يايات ومساعدات وفحمات GXR

[JARAH]

السلام عليكم ورحمة الله وبركاته

تقبل الله منا ومنكم طاعتة ان شاء الله

عندي جيب جكس ار 2011 والحقيقة كل ما طلعت البر وحملتة العزبة نزل مرة والمطب حقة قاسي شوي .. سمعت عن المساعدات واليايات الاسترالية الكل يثني عليها مريت الرماية اليوم والحقيقة مع ان سعرها غالي حوالي 3600 ريال مساعدات ويايات امامي وخلفي .. بس اذا هي تستاهل ما هيب مشكلة... نصيحتكم ما نستغني عنها .

الشي الثاني الفحمات الحقيقة بهذلتني فحمات الجيب ما تكمل 25 الف الا واغيرها غير انها العبت في الجنوط بالسواد .. سمعت الشباب يمدحون فحمات السيراميك ويقولون تعيش لين 100 الف بالراحة وعملية .. بحثت عنها في النت لقيتها انواع بس ما ادري اي نوع يصلح للجيب ومن وين اجيبها .. !!

فزعتكم الله لا يحرمكم الاجر

[هارون97]

اليايات والمساعدات ماعليها كلام تستاهل مجربها الفحمات فية نوعية يقال لها سرميك ابحث في النت فيه شباب يجبونة من الخارج

[الجوكر حسن]

وعليكم السلام

مبروك الجيب يعطيك خيره ويكفيك شره
انا معي جيب VXR الموديل 98
اليايات والمساعدات يستاهلن الاستراليه
انا مجربهن والحين بركب ان شاء الله لان الاولات المساعدات خلصن
اربع مساعدات استراليه 1580 ريال خذيتهن ومعي الفاتوره الى الان عشان بشوف كم فتره ويخلصن :D
واليايات الاستراليه بعد فتره خذيتهن ناسي يمكن 650 ريال وترا اليايات يرفع موترك شوي كانك مركب كعكه
والمساعدات الاستراليه معي لهن الحين سنتين و9 اشهور رحت قبل امس لم الميانيكي قالي يبي يغيرن لان اشوف الجيب في المطب مو متساوي وان شاء الله ابي اطق اربعه مساعدات استرالي يستاهلن كل ريال وارحت لهن
الي قبل دخلت في النفود والبر وتخبر حائل حفريات ومطبات كثيرره
واذا ركبو الاهل اشوفه ينزل شوي بس مو مرره مثل مساعدات الوكاله
واذا تبي ماينزل ابددد يمدحون البالون يركب داخل اليايات طريقته تنفخه بهواء يرتفع موترك ماجربتهن قيمته اذكره 950 ريال :D
الله يوفقك ويوفق جميع المسلمين
:l

[راعي الرود]

النزول مع التحميل ماله علاقه بنوع المساعدات بشكل مباشر
فقط اليايات اشتر 2 يايات خلفيه وركبهن و المساعدات و يايات قدام خلها شد بلد

[الشكري1]

أنصحك بلفلز يجيبها عاصم السيف
ومحل 4X4 في القصيم

[أحمد الدهمشي]

وعليكم السلام ورحمة الله وبركاته

بعد تجربة اليايات الاسترالية
اقول ان الكروزر ما يصلح الا بهن بر ولا سفر
لا تاخذ الضعيف مافي فرق واجد
والقوي جدا يرفع السيارة حيل مزعجة بالركوب
حط ياي خلفي حمولة 250 كجم او اللي تحت اعلى درجة بالياي
انا جربتها بدون المساعدات
لكن بعدين ركبت مساعدات مونورو وأعجبتني ايضا
الفحمات يفيدونك الشباب

[JARAH]

بيض الله وجه الجميع ..

الحقيقة انا ما بي الجيب يرتفع مرة .. لأن شكلة يصير قبيح .. أنا نصحني واحد من الاخوان بورشة للرماية نفس الوكيل عند مرور دلة شمال الرياض يقول يرفعونة لك بل سم لأنهم يقيسون بين الكفر والرفرفر .. وقالي سم واحد مناسب للجيب بمرهم واشوف .

بس ما زلت انتظر فزعة الاخوان بخصوص الفحمات السيراميك .

[مستربوب]

بالنسبة للفحمات جرب فحمات بوش الالمانية تحصلها عند الجفالي