###عندك خبره في التوانك حياك ###

[قاعس]

الشهر عليكم مبارك حبيت اسال عن التانكي الوطني فيبر هل هو يصلح للشرب والطبخ وما يتغير طعم الماء فيه ولو بفصل تانكي وش افضل ستيل ولا الامونيوم ولا نفس شي

[ابورايف]

حياك الله

أستيل

ألمنيوم

فيبر

وتقبل مروري وردي

[الفرزدقي]

انا الاخوان مدحوا الالمنيوم وفصلت عند عروق الشمال

[فهد الخالدي]

لا يقربك غير الالمنيوم
الفيبر يطعم
الاستيل يصدي لانه ليس استيل خالص
الالمنيوم حاول تلبسه ولا تعرضه لحراره عاليه
تقبل مروري

[دكتور زمانه]

المنيوم من رايي لاتتعداه . معي 4 سنوات
وماشاء الله . الفيبر اشوف كم واحد من الربع مركبينه
ولكن يبي له مدة لين يروح الطعم الي فيه . موفق خير

[بدران الدوسري]

الفيبر عن تجربه سعره فقط هو الي يغري

وهو توافيق بعض الناس يضبط معهم طعمه وبعض الناس لا


ويبي له تركب عليه قماش وعازل عشان لاتجيه الشمس مباشره

بالنسبة لي حاليا أشوف الالمنيوم هو الانسب

كاسعر وكاجوده

[قاعس]

جزاكم الله خير على المعلومات ان شاء الله بفصل تانكي الامونيوم بس ابي الورشة الي شغلها نظيف بس تكون برياض او القصيم واعذرونا اذا كثرنا عليكم اسأله

[ابو ناصر 606]

ورشة الوادي بالرس وعندهم خبرة طويله في مجال توانك السيارات بس مواعيدهم من الشهر واكثر .

[الجوكر حسن]

السنيدي عندهم اشكال وانواع في القصيم يبيع جااااهز
خذيت منه
المنيوم حق الجيب 100 لتر ومعه تلبيسه جاهز 650 ريال الحين معي سنتين ماشاء الله
الله يوفقك
:f

[بانللي وبس]

صحبكم الله بالخير جميعاً
انا استخدم خزان الوطني له عندي اكثر من 3 سنوات ممتاز ولا يغير الماء وقيمته مناسبة

[ابوصالح77]

إذا كان الموتر مؤقت فلا تعدى خزان الوطني ممتاز وركب لي العايد
سعره ممتاز ومعقول وصحي

ومن ناحية الأقوى مثل ماذكر مشرفنا ابو رايف
إستيل إذا حصلته خالص ولحام إستيل
ألمنيوم
فيبر

بالتوفيق

[المتلولس]

معي المنيوم من ثمان سنوات ممتاز انصحك بالالمنيوم

[web]

السلام عليكم

شف وانا خوك انا مجرب الستيل ومجرب الفيبر
الستيل انا بنفسي اخذت الصاجه وقصيتها وفصلتها وركبت قواطع ولحمتها لحام خاص بالستيل كلف علي شغلها حوالي 1000 ريال ...
ممتازه جداً لكن عيبها ثقيله يعني تركبها انسى تنزلها من السيارة لحالك .. غثى اذا ماهي مثبته بالسياره ..
بعدها كنت ناوي على الالمنيوم لقيت خزان الوطني طارف ورخيص شريته وجربته ممتاز جداً تركبه بالموتر متى مابغية وتنزله متى مابغيت .. لا طعم ولا رائحه من اول ماشريته حتى الان له عندي مايقارب الثلاث سنوات
اشوف البعض يشتكي من الرائحه او تغير الطعم( يمكن تكون من اللي الهوز ) بعضهم نفع معه تغييره وبعضهم لازال لكن بالنسبه لي ممتاز جداً .
الالمنيوم ميزته ( ماجربته) لكن شفته خفيف لكن اثقل شوي من الفيبر ... وميزته تقدر تفصله على مزاجك وتحط ملافز يمين يسار ..
وعلى فكره ترى الغش مو بس بالستيل الغش حتى بالالمنيوم فيه غش والالمونيوم لحامه يختلف عن اللحام العادي حق الحديد لكن اغلبهم يغش ويلحمه لحام حديد عادي.

[Hrr155]

السلام عليكم
انا من وجهة نظري اذا سيارتك يركب عليه تانكي الوطني الفيبر ومقاسه مضبوط تراك غلطان ان تعديته رخيص وجودته ممتازه استخدمته ٤ سنين اتوقع و بسيارتين وماعندك احلى منه لاكن اول ماتشريه اغسله ب ماء وملح خله يوم او يومين ونظفه عقبه ويروح اي طعم به والافضل انك تلبسه قماش وعازل علشان تضمن ان الحراره ماتاصله انا هالحين معي تانكي المنيوم ولا فرقته عن الفيبر نهائي لو سيارتي له مقاس مضبوط فيبر كان شريته
والله اعلم

[الشيخ الظريف]

تانكي الفيبر ممتاز بعدتنظيفه ووضع لي ممتاز لأن الذين يشتكون من الطعم والرائحه تكون من اللي٠لكن اذا كانت سيارتك تقف بالشمس بصفة دائمه او التانكي معرض للشمس فيستحسن الابتعاد عن الفيبر

[مشلخ الذيب]

انا معي تانكي فيبر له تقريبا فوق 3 سنوات

لا طعم ولا ريحة يالله لك الحمد


بس احرص تحط البزبوز او السد تخليها ستيل او بلاستك عشان ماتصدي وتطعم

[قاعس]

السلام عليكم

شف وانا خوك انا مجرب الستيل ومجرب الفيبر
الستيل انا بنفسي اخذت الصاجه وقصيتها وفصلتها وركبت قواطع ولحمتها لحام خاص بالستيل كلف علي شغلها حوالي 1000 ريال ...
ممتازه جداً لكن عيبها ثقيله يعني تركبها انسى تنزلها من السيارة لحالك .. غثى اذا ماهي مثبته بالسياره ..
بعدها كنت ناوي على الالمنيوم لقيت خزان الوطني طارف ورخيص شريته وجربته ممتاز جداً تركبه بالموتر متى مابغية وتنزله متى مابغيت .. لا طعم ولا رائحه من اول ماشريته حتى الان له عندي مايقارب الثلاث سنوات
اشوف البعض يشتكي من الرائحه او تغير الطعم( يمكن تكون من اللي الهوز ) بعضهم نفع معه تغييره وبعضهم لازال لكن بالنسبه لي ممتاز جداً .
الالمنيوم ميزته ( ماجربته) لكن شفته خفيف لكن اثقل شوي من الفيبر ... وميزته تقدر تفصله على مزاجك وتحط ملافز يمين يسار ..
وعلى فكره ترى الغش مو بس بالستيل الغش حتى بالالمنيوم فيه غش والالمونيوم لحامه يختلف عن اللحام العادي حق الحديد لكن اغلبهم يغش ويلحمه لحام حديد عادي.
لاهنت الورشة الي اشتغلت فيها وين موقعها

[web]

لاهنت الورشة الي اشتغلت فيها وين موقعها

ليتك ارسلتلي رساله انتبه لردك توني امر الموضوع العذر والسموحه

الرياض الصناعيه القديمه قبل لاتدخل يجونك محلات مطابخ وستيل يمين ويسار الصفيحه اخذته من هناك وبعدها تروح بنفس الصناعيه تسئل عن الطعاجات او قصاصات الحديد تروحلهم وتقص المقاس الي تبي بعدها بنفس الصناعيه دور على لحام ستيل يجي جهاز خاص فيه اللحام يكلف حوالي 200 ريال والطعاجه تقريباً 30 ريال الصفيحه غاليه حول 700 او 750 تقريباً
ترى مافيه ورشه محدده كلها كانت اجتهاد شخصي

[االملتاع]

ببريدة هل فيه محل توصوني عليه يكون شغله المنينوم مزبوط

[بحرالقلزم]

عندك عروق الشمال ولو ان اسعارهم غاليه
وعندك السنيدي
وفيه ورش وانت داخل بريده من الجنوب مع طريق الملك عبد العزيز على يمينك
قبل الاشاره اللي توديك سوق التمور
هذا اللي ا عرفه

[االملتاع]

عندك عروق الشمال ولو ان اسعارهم غاليه
وعندك السنيدي
وفيه ورش وانت داخل بريده من الجنوب مع طريق الملك عبد العزيز على يمينك
قبل الاشاره اللي توديك سوق التمور
هذا اللي ا عرفه
ماقصرت يالغالي وجزاك الله الف خير :good2:

[XRAY MAN]

والله جربت الفيبر والستيل

الفيبر رجع طعم ما خليت ماسويت غسلته ونظفته مافيه فايده كرهته ونطلته

عقبها شريت ستيل في موترين وماشاء الله تبارك الله ممتازه جداً