تفتفة في كابرس 94 ltz وحكم الشفر يا عرب غلاب ملزوم اطيعة ويعصاني

[محمد 14]

السلام عليكم ورحمة الله وبركاته

اتمنى ان يكون الجيمع بصحة وعافية

عندي كابرس 94 ltz في مشكلة عند التشغيل ، السيارة ما تشتغل الا بعد 15 دقة سلف او 20
حتى لو اشتغلت ما تقبل بنزين وانا معطي كل الدعسة
بعض الاحيان تشغتل بعد اكثر من 15 دقة سلف وتتفتف وانا داعس لو افك الدعسة طفت
تجلس لها 30 ثانية بعدين تصفى وتزين الدعسة واول ما اعشق تطفى
وارجع اشغل وتشتغل والخم الموتر واعشق على طول وامشي وتمشي
طبعا اللي صاير اشبه ما يكون بفلم هندي بس حكم الشفر يا عرب غلاب ملزوم اطيعه ويعصاني
طرمبت البنزين ـ البواجي واسلاك البواجي ـ الصفاية مالي سنة مغير يعني قريب بس وش السبب الله اعلم
فكيت البخاخات ونظفتها بنفسي
بدون فائدة للاسف

اتمنى ممن لديه خربة افادتي قبل لاولع في الموتر:f

[الا سير]

المشكلة عندك بنظام الاشعال
يعني شيك على الطرمبة
والديلكو
وترى الديلكو حق الكابرس الي معك
يجي تحت طرمبة الماء واذا كانت تهرب
تعدمه عليك

[عفشك مكمل]

فك اسلاك البواجي واحد واحد ودق سلف وشف يوصل شرارة لكلهن او لا.

ثانيا الي باين ان الموتر مايحضر بنزين . ياطرمبة ضعيفة او الصفاية مسكرة او مو لنفس الموديل او الليات فيها مشكلة. يابسة ومتسكرة.

[محمد 14]

شكرا لك الاسير يعطيك االعافية

اخوي عفشك مكمل
صدقت ممكن الصفاية مع الطرمبة ما دري لان الموتر يبي بنزين لكن ما يوصل له احتمال كبير من الصفاية

[محمد 14]

مع العلم الصفاية قبل 5 شهور مغيره
مع الصفاية بس للاسف ما نظف التانكي احتمال كبير يكون مها

[محمد 14]

لكن اود استفسر عن كيفية فحص الطرمبة ومعرفة قوة دفها
لان اغلب الورش يقول ما نقدر والسيارة شغالة لا تتعطل عليك وتجيبها بسطحة عشان ينهشونك وانت حي

[الكشات وافى]

اعراض عطل الديلكو

وهو مثل ماقال اخوى الاسير يجى خلف طرمبة الماء

وهو مصمم بهالمكان وهالطريقه في شفرات الال تى زد

علشان ينعدم بسرعه

بالتوفيق

[كلاش2500]

قياس ضغط طرمة البنزين عن طريق ساعة مثل قياس الهواء بالكفرات. اللى عند البناشر...لكن طبعاراس اللى يكون مثل راس لى الفريون ...المهم تعرف المسطرة اللى فوق الثلاجة (ماصورة البنزين) فيها بلف مشابه لبلف الفريون حق المكيف تشبكه فيها وتشغل السويتش ويبان الضغط اعتقد اذا القياس تحت الاربعين الطرمة ياضعيفة ياخربانة.....او انك تشغل السويتش وتنسم البلف كأن تنسم الكفر وشوف في بنزين ولا مافى.....
لكن شوف ونا اخوك المكينة اللى عندك يسمونها lt1 مكينة جبارة حقت كرف لكن خراباتها كثيرة.......اغلب مشاكلها الديلكو (موقعه غلط تحت طرمة الموية واى خراب لطرمة الموية تاخذ معها الديلكو لانها تنقط عليه)
لكن انت ابدأ فحصك اذا لقيت البنزين تمام....ابدأ من البواجى اذا مو واصلها كهرب روح للكويل وافصل فيشه من الديلكو اذ واصل الكهرباء معناه الديلكو عندك خربان بس تراه غالى ....اتذكره الاصلى فوق السبعمية والتجارى حول الاربعمية....الان مدرى كم اسعارها ....
اخيرا نظف البوابة وفى حساسين واحد اللى مشبوك بخرطوش الهوا والثانى بالثلاجة شيك عليهم.....وفى افياش البخاخات تأكد منهم لايكون مهم راكبين زين......
الله يعينك...بالتوفيق.........

[محمد 14]

الكشات الوافي ، كلاش 2500
شكرا لكم والله يكتب اجركم
بشيك على ما ذكر وارد لكم خبر
ان شاء الله قريبا

[almo3jl]

يالاخو الحين متعب نفسك وحالتك حاله ومتعب هالشباب يعطونك أفكار

الا انت وش صار عليك وش سويت ولا نظام ابو انتظر مكافآت الكليه ويمكن مو هالشهر الشهر الجاي
لااخوي معليش امزح

بس يالغالي طرحت المشكله الشباب عطوك حلول مع أني مستغرب من الي يقول شيك عالديلكو ههههههههههههه


والثاني يقول شيك على أسلاك البواجي هههههههه

الظاهر هذولا من ايام الهاف ماشترو سيارات ولا درو عن الكويلات


المهم مو هذا الموضوع

اخوي نظف حساس الهواء او مايسما حساس القربه

ونظف بوابه الثروتل الي هي الدعسه الاكترونيه يعني بتكلفك ٢٥٠ وانشالله بتضبط

وعلى فكره مع الي ذكرت من خراب موترك يطلع دخان اسود مع الشكمان اذا ايه نظف حساسات الشكمان

واذا لا نكتفي بالي ذكرتلك اول الدعسه بوابه الثروتل وحساس الهواء او القربه يجي فوق غطا فلتر الهواء

[almo3jl]

يالاخو لحظه صبر معليش انا راح بالي للجديد


وعال ً والسموحه من شباب الهافات

عندك الطرنبه والصفايه أبدا بالصفايه ان ضبط

ولا عليك بالطرنبه

[كلاش2500]

يالاخو لحظه صبر معليش انا راح بالي للجديد


وعال ً والسموحه من شباب الهافات

عندك الطرنبه والصفايه أبدا بالصفايه ان ضبط

ولا عليك بالطرنبه

هههههههه ياشين العجلة يالمعجل كنت ابرد عليك ....يبو دعسة الكترونية....لكن يوم شفت ردك الثانى ضحكت ..وبعدين وش معنى شباب الهافات..ههههههه ترانا من 2014 وفوق...

[almo3jl]

الهافات لآني فكرت الموتر جديد يعني لافيه أسلاك بواجي ولا ديلكو

كذا رد يقول الديلكو فاستغربت وواحد يقول أسلاك البواجي فاستغربت معقوله مايعرفون الكويلات بس هذي السالفه

[كلاش2500]

اخ محمد شيك على سلك البوجى الاخير من جهة السايق لان له مجرى خاص فيه يمكن مو في مجراه الصحيح وشطه الشكمان....

[محمد 14]

مساء الخير الجيمع ابشركم المشكلة انحلت
طلع السبب من الصفاية
غيرتها وانحلت المشكلة
رغم ان الصفاية الاولى شبه جديدة
لكن هالموتر مثل ما انتم عارفين قليل خاتمة الله يستر منه
يقلب عليك وانت بطريق الملك فهد


والله يجزاكم خير ويوسع في ارزاقكم جميعا

[محمد 14]

لكن يعلم الله بسبب هالخراب البسيط تعلمت اشياء ما كنت متصور اسويها :

1. تنظيف بخاخات السيارة بعد فكها بالكامل .
2 معرفة قياس قوة ضخ طرمبة البنزين .
3.تنظيف ما يسمى بالثريول مجرى الهواء بالكامل .
4 .تغيير صفاية البنزين مجاناً وفي السابق لا يقل عن 80 ريال .
5 .تنظيف حساس الهواء .

اللهم لك الحمد

[محمد 14]

مساكم الله بالخير
للاسف رجعت نفس المشكلة بعد
تنظيف البخاخات + تغيير الصفاية + تغيير الطرمبة

ادق سلف لاكثر من عشر مرات ويشتغل ويتفتف اعشق يطفى
ادق سلف ويشتغل اخليه شوي اعشق يمشي معي بدون اي تفتفة

طبعاً غيرت طرمبة البنزين بعد ما قمت بقياس الضغط وطلع اقل من 40 مع دقة السلف وبعد تشغيل السيارة

الله يكون في العون قايل لكم هالموتر ما له خاتمة

[محمد 14]

:::::::: للرفع ::::::::::

[كلاش2500]

يامحمد....في لى صغير مشبوك بالديلكو والخرطوش حق الفلتر.....شوفه مشبوك ولا لا....هذا وظيفته يشيل الرطوبة من داخل الديلكو......اذا الديلكو فيه رطوبة يعل اثناء التشغيل....بالتوفيق.......

[محمد 14]

شكرا للك اخي كلاش وشرهتك على اللي يعرف شكل او مكان الديلكو بس بتعلم واشوف
لان السيارة دخلتها اشيك على الفريون ومن عقبها عينك ما تشوف الا النور طلعت المشكلة اكيد من الورشة للاسف

[abo yusef]

احتمالين اما ان الشريحه الداخليه للديلكو صار عليها طبقه عازله اوفيها خروش كثيره يلزمك تغيره
حساس الزيت في بعض الموديلات اذاتعطل الحساس يفصل الكهربه عن الطرمبه
فيه ايضا احتمال تعطل الكونترول مديل اقينسن البليتين اللي فوق الكويل