المساعد الشخصي الرقمي

مشاهدة النسخة كاملة : بخصوص زيت القير ..


A.3.M
08/07/2014, 10:59 PM
السلام عليكم ورحمة الله وبركاته

كيف حالكم جميعا .

مابي اطول عليكم ..

ياشباب معاي باثفندر 2003 ومن يوم ماشتريته ( تقريبا سنه ونصف ) ماغيرت زيت القير طبعآ القير اوتوماتيك ومادري عن راعيه هل غيره لاكن ماتوقع لاني يوم اشتريه كان ممشاه قليل ..

عالعموم الحين تم سنه ونص ومادري كم مشى صراحه من اخر مره تغير.

السؤال : هل يضر القير لو ماغيرت الزيت حقه ؟

بأنتظار اجاباتكم ويعطيكم العافيه .
بحرالقلزم
09/07/2014, 02:05 AM
خذ زيت وفلتر من الوكيل
وغيره عند اي ورشه او بنشر وخلك على راسه علشان ما يتلاعب وسلامتك
A.3.M
10/07/2014, 09:46 PM
خذ زيت وفلتر من الوكيل
وغيره عند اي ورشه او بنشر وخلك على راسه علشان ما يتلاعب وسلامتك

زين .

يعطيك العافيه ماقصرت والحين بروح اغيره :)

مشكور يالغالي
يالبى الهلا
10/07/2014, 11:48 PM
الأفضل تغييرة والزيت بارد مع تنظيف من القير عند ورشة فلبنيين متخصصة بالقيور أبعد عن البناشر
كثيرة علية تغيير زيت المكينة وتعبئة كفرات
مسير عليكم
11/07/2014, 12:23 AM
اخوي كم ماشي زيتك
نصيحه اذا ماشي واجد غيره علي دفعات كل اسبوع اسحب منه لتر وعب بداله جديد الين تكمل الزيت كله وبعدين غيره بجديد ولا تسافر علي طول خلك كم يوم <السالفه مطوله والله يعينك
A.3.M
21/07/2014, 01:43 AM
اخوي كم ماشي زيتك
نصيحه اذا ماشي واجد غيره علي دفعات كل اسبوع اسحب منه لتر وعب بداله جديد الين تكمل الزيت كله وبعدين غيره بجديد ولا تسافر علي طول خلك كم يوم <السالفه مطوله والله يعينك

اخوي والله مادري كم ماشي لان مادري متى اخر مره غيره راعيه ( وشكله ماغيره لانه على كلامه يقول اني مخلي الموتر حق سفر ) ومشى معي تقريبا 120 الف :D

اللي اسمععه ان الناس يغيرونه كل 300 الف مادري !

للحين والله ماغيرته ابي اصفي على حل وماودي استعجل بعدين اجيب العيد . انا بشوف كم ماشي وبسأل عن الحركه اللي اسحب منه من فتره لفتره والمشكله اني بالعيد بسافر ..

يعطيك العافيه :good:


الأفضل تغييرة والزيت بارد مع تنظيف من القير عند ورشة فلبنيين متخصصة بالقيور أبعد عن البناشر
كثيرة علية تغيير زيت المكينة وتعبئة كفرات

شلون الزيت بارد يعني اخلي الموتر طافي 6 ساعات عند الفلبيني ؟

ههههههههههه انشهد والله تغيير زيت وبنشر وتخب عليه بعد :D

والله انا مادري للحين مسير عليكم يقولي غيره من فتره لفتره والمشكله اني بسافر !

هل يضره اني اغيره مره وحده ؟

ولا لازم يبرد .. ؟ :good:

يعطيك العافيه :good:
مسير عليكم
21/07/2014, 11:13 AM
انتبه تغيره وتسافر هذا الي بيجيب العيد وبعدين من قالك يغير التماتيك علي 300 التماتيك لسيارات الجديده اعلى حد لها 100 على توصيه الوكاله

طيب الحين انت كم ماشي موترك من كلامك اول قلت هذا صاك 400 الف
أبونجم
23/07/2014, 03:04 AM
طيب يا أخوان وش نوع زيت القير التماتيك للباثفندر وكم ياخذ علبه ؟
يعني اذا حبيت أغير الزيت ؟
قمة افرست
23/07/2014, 04:06 AM
اخوي اسحب عيار الزيت وشوف الزيت عند اقرب بنشر
هل الزيت محروق ؟
اذا سليم لاتغيره
وعموما الياباني مرحوم متى ماحبيت تغيره تفك الصره وتغير الزيت
وبدون فلتر
بلاك العله الامريكي حتى ماكلفوا نفسهم بصره للزيت

الافضل اشفط نص الزيت وكمله بجديد لانك ماتدري متى تم التغيير احتياط فقط
وبعد ماتقضي مشوارك غيره كامل
ولم يسبق احد اشتكى من تغيير زيت قير الياباني الانادرا جدا
نيسان زيت القير اتوماتيك زي اي زيت بالسوق
ماعدا المكسيما والالتيما زيتها مختلف تماما ولايصلح لها الزيت الاحمر
A.3.M
24/07/2014, 06:18 AM
انتبه تغيره وتسافر هذا الي بيجيب العيد وبعدين من قالك يغير التماتيك علي 300 التماتيك لسيارات الجديده اعلى حد لها 100 على توصيه الوكاله

طيب الحين انت كم ماشي موترك من كلامك اول قلت هذا صاك 400 الف

الحين مشى 370 الف

ويوم اشتريه كان ماشي 280 تقريبا بعد ماتأكدت .

انا بستخير وبغيره اذا رجعت من السفر انا شفت موضوع عن علامات الزيت اذا يبي تغيير .

وعايرته وصار زين بس مب زي الجديد ..

مشكور على التفاعل :good2:


طيب يا أخوان وش نوع زيت القير التماتيك للباثفندر وكم ياخذ علبه ؟
يعني اذا حبيت أغير الزيت ؟

وانا اخوك مر اقرب محل زيوت اذا انت ببريده شف على نفس شارع توكيلات الجزيره وانت كأنك رايح لحايل يجيك على يمينك محل زيوت ومختص والله نسيت اسمه للأسف .

يفيدونكك الأعضاء ..


اخوي اسحب عيار الزيت وشوف الزيت عند اقرب بنشر
هل الزيت محروق ؟
اذا سليم لاتغيره
وعموما الياباني مرحوم متى ماحبيت تغيره تفك الصره وتغير الزيت
وبدون فلتر
بلاك العله الامريكي حتى ماكلفوا نفسهم بصره للزيت

الافضل اشفط نص الزيت وكمله بجديد لانك ماتدري متى تم التغيير احتياط فقط
وبعد ماتقضي مشوارك غيره كامل
ولم يسبق احد اشتكى من تغيير زيت قير الياباني الانادرا جدا
نيسان زيت القير اتوماتيك زي اي زيت بالسوق
ماعدا المكسيما والالتيما زيتها مختلف تماما ولايصلح لها الزيت الاحمر

كلامك في السليم .,

ورحت امس لم بنشري وشفته صار زين بقى له نص عمر ..

الياباني لاتتعداه واسأل مجرب بلا امريكي بلا وجع رآس :D

وبالنسبه انه محد يشتكي انا حبيت استفسر بس عشان وراي سفر بشوف هل له ضرر او لا .

لاكن الحمد لله توصلت لحل واستخرت بغيره اذا رجعت بالسلامه :)

يعطيك العافيه :good2:
مسير عليكم
24/07/2014, 02:36 PM
تروح وترجع بالسلامه بس نصيحه لا تغيره كامل غيره دفعات وان كانك مصمل تغيره كامل لا تدعس ولا تسرع مشه كم كيلو بالهون كنك تمرن موتر جديد
A.3.M
27/07/2014, 05:54 PM
تروح وترجع بالسلامه بس نصيحه لا تغيره كامل غيره دفعات وان كانك مصمل تغيره كامل لا تدعس ولا تسرع مشه كم كيلو بالهون كنك تمرن موتر جديد

امين يالغالي

ابشر ان شاء الله بغيره دفعات مادامي بصير ماوراي شي .

جزاك الله خير ..:good: