تهريب في البطارية

[camry4]

السلام عليكم و رحمة الله و بركاته




جربت الفولتيمتر على بطارية السياره ووضعت الخيار على mA و من دون تشغيل اي كهرباء من لمبات و غيره في السياره

ولا اعلم اي الطريقتين هي الصحيحه

في الاختبار الاول اعطاني 01,14 ma هل معناه ان هناك تهريب في البطارية ( الحمل الطفيلي )



http://www.mekshat.com/pix/upload05/images253/mk124003_111.jpg



http://www.mekshat.com/pix/upload05/images253/mk124003_221.jpg



و الاختبار الثاني اعطاني 00.44 mA عندما غيرت اماكن الاسلاك حقة الفولتميتر

http://www.mekshat.com/pix/upload05/images253/mk124003_333.jpg


http://www.mekshat.com/pix/upload05/images253/mk124003_444.jpg

[camry4]

احد يفيدنا يا اخوان
جزاكم الله خير

[ابوراكان تبوك]

ماهو السبب اللي خلاك تفحصها

البطاريه تتطيح ؟؟؟؟؟؟؟؟

اذا شبكت الاصبع تسمع صوت طقه ؟؟؟؟؟؟ ( لازم كل الابواب مسكره والسويتش مقفول )

[م.سعيد]

التيار المسحوب بسيط جداً ولا يدل تسريب كهربائي..
التيار التي تقراه على الجهاز ممكن يكون من ساعة الراديو

[camry4]

الله يعطيكم العافيه
اخوي ابو راكان تبوك
السياره تشتغل زين ولا فيه طقه
بس اني احترت في القياس و عند تصفحي للمواقع وجدت ان الاختبار الاول هو الصحيح بان يكون موجب الفولتميتر مع الكيبل و سالب الفولتميتر مع اصبع البطاريه السالب

[camry4]

اخوي floppy
الجهاز عطاني 01.14 ma
فهل هو طبيعي
قريت موضوع لاخونا اصيل حجازي ويقول لازم ان قراءة الفولتميتر ما تزيد عن 50 ملي
وعندي طلع 01.14

[م.سعيد]

الله يعطيكم العافيه
اخوي ابو راكان تبوك
السياره تشتغل زين ولا فيه طقه
بس اني احترت في القياس و عند تصفحي للمواقع وجدت ان الاختبار الاول هو الصحيح بان يكون موجب الفولتميتر مع الكيبل و سالب الفولتميتر مع اصبع البطاريه السالب

بعد اذن اخوي ابو راكان..
المفروض عندما تغير التوصيل تحصل على نفس القراءة باشارة مختلفة..

[camry4]

يعني هل فيه تهريب في البطاريه ؟؟؟؟

[م.سعيد]

[QUOTE=camry4;10153060]يعني هل فيه تهريب في البطاريه ؟؟؟؟[/QUOTE
ما فيه الا الخير ان شاء الله

[camry4]

يعطيك العافيه اخوي
اليوم قمت بفك الفيوزات و المرحلات الموجوده في علبة الفيوزات الخارجيه و الداخليه ولم تتغير قراءة الجهاز :eek:

[ابوراكان تبوك]

اسمعني

السيارات تختلف قراءاتها وهذا اجتهاد شخصي من عندي وليس علمي لان القراءه تختلف بسبب وجود اجهزه شغاله مثل جهاز منع السرقه او السكيورتي وبعض السيارات مافيها المهم

الواضح جدا ان موترك مافيه شيء

تبي تجرب بطريقتي البدائيه شرحتها في ردي هنا بهذا الموضوع على احد الاخوان



الطريقة كالآتي :-
1- تشتري لمبة اختبار الكهرباء مثل هذه بـ 10 ريال
http://www.compareautomechanics.com/wordpress/wp-content/uploads/2010/07/test-light-courtesy-of-marineengineparts.com_.jpg
2- اغلق جميع الابواب واطفيء اي شي شغال في السياارة
3- افصل اصبع البطارية + الموجب واشبك طرف لمبة الاختبار في السلك ورأس المفتاح ضعه على اصبع البطارية الموجب +
4- اذا ولعت اللمبة بإضاءة قوية كأنك شابكها على البطارية اعلم انه 100% عندك التماس وتهريب كهرب
واذا كانت اضاءتها خفيفة جداً فمعناه انه لايوجد أي التماس
طيب اذا وجدنا التماس ولم نعرف مصدره نحدده بالطريقة التالية
دع مفتاح الاختبار مشبوك كما هو واللمبة مضاءة وأبدأ بفصل الفيوزات واحد واحد وراقب اللمبة اذا خفت اضاءتها معناه الخلل من الفيوز اللي شلناه ونقدر نحدد مسارة عن طريق الكاتلوج او نقوم بالفحص عن الجهاز اللذي انقطعت عنه الكهرباء مثلا وجدنا المسجل غير شغال بعد ماشلنا الفيوز معناه الخلل في ظفيرة المسجل او نفس المسجل ونروح نفكه ونرجع الفيوز ونراقب اضاءة اللمبة مره اخرى وهكذا
او بعد فك الفيوز تذهب لكهربائي وهو يحدد لك الخلل




واي استفسار اخوي انا حاضر

والله يوفقك

[هيبتي بكلمتي]

ملحوظة / اذا جيت تشيك حط الملتميتر على وضع الامبير وليس الملي امبير لأن لوكان فيه تهريب في البطاريه عالي راح يضرب عليك فيوز الملتميتر ولا راح يعطيك القراءة
الواضح من الصور ان الملتميتر عندك مافيه وضع الامبير
على فكره بعض الملتميترات لازم تفصل السلك الاحمر وتدخله بمدخل تلقى مكتوب عليه امبير

واذا شيكت لازم ماتكون القراءة أعلى من 50ma

وشوف هذا الفيديو

https://www.youtube.com/watch?v=KF1gijj03_0&index=15&list=PLC3D53EBD790DDA9C

هذا والله اعلم
واسف على الاطاله

[camry4]

يعطيكم العافيه
وجاري المحاوله شاكر و مقدر لكم