استفسار عن مشكله الله يجزاكم الجنه

[أبوفهدوغيد]

السلام عليكم أخواني عندي استفسار

عندي تاهو 2012 فاكه جديد وكاله ماشي 68000 كلم من فتره طلع صوت تنسيم هوا من الجهه اليسرى تحسه زي صوت تنسيم في القزوز ويزيد مع الطلعات او اذا رفعت رجلي عن الدواسه ودعست مره ثانيه
وديته الوكاله قالوا طبيعي كل سيارات الجمس والتاهو فيها نفس الصوت وانا والله احسه ماهو طبيعي الي عنده خبره اوصار له نفس المشكله يفيدني جزاكم الله خير

[الوسم]

والله أعلم إنه وجه قزوز يسار ... انت طاب في مويه وهو حااااااار ؟؟؟

[أبوفهدوغيد]

والله أعلم إنه وجه قزوز يسار ... انت طاب في مويه وهو حااااااار ؟؟؟

الله يجزاك خير أخوي الوسم مدري والله يمكن بالشتاء الي فات

90 مشاهده ورد واحد بس؟؟؟؟

[الوسم]

مع حرارة أجزاء السيارة وبالذات القزوز وانت مثلا جاي من مشوار وطبيت في مويه بسرعه ومع سرعة تبريد الماء على القزوز يحصل إنكماش سريييييييع في معدن القزوز وعلى أثره ينقطع الوجه اللي بين القزوز والماكينه ويمكن وجه الوصلة الصغيرة فقط هو اللي انشق
عموما مر لك على محل شكمانات وخله يفحص مضبوط وإذا قال العله هنا قل ما يخالف وترى الضمان شهر وتوكل على الله وصللحه لأنه مع الوقت يخررب حاجات أخرى لذلك لا تتماهن في التصليح
والله أعلم

[أبوفهدوغيد]

مع حرارة أجزاء السيارة وبالذات القزوز وانت مثلا جاي من مشوار وطبيت في مويه بسرعه ومع سرعة تبريد الماء على القزوز يحصل إنكماش سريييييييع في معدن القزوز وعلى أثره ينقطع الوجه اللي بين القزوز والماكينه ويمكن وجه الوصلة الصغيرة فقط هو اللي انشق
عموما مر لك على محل شكمانات وخله يفحص مضبوط وإذا قال العله هنا قل ما يخالف وترى الضمان شهر وتوكل على الله وصللحه لأنه مع الوقت يخررب حاجات أخرى لذلك لا تتماهن في التصليح
والله أعلم


جزاك الله خير على الرد واشكر لك مرورك مره ثانيه
تحياتي

[عاشق القصيد]

شف وانا اخوك قبل ماتفحص او تصلح شي
جرب سياره او سيارتين مثل موترك وشف هل يوجد نفس الصوت او لا
اذا كان موجود راح يكون الامر طبيعي اما اذا كان لا ذيك الساعه ابحث عن الحل
وربي يوفقك في ما فيه خير لك

[منصورالشمري]

ابو فهد الصوت هذا من شخالات الوصله اللي تحت القزوز
اتركها طبيعي جدا

اذا ناوي تتاكد شف ورشه داكار بالصناعيه اذا انت بحايل لاتوديها محلات الشكامين لانهم ماعندهم اي نسبه احتراف