مشكلة رجة كل الموتر بعد 130كم(شاص فتك)

[إبو عبدالعزيز]

السلام عليكم ورحمة الله وبركاته
أدام الله علينا وعليكم الصحة والعافية
-
يا اخوان استفساري هو عن رجة بالشاص النيسان موديله 2013
الرجة تكون بعد سرعة 130وتستمر
مستوى الرجة تقريبا 40٪ مهب قوي ولا خفيف
الرجة عند الأرجل وأنت بكرامة و للمراتب أما الطارة راسية مابها أي رجة

اللي جربته من الحلول:
- كان الموتر مرفوع بكعكات 4سم خلفي و2أمامي. فكيتهن ولا زالت
- استعملت 3أنواع جنوط و طقمين كفرات مختلفين ولازالت
- شيكت على العمدان عند أحد الورش وقال إنهن سليمات لكن ما تطمنت لهن إلى الآن

اللي سبق و مرت عليه المشكلة يفيدنا بالدواء
و لا تحرموننا من آرائكم و شوركم علي

جزى الله الجميع خير مقدمًا

[gasomi]

شيك على عمود الكردان في أقرب فرصة تحياتي لك

[إبو عبدالعزيز]

بإذن الله بأشيك عليهن بكرا
و بنوافيكم بالنتيجة

[إبو عبدالعزيز]

و الاخوة الزوار
اللي عنده معلومة أو اقتراح يكزه لنا واتساب
0558099990

[ك و ح]

عادةً الصلبان حقة عود الكردان تكون تعبانه

[عربوق]

السلام عليكم
صارت المشكلة معي بسبب ترفيع السيارة وماراحت الايوم غيرت عامود الكردان بسبب عدم تشحيم الصلبان بشكل دوري وشحم اصلي طبعا لان الي في المشاحم تجاري يتبخر بسرعه مع الحراره

[يالبى الهلا]

تشييك العمدان لايتم الابالمخارط
المخرطة لديهم جهاز يتم تركيب العمود وتدويرة على سرعات مختلفة ويتضح العمود سليم ولابة انعواج

[الهدد الاشهب]

وعليكم السلام ورحمه الله وبركاته
من مسببات الرجه الشائعه في كل انواع الجيوب لاندكروزر و باترول وغيرها هو عمود الدبل ابدأ بالتشحيم و يجب المداومه على تشحيم العمدان بعد كل موسم لما تسببه الامطار مع تراكم الطين والأتربه على صليب العمود من اضرار ,و يصير العمود قاسي و يرج شحمه يامال الشحم واللحم

[almo3jl]

يالغالي جرب الي ذكروه الاخوان واذا مانفع

بسالك ترصيص الكفرات وشو ارضي

اذا ايه شكلك مغير مواقع الكفرات يعني تدوير وهالترصيص مايقبل التدوير فيصير رجه على سرعات عاليه



واذا لا ماسويت ترصيص ارضي شوف لك ميزان ممتاز وخله يرصصه ارضي وباذن الله تختفي


انا اجزم مليون بالميه على كلامي انه صحيح

[إبو عبدالعزيز]

بيض الله وجيهكم جميع
وفعلا يالمعجل رصصت أرضي وضبط الموتر الحمدلله