مشكله في مكيف الفتك

[عبدالله502]

السلام عليكم ورحمة الله وبركاته

جعلنا الله من اتم رمضان بصيامه وقيامه وازال عن الامه الغمه ونصرها على من اعدائها
وزرقها بالامن والامان والرغد في العيش يارب العالمين.

اخواني انا لدي مشكله في سيارتي جيب فتك 2007 حيث ان المكيف لايبرد الا اذا اشتغل الامامي والخلفي جميعا وبعض الاحيان لايبرد جميعهن.
ذهبت به الى كهربائي سيارات فقال لي انه بلف المكيف واشر لي تحت السياره وان تنظيف البلف ياخذ 5 ساعات وبمبلغ 350 ، انا حسيت ان المبلغ مبالغ فيه ياليت يا اخوه اذا احد يعرف طريقة اصلاحه اذا سهله نصلحه بايدينا انفع ونتعلم منها واذا احد عنده معلومه نستفيد منه وشكرا .

[عبدالله502]

72 مشاهد ولا احد يقدر يفيدنا

[عزف ..]

اتوقع الشريحة حقت المكيف اللي تحت الدرج شيك عليها

وسعرها مو غالي اظن انها 150

[عبدالله502]

الشريحه مافيها شي والله اعلم

[فتك08]

فيه بلفين
الاول بالكبوت قدام الراكب راح تحصل ماصورة المنيوم عليها سهم بداخلها البلف
اضربها ضرب خفيف بسكروب و احتمال يفتح معك البلف
البلف الاخر اعتقد انه تحت باب الراكب الخلفي الايسر جنب الشاص تقريبا
او بتحصله تحت مرتبة السايق بينها و بين الثلاجة

و تأكد هل ماصورة الفريون اللي طالعة من الكمبروسور معزولة بالطبقة السوداء
و كذلك الماصورة الخلفية اللي خلف المكينة بينها و بين الغمارة

[عبدالله502]

يعطيك العافيه اخوي فتك بالنسبه للغطا موجود وضربنا البلف الي في الكبوت ضربناه ولانفع اما الي تحت ماقدرت اميزه

[mmaamm123]

اخوي صاحب الموضوع اتصل بي وان شاء الله افيدك 0551588555

[عبدالله502]

الله يعطيكم العافيه
رشينا على البلفين مزيل صدا وان شاء الله ضبط

[فتك08]

الله يعطيكم العافيه
رشينا على البلفين مزيل صدا وان شاء الله ضبط

الحمدلله
الله يبشرك بالخير
لكن كيف رشيت البلف؟
هل فكيته مع تفريغ الفريون؟أو ماذا؟

[عبدالله502]

لا والله رشينا من برا بدون فك الفجر وماقربت السياره الا العصر والحمدلله الامور مضبوطه
ولو اعرف كيف افك البلف كان فكيته ورشيته