للبيع درابيل مطلوبه من أمازون

[مرت سنين]

السلام عليكم ورحمة الله وبركاته
يا إخوان أنا طلبت ثلاثه درابيل من أمازون قبل حوالي أسبوع وصلتني
وأبي أبيعها بأسرع وقت لحاجتي الماسه للمبلغ
والدتي مريضه وأبي أمن لها تأمين صحي وأحاول أجمع المبلغ بأسرع وقت
الله يشفي جميع المسلمين
قيمة الدربيل الواحد ب333ريال لكن عليه عرض
اشتريت الدربيل الواحد بحوالي 65 دولار
بس حالياً نقصو أمازون من قيمته 5 دولار
65×3.75=243 ريال
243×3=730ريال
الشحن مع أرامكس كلفني 800 لكن خويي كان طالب
معي غرض ودفع 300
وأنا دفعت 500
730+500=1230
1230÷3=410

عذراً عالاطاله وذكر كل التفاصيل

الدربيل من الآخر الواحد مكلفني 410
وببيع الواحد ب450

الدربيل تقييمه ممتاز في أمازون مالي خبره في الدرابيل
لكن اللي شروه يمدحونه يقولون إنه جيد لمشاهدة الطبيعه
ومن الممكن مشاهدة القمر بهذا الدربيل
ومن الممكن لو في أحد من الشباب يعرف إنجليزي يدخل على رابطه
ويذكر عيوبه ومميزاته
وهذا رابطه
http://www.amazon.com/gp/aw/d/B00008Y0VN/ref=redir_mdp_mobile?ref_=cm_sw_r_udp_awd_fXbPtb1M A7Y0J

بحط صورة قيمة الشحن مع أرامكس وبعض الصور للدربيل
أنا أبيعها بأسرع وقت عشان اعالج الوالده واللي يبغاه براس ماله
ببيعه لأن بحاجة المبلغ
وبالتوفيق للجميع

موقعي في الشرقيه مدينة الأحساء ولكن بشحنها لأي مدينه مع شركات الشحن
واللي متخوف أو مو واثق لأني عضو جديد وهذا من حقه
برسله له وإذا وصل له الدربيل يحول لي فلوسي

http://im66.gulfup.com/O1sZGe.png (http://www.gulfup.com/?ZskmF9)

http://im66.gulfup.com/rdTIOF.jpg (http://www.gulfup.com/?PxW3b2)

http://im66.gulfup.com/rVFh4s.jpg (http://www.gulfup.com/?qy1VhB)


http://im66.gulfup.com/pzlajL.jpg (http://www.gulfup.com/?kHDAxp)

[هدفي قرناس]

الله يشفي الوالده عاجل غير أجل

والصور كبيره جداً لعدم الرؤيا

[هاوي]

الله يشفي الوالده عاجل غير أجل

[مرت سنين]

الله يجزاك خير هدفي قرناس

والله ما أعرف اصغرها ولكن بالإمكان

الإطلاع على المنتج صوره وتفاصيله على رابط أمازون

[مرت سنين]

الله يجزاك خير اخوي هاوي ويجعله في ميزان
حسناتكم على هالدعوات

[طير العشاء]

باخذ منك واحد بسعر الحد واسال الله ان يشفي والدتك راسلني على الخاص

[مرت سنين]

أخوي طير العشاء حاولت مراسلتك ما قدرت لأني عضو
جديد ارسلي رقمك واسمك عالخاص وبرسلك الدربيل
الليله إن شاء الله
والله يجزاك ألف خير على دعواتك

[مرت سنين]

هذا رقمي للي يبغى يتواصل معي
ويوجد واتساب 0533445765
آسف ما حطيته في البدايه
كنت أتوقع أن قوانين المنتدى لا تسمح

[عطيه الدوسي]

وعليكم السلام ورحمةالله وبركاته
أسأل أن يشفي والدتك ويلبسها ثياب الصحة والعافية وجميع مرضى المسلمين
الله يرزقك من واسع فضله

[RC4]

وعليكم السلام ورحمة الله وبركاته
أسأل الله العلي العظيم أن يشفي والدتك ويلبسها ثياب الصحة والعافية وجميع مرضى المسلمين

[مرت سنين]

الله يجزاكم ألف خير يا شباب
والله يكفيني من هالمنتدى دعواتكم
بيض الله وجيهكم

[حاتم البدراني]

وش بقى من الدرابيل

[مرت سنين]

أخوي حاتم الدرابيل باقيه موجوده كلها
أكثر من شخص كلمني ولكن مافي أحد شرى شي
للحين

عالعموم يا إخوان أكثر من شخص يسألني عن المواصفات
وأنا ما عندي خبره بحثت في النت قلت أدور معلومات عنه
لقيت هالموضوع وفي نفس هذا المنتدى http://www.mekshat.com/vb/showthread.php?t=566394


وبنسخ لكم بعض كلام راعي الموضوع
دربيل Celestron 15x70

جديد بكرتونه و جميع اغراضه

شركة Celestron معروفه في امريكا رائده في صناعة التلسكوبات والمناضير والعدسات

هنا مواصفات المنتج


http://www.celestron.com/sports_outd...ter-15x70.html

النضر صافي جدا ومجال الرؤيه كبير
يعتبر الافضل بين منافسيه و تقييمه عالي جدا جدا

يوجد معه حقيبه وحزام لحمله و وصله لتثبتيه على حامل ثلاثي وطبعا اغطيه للعدسات..
مواصفات الدربيل للاخوان الي استفسرو:

- قوة التكبير 15 مناسبه للاماكن البعيده و مراقبة الطيور و كتلسكوب للنجوم
- عدسة 70 مل ( ممتازه حتى في الاضواء القليله وللمسافات البعيده)
- عدسة مطليه ومن نوع BAK-4 و نفس العدسات المستخدمه في الانواع الغاليه
- بارد على العين و مريح
- مقاوم للماء و المسكه مريحه في اليد
- عليه ضمان مدى الحياة من الشركه المصنعه

عيبه انه كبير الحجم و يحتاج عضلات في حال مسكته وناظرت فتره طويله

........

هذي المعلومات ماهي من عندي ناسخها من الموضوع اللي حطيت رابطه
والله العالم إن كانت كلها صحيحه أو لا
ما أبي شي في ذمتي
وبالتوفيق للجميع

[نديم الخيال]

لاهنت يالغالي ومشكور على صراحتك وتوضيحك لكل ماتعرفه عن الدرابيل
موفق خير والله يرزقك بالزبون الصامل واسعارك طيبه بالحيل مقارنه بمواصفات الدربيل

[مرت سنين]

ولا انت أخوي نديم الخيال
وبيض الله وجهك عالكلام الجميل
الدرابيل في ثنين من هالمنتدى الكريم حجزو
ثنين وبقا واحد

[ABO NeF]

وش صناعتهن بالضبط لاهنت وش مكتوب عليه

[قناص الحوى]

الله يشفي والدتك ويعافيها ويحفظها ويخليها لكم . مايعرف قدر الوالده حقا إلا من فقدها . الله يرحم موتانا وموتاكم

[مرت سنين]

تم التواصل والاتفاق مع الاخ طير العشاء والأخ من متى
كلهم في غاية الذوق والإحترام وسررت بالتعامل معهم
الصناعه يا ابو نايف مكتوب عليهن الصين
الله يجزاك خير أخوي قناص
والله يرحم موتاك وموتاء جميع المسلمين

[ابن كديميس]

السلام عليكم ورحمة الله وبركاته.
الله يرزقك ويفك كربتك وكربت كل مسلم
والله يشفي والدتك ويشفي جميع مرضى المسلمين عاجلا غير اجل بهذأ الشهر الفضيل .

[مرت سنين]

وعليكم السلام
الله يجزاك كل خير على كلامك جميل