مشكلة تعطل دعسة البنزين نهائياً

[جولاتي]

السلام عليكم ورحمة الله وبركاته :
أخواني سيارتي برادو تويوتا .. 2004 سته سلندر
صار علي حادث وتعطلت عندي دعسة البنزين ,
وشريت بطارية جديدة ولكن دعسة البنزين لاتعمل .
أتمنى تفيدوني مشكووووووورين
وجزاكم الله خير

[laurel_200L]

وعليكم السلام ورحمة الله وبركاته

الحمدلله علة سلامتك

احتمال يكون منظم دعسات البنزين احترق والله اعلم

اخبر مرة قريبي عمل اشتراك لسيارته كامري 2007 واحترق عليه منظم دعسات البنزين وصارت السيارة ما تمشي بالمرة وقتها كان عالضمان وصلحها في الشركة

[جولاتي]

الله يسلمك ي خوووي laurel_200L

ممكن والله تكون محترقة بس وش حلها الله يبارك فيك وبالجميع
جربت كم طريقة ولانفعت معي

[جولاتي]

انتظر حلول لمن يستطيع افادتي
بارك الله بالجميع

[كلاش2500]

اخ جولاتى مالك الا توديها للشركة ويعلمونك وش الخلل....واذا عرفته عاد فكر بتسويه عندهم ولابمكان ثانى...لكن انا بعطيك تجربتى انا كان معى انوفا 2009 المهم خربت البطارية وغيرتها بواحدة جديدة ثم بدأت المعاناة صارت الدعسة ماتقبل بنزين..المهم انى عرفت بعدين ان البطاربة ماتغيرها الا والسيارة شغالة عشان البرمجة.....المهم بحثت هنا وهناك اللى يقول شغل السويتش سبع مرات والثامنة شغل ...واللى يقول افصل البطارية يوم واللى يقول ساعة...المهم كلها مانفعت مريت على ورشة دلنى عليها واحد وتفاجأت يوم قالى اسويها لك 800 ريال..والسيارة تقعد يومين عندهم ...المهم قلت هذا نصاب.....خطر على بالى فكرة قلت خلنى اسوى تصفية للمكينة .انظف بخاخات واغير صفاية البنزين واغير بواجى ...والحمدلله ضبطت السيارة.....فأنت شوف وش اللى يصلحلك من كلامى والله يوفقك...

[يالبى الهلا]

هذة مشكلة السيارات. الجديدة خاصة البرادو حصلت مع أكثر من شخص بدل البطارية
لابد من برمجة للكمبيوتر في الوكالة عن طريق سي دي . وغيرها لا

[laurel_200L]

للمعلومية !

سيارتي اذا فصلت البطارية ورجعت شبكتها الموتر يرج وضغط الا R.P.M يكون تحت الصفر على النص !

لكن المشكلة سهلة اهجول كم مشوار وترجع طبيعي لانو الظاهر والله اعلم ان برمجة حساس الهوا يرجع يبرمج نفسه مع كم مشوار :)

[سعود الرويضان]

انا معي شاص ودي اغيرها سلك. . وين تنصحوني اروح. . اي ورشها

[أصيل حجآ زي]

وعليكُم السلام ورحمةُ الله

اخي :
قد يكون العُطل في
نفس الدعسة الكهربية ( الاكترونية ) .

تحصّل شروح وأشرطة لها
في درسي المُضاف لرابط دروسي .

المُعنوّن ؛
ماهي رسآلة التحذير { تنبيه} بخفض طآقة المـُحرّك
Reduced Engine Power وما هي خطورتها؟؟؟

مشروحة بالتفصيل
المُمّل في درس لي '''
تحصلُه في رابط دروسي
المُثبّت بمُقدمة الخيمة بعنوان ؛
دروس لكيف !!! تـُـصـبـح مـُهـنـدس وكـهـربائي
سـيـآرآت ؟؟؟ بطريقة أعملها بنفسك ( DIY } .

[جولاتي]

كلاش2500
يالبى الهلا
laurel_200L
أصيل حجآ زي

الله يجزاكم خير ويسعد قلوبكم ماقصرتم ي اخوان

سعود الرويضان
الله يسهل عليك امرك

[جولاتي]

كل عام وانتم بخير وتقبل الله صيامكم وقيامكم
.. ي اخوان سيارتي بعد م فصلت البطارية ماشتغلت اكرموني بحلولكم الله يبارك فيكم

[جولاتي]

انفصل اصبع البطارية السالب
ما يفتح السويتش
يلف المفتاح ويرجع من دون ما تشتغل
ولا يشتغل شي حتى لمبات الطبلون ما اشتغلت والدركسون قافل

[جولاتي]

فيس ينتظر فزعتكم ي شباب