]

موتر الصقار صالون باترول

[رِصد جوِي]

خذ لكـ جيب صآلون

آو شفلكـ ربع تآيوتا يكون نظيف

والله يوفقك

[قرناس هواا]

ممتاز جداً ويوجد فيه ثلاجه بين المرتبتين تحط تكايه الطير عليها والطير ياخذ راحته فيها والراكب مرتاح ، بالتوفيق

[عابر الموج]

للطير غير الصالون لاتدور كل شي سويناه للشاص لكن مانفع للطير وبالاخير صالون يريحك ويريح طيرك لك تحياتي

[رفحاااااوي]

ماقصروا الاخوان اللي اشوفه انا كان قصدك صغر الموتر بالفعل الشاص النيسان موتر صغير وحلو

لكن رايي حلو لراع البندق اما لراعي الطير مايصلح لان الطير يبي يدمر المكان عليك الله يعزكم

بالمروش والحاجه الثانيه مايرتاح به احسب حساب ذنابا الطير اخبر واحد من خويانا تنتفت ذنابا طيره

وبقيمه الشاص اشتر ربع نيسان احلى لك واريح واخف وصغير وخذ من الموديلات الجدد وربي يوفقك

راي فقط لا اكثر .

[تميم2222]

تبي الجد الموتر فرض نفسه اشوفه انتشار رهييييب اما موضوع الطير ماادري والله يمكن الطير الراكد زوين له اما الوحش ((تدهيل)) بيتكسر فيه

[جلاد الحباري]

حسب الاحصائيات للي جربو الجيب الحوض ضيق ومطامره واجد عليك بالصالون والله يوفقك

[حب النبي]

الباترول افضل سيارة مقناص

[ابو مرزوق1]

انا بوجهة نظري ينفع لاني مجرب بهاليكس غماره وفاصل المراتب وحاط تكايه وثلاجه والحمدلله تمام الطير ماخذ راحته بس الراكب والسياق مايقدرون يتكون على التكايه لاني مقدمها شوي عشان ذنيت الطير واشوف الطير مرتاح واحيان ارفع التكايه والطير فوقها واهل الخبره ادرا


http://im63.gulfup.com/Rg1UJu.jpg (http://www.gulfup.com/?F8wuDb)

http://im63.gulfup.com/oTsZUc.jpg (http://www.gulfup.com/?szk7qu)


http://im63.gulfup.com/aJGx9K.jpg (http://www.gulfup.com/?ZhnYBy)

[شمالي 44]

يامرحبا اخوي

الشاص النيسان يصلح للطير وياخذ طيرين فقط
فوق الثلاجة تضبط له تكايه واذا بدون ثلاجه تحطله تكاية طيور
ومجرب اخوي بموتري وماعليه خلاف
وسلامتك

[المضياني حائل]

ماقصروا الاخوان معك الله يوفقك