سيارتي ما تشتغل الا باليل

[ma-jed]

السلام عليكم ورحمة الله وبركاته
عندي مشكله بسيارتي سيارتي كل شي فيها سليم بس المشكله اذا وقفتها تحت أشعة الشمس الحاره ما تشتغل واذا جاء المغرب و اختفت الشمس وبرد الموتر من الشمس اشتغلت كأن مافيها اي عطل

[موادع 1]

كان معي كامري 2003
وكنت اذا مسكت بها خط وطفيتها
انس انها تشتغل لين تبرد
ماخليت شي
واخيرا هداني الله اشيك
على طرمبة البنزين
كان يضعف ضغطها اذا احترت
وغيرتها وزالت المشكله لين بعت الموتر

ومشكلتك انها من حراره الجو ماتشتغل
جرب وافحص ضغط الطرمبه عند محل كويس
وتاكد انها سليمه
واغلب الظن ان المشكله كهربائيه
الله يدلك على الخلل باسرع وقت
ولا يخسر عليك يارب

اذا لقيت المشكله علمنا لاهنت

[وجعين]

اصلا طرنبه البنزين تكون داخل التانكي والبنزين مغطيه وبارده
هذا أصبع البطارية مرتخي شد عليه وتشتغل اي وقت

[اليامي قطر]

المشكله كهربائيه وااضح

[يالبى الهلا]

عندك الطرمبة البنزين ضعيفة واذا احترت ماتشتغل

[يالبى الهلا]

اصلا طرنبه البنزين تكون داخل التانكي والبنزين مغطيه وبارده
هذا أصبع البطارية مرتخي شد عليه وتشتغل اي وقت

الطرمبة اذا اخربت يكون دفعها ضعيف ماتدفع للبخاخات
فتكون ضعيفة ويلزم استبدالها لأنها تتكون من تروس فتتاكل مع كثرة التشغيل ويشتغل الدينموا على سرعة عالية يعوض الفاقد من الدفع فيحتر.

[كلاش2500]

الحقيقة مشكلتك غريبة .......صعب الواحد يفتى فيها....حسب مافهمت من كلامك ان السيارة اذا كانت واقفة بالشمس ماتشتغل....طيب انا بعطيك حل بسيط لانى شاك بفيوز الستارتر وشاك بالسويتش.....انا بعطيك حل بسيط بعد ماتوقف السيارة بالليل مثلا ضع سجادة او بطانية على الدركسون بحيث تغطى السويتش ...واليوم الثانى تجرب تشغل بالنهار.....ولاتنسى تشيك على فيوز الستارتر يجوز فيه مشكلة او نفس علبة الفيوز فيها مشكلة.....
بالتوفيق...

[الحربي 591]

اخوي سوي فحص كمبيوتر وشوف وش يطلع وعلمنا