كتيب الضمان السياره

[هاوي؟؟]

السلام عليكم ورحمه الله وبركاته

اخواني شريت سياره باترول 2014 والله الحمد وقالي المعرض يقبلها الوكيل عشان الضمان والصيانه

توجهت لصيانه يقول ما فيه مشكله بس لازم كتيب الضمان لسياره ارحع للمعرض وجبه

رحت للمعرض يقول كل السيارات الي جت من الخليج ما فيها كتيب ضمان ولا جاء معاه شي

وتورطت الصيانه لازم كتيب والسياره ما جاء معاها شي ما معها الكتالوجات وبطاقه تسليم بس

الحل يا الربع وش ها الورطه لو اشريه شراء من اي مكان


الموتر ماشي 600 كيلو باقي شوي يوصل 1000

الصيانه يقول اذا عدا الالف ما نقبله



طبعا صيانه اوتو ستار ببريده

الي عنده حل يفزع لي

[موادع 1]

اشكهم على وزارة التجاره
مايقبلون السياره الا بالضمان
طيب السياره من معرض ومعتمد

وترا اجراءات وزارة التجاره سهله
لا تزمل بس تابع وبتاخذ حقك
باذن الواحد الاحد
بلغ عن شكواك باستخدام تطبيق بلاغ تجاري
وهذا موجود بالايفون والاندرويد
وشوي ويتصلون عليك يستفسرون
وتابع معهم وبتسهل امورك باذن الله

الله يبارك لك فيما شريت
ويكفيك شره وشر غيره
ويجعله عانيه لك على شكره وطاعته

[التعـ King ـديل]

تاكد ان الموتر مضمون وخذ خطاب من المعرض نفسه قبل تروح للصيانه وتتهاوش معهم

لان فيه سيارات تباع بدون ضمان بسعر مغري

اطلب من راعي المعرض خطاب ان الموتر يشمله الضمان وانه جاء بدون كتيب من الخليج علشان يبري ذمته واذا رفض قله بشتكيك اول شي وبعدين الوكاله

[أنصر نبيك]

أتصل على الرقم المجاني لوزارة التجارة 8001241616 وهم بينصفونك ان شاء الله
أكيد بيحاسبون المعرض ويمكن تستعيد دراهمك لكن نصيحة أوقف استعمال الموتر حتى تتضح الصورة

[هاوي؟؟]

اخوي موادع - اخوي كنق مشكورين

لاكن الصيانه لهم عذر الكتيب لازم موجود

والمعرض كلمته الظاهر يبي بس يصرفني معاه لسان اعوذ باالله يفر مخك فر
ادخل معصب وادور الهواش واطلع من عند مروق

لاكن مالي الا المعرض اضغط عليه لين يجيب لي كتيب ولا ما لنا الا وزاره التجاره

بأذن الله تنحل وراح اعلمكم قريب

[هاوي؟؟]

أتصل على الرقم المجاني لوزارة التجارة 8001241616 وهم بينصفونك ان شاء الله
أكيد بيحاسبون المعرض ويمكن تستعيد دراهمك لكن نصيحة أوقف استعمال الموتر حتى تتضح الصورة

مشكور الغالي بحاول معاهم اذا شفت مالها حل مالي وزاره الا التجاره

[المعماري]

يقبلون الضمان بدون كتيب صيانة
في الرياض مخرج 18 صيانة العيسى
عطهم صورة الاستمارة بدون حضور السيارة واكتب عليها رقم جوالك
اربع أيان ويردون عليك انهم قبلوا الضمان بعدها راح اي فرع تبي

[هاوي؟؟]

السلام عليكم

ابشركم نشبنا لمعرض لحد ما جاب لي دفتر غصب عنه


وابشركم دخلنا الصيانه الالف كيلو ودخل الضمان وهو خليجي عند اوتو ستار بريده


راح اسوي موضوع عن السياره وعيوبها فتك ربع 2014


�� شَگٌـــــــــــــــــــــــــڔاً لكم