استفسار الموتر مايتعدى سرعة 120 باترول 2008

[العظم]

يالربع الجيب مايتعدى سرعة 120 والورش كلن يقولي شي اللي مر عليه مثل حالتي يذكرلي المشكله بارك الله فيكم
طبعا السياره باترول طويل موديل 2008 قير عادي 4500

[البدر 707]

شيك على طرنبة البنزين والصفايه والله يوفقك وييسر امرك .

[هآوي الصيد]

شيك على الصفايه واسلاك الكهرب حقت البواجي

[وليد ابوخالد]

شيك على الكلتش يمكن فيه شوي ضعف

[العظم]

جزاكم الله خير ابشيك واشوف

[MSAN]

طرمبة البنزين

[محسن اليامي]

شيك على خرطوش الهوى اللي بين الثروتل والفلتر

اذا صار تنسيم يطيح عزم الموتر

[روق الرياض]

شوف ونااخوك نفس المشكله صارت في موتري 4500 وخسرت فوق 5000ريال وخيرن لقينا المشكله اول حاجه شف حساس الهوا حق القربه هذا هو ابو المشاكل كلها قيمته ١٢٠٠ ولاهو الاصلي بعدفي محلات القطع الغيار بس مر التشليح افضلك ركبه عندهم وذا طلع منه عرفنا المشكله وذا ماطلع منه لنك درده لهم افضل من انك تاخذ جديد ولا يطلع منه انا اقوله لك من واقع تجربه لان قطع الغيار مايرجعونه والله العالم انه هو حساس الهواءوشكرا

[قرناس حائل]

فيه امور تحكم بالعزم منها:

- دبة البيئة ( يمكن مسكره )

-البواجي

-صفاية البنزين

_ حساس فلتر الهواء والخرطوش اللي بين القربتين يمكن فيه شق

[العظم]

جزاكم الله خير جميعا
البواجي غيرتها امس وشيكت على الاسلاك وغيرت فلتر الهواء والكلتش تمام مافيه ضعف وماضبط الموتر
وشلوون اتاكد من خراب طرنمبة البنزين لاني اتوقع الخراب منها

[فارس شمال]

الخراب جزاك الله خيرا هو صفايه البنزين حصلت معي قبل شهرين بباث فاندر عادي اول الدعسه يفز بس لاوصل ضغط المكينه 2.5 وقف التسارع .. هذا عبيت بمحطة بنزين شكله اخر خزانهم وصبلي كل الوسخ بتانكيي اول ماغيرتها ب 70 ريال تقول رجعت الحياة للموتر من جديد

[عاشق الغضا]

الخراب عندك واتوقع انه 95%من حساس المنظم الي بجنب قربة فلتر الهواء , لكن لاتغيره دور احد من اخوياك اومن تعرفة وفك الحساس وجرب . واذا صار منه اشتر. وسعره من 1000 وحوله , صارت معي وكان الموتر ضعيف واخذت حاسس موتر ثاني وجربت وضبط . بعدين اشتريت جديد

[العظم]

جزاكم الله الف خيرر بجرب وشوف

[اابو مياس]

اخوي بالنسبه للحساس الهواء اعمل له تنظيف بمنضف حساسات من ساكو ولاتشتري جديد بس لاتنسى تفصل اصبع البطاريه السالب قبل كل شي اذا ماظبطت معك بعد التنظيف وتغيير الصفايه تصب علبتين منظف بخاخ ميستوبيشي بتنك البنزين ويكون على النص
النصيحه وانا اخوك الحذر من حقين الشكمانات يقولون مسكر عشان الماده الي جوا دبات البيئه اذا قالوا لك مسكر قله ارخي وصله الشكمان من بعد القزوز وجرب بمشوار الصوت يكون عالي بس تقدر تلاحظ هل فرق بالممشي اذا فرق فك الدبات ونظفهن ببخاخ اي سي ديلكو وبنزين ونقعهن لمده يوم كامل وركبهن بس لازم ينشفن كويس ومنها نظف حساسات الاكسجين بالمره فاكهن بامكانك تشيل الماده الي داخل بس راح تكره سيارتك تغير صوتها ويزيد استهلاك البنزين وتولع لمبه المحرك اسف للاطاله وتعبت وانا اكتب هههههه بساهم شي لايغشونك

[camry4]

دبة التلوث مسدوده شيك عليها

[العظم]

شكرا لكم ماقصرتو
الحمدلله غيرت فلتر البنزين وضبط.