باترول 4500 وصوت اللقلقه !

[مشاري خلف]

سلام عليكم

ي الربع عندي باترول موديل 2000 خليجي

قير تماتيك حجم المكينة 4500

صوت اللقلقه بهذلني ي جماعه الخيرر

اللي سويته ولانفع معاي

وزنت الديلكو اكثر من مره
وزنت البلوف
غيرت بواجي وأسلاك بواجي ومنظم ألهوا
وصفيت مكينه وسويت غسيل مكينه
غيرت بنزين احمر
وهاذي المكينة ثالثه ركبت عليه

طبعا مع صوت اللقلقه يقعد تقريبا حول سنه
ويخبط وسبب تخبيطه ( عمود الكرنك )

يالربع أفزعولي بها وترا من عشاق نيسان :(

[SGL]

غريب اللقلقه دايم سببها الديلكو يحتاج وزن والبنزين الأخضر أو يكون جنزير المكينة راخي

[Abukhaled-503]

حدد الصوت وين تسمعه بالتحديد

[المنيعي1]

الموتر صافي وﻻيقطع شوي اذا كان واقف
ويصرف بنزين زيادة

[مشاري خلف]

يالربع ، الموتر لايقطع ولاشي .. وعزمه وقومته مشاء الله عليه

لكن الصوت ذا مبهذلنني ، ماتوقع جنزير المكينه راخي ..

لكن موتر مابه تقطيع ولابه صرفية بانزين ..

والصوت ب المكينه ، وخصوصا انت ماشي من 60 ، لـ 100 كيلو
واذا دست عليه شوي كل ماشديت موتر طلع الصوت !!

افيدوني يالربع والله اني خسرت على هالصوت مايقارب 15 الف من غير المكاين !!

[cadillac911]

دام انه هذي ثالث مكينه ونفس الصوت اجل العله في شي انت تسوية وممكن يكون شي غير المكينه وش الزيت اللي تستخدمه ووش الفلتر اصلي ولا تجاري ولا ما تغير الزيت أساسا ولا من النوعيه اللي تزود والحرارة عندك كيف وضعها عندك دام نفس المشكلة في 3 مكائن قبل كذا


Liverpool for ever

[أبوساري 99]

انا قد صار لي نفس الوضع هذا في باترول 96 كان يجي لي الصوت إذا ضغطت عليه بالتعشيق الثالث وإلا الرابع يطلع لي الصوت ورحت لورش وكل يعطني من راسه صوت اللي يقول جنزير وإلا يقول الدفرنس الأمامي وإلا يقول عندك مشكله بالقير

والنهاية صارة ديلكو مايعطي كهرب صح وزنت الديلكو بمسدس وضبط معي وراح الصوت .

[مشاري خلف]

اخوي .. الله يعطيك العافيه

لكن .. الزيت اغيره كل 4000 ..او5000

الزيت طبعا " سوبر جي تي فوكس " الاسود

فلتر ، غيرته اصلي من الوكاله

الحراره .. طبيعيه الربع ..

ونفس مشكله بالمكاين اللي قبل !

[cadillac911]

طيب شيك على الشكمانات احتمال منها صوت اللقلقه ممكن تكون مرتخيه وممكن تكون مسدده وسوي وزن للديلكو بالمسدس والله يفرجها عليك وتخلص


Liverpool for ever

[مشاري خلف]

ابو ساري ..

طيب انا وزنت الديلكو اكثر من مره ..

واخر ماوزنته قبل اسبوع ب ورشة الصواط


تتوقع في شيء ثاني ، وياليت تقول لي وش غيرت وش سويت حتى راح الصوت بالتمام ؟

[مشاري خلف]

اليوم بروح اوزن الديلكو ب المسدس مع اني وزنته اكثر من مره واشيك على شكمانات ..

وااعطيكم الوضع

[cadillac911]

وحنا ننتظرك


Liverpool for ever

[أبوساري 99]

الديلكو اللي عندك اكتروني ؟

الأكتروني يبغى وزنه صح أفضل انك تروح لورشه ثانية غير الورشه اللي رحت لها من دون تقصير بورشة الصواط بس

عشان تتأكد من ورشتين وخله يشيك على الكويل لا يكون يعطي شراره ضعيفه وخله يشيك على الأسلاك والمكابس أو الأفياش اللي طالعه من الكويل للديلكو لا يكون شي مجروح .


لعلى وعسى يكون منه .

[اليامي قطر]

اخووي مشاري موضوعك بسيط جدا

ويدرج حول الكهربه والديلكووو
لازم توزنه بالمسدس وتتأكد من قوه الكهرباء

انا يامحدثك عندي جمس 83 دخلته في ورشه يظبطون
لي مكينته ويوم طلعته منهم ولا الموتر متغير ويرمي
وفيه لقلقه ومايمشي رحت لواحد وزان
وسوا له وزن بالمسدس وظبط الموتر 100%

اوزن الديلكو وعطنا خبر كيف صار معك

[مشاري خلف]

ابشركم ، وزنت الديلكوو ..اليووم

وشيكت على شكمانات ..

طلع اساس العله والخساير كلها الديلكو !!

وديته فلبيني ، حط لي نص ، لانه كان اخر شيء هو
وراحت اللقلقه ، لكن الاحظ ب الموتر عزمه طاح ، وقومته طاحت
مشيت به خط 100 كيلو .. يمشي معاي لـ 160 ويشبك الدعسه ثانيه " قير تماتيك "
وانا راجع ، سايست الموتر .. ويادوب وصل 165 ،ورجع شبك دعسه ثانيه من حاله .. !

وابي الموتر يكون نفسه خفيف ب القومه والعزم .. كيف !
يعني يوم اني وزنت الديلكو ! قل عزمه

[موادع 1]

المكينه 4500 قليله عكاسات وعمليه
ولكن يعيبها الثقل
معي 2001 قير عادي
ياثقل طينته ولكن تعودت عليه

يوم زانت علته وعرفت وش المشكله
الحمد لله وشوي وتعود على الوزنيه الجديده
الله يبارك لك ولا يخسر عليك

موفق

[مشاري خلف]

اللهم امين ..

لكن ياخوي .. ود ان عزمه يرجع مثل الاول ..
من اول يمشي 200 زي السلام عليكم
الحين يادوب يلحق 165 ..ويشبك دعسه ثانيه من نفسه
وابي الطريقه اللي ترجع عزمه وياليت يفيدونا الشباب ..

[موادع 1]

امس غيرت فلتر هواء اصلي
وبواجي اصلي
وفرق معي الموتر 100%
وغيرت بعد طقم سيور اصلي

تاكد من فلتر الهواء تراه ضروووووري
ويفرق بعزم الموتر

تاكد من صفايه البنزين كلها 70 ريال
ولاهيب خساره وباذن الله تشوف الفرق
مدام الديلكو موزون واموره زينه
جرب اللي قلت لك ولن تندم
وهي قطع استهلاكيه مهيب خساره

[موادع 1]

وشيك بعد على اسلاك البواجي
ترى لها دور لو كانت قديمه يمكن انها تفوت كهرب
وقيمتها 150 ريال

الله يوفقك

[مشاري خلف]

اسلاك بواجي ، وبواجي مغيرهن .. ماكملت اسبوع

صفايه .. مغيرها من شهرين ، لكن بغيرها بكره .. والفلتر بغيره

وياعل وعسى .. يخف الموتر

[موادع 1]

باذن الله بتشوف الفرق
بعد تغيير فلتر الهواء والصفايه

الله ييسر امرك

[روق الرياض]

السلام عليكم
اخوي مشاري طبيعي يكون اقل عزم من قبل الوزن كان مفترح على الديلكو على كذا يصير عزمه قوي بس يزعجك بلقلقه بس بعد الوزن لابد ان يقل عزم الموتر وشكرا

[مشاري خلف]

الله يعطيك العاافيه .. اخوي روق ..

وكويس انك وضحت لي كثير

الله يسعدك ..

[أبوساري 99]

ابشركم ، وزنت الديلكوو ..اليووم

وشيكت على شكمانات ..

طلع اساس العله والخساير كلها الديلكو !!

وديته فلبيني ، حط لي نص ، لانه كان اخر شيء هو
وراحت اللقلقه ، لكن الاحظ ب الموتر عزمه طاح ، وقومته طاحت
مشيت به خط 100 كيلو .. يمشي معاي لـ 160 ويشبك الدعسه ثانيه " قير تماتيك "
وانا راجع ، سايست الموتر .. ويادوب وصل 165 ،ورجع شبك دعسه ثانيه من حاله .. !

وابي الموتر يكون نفسه خفيف ب القومه والعزم .. كيف !
يعني يوم اني وزنت الديلكو ! قل عزمه



كان أول تبديله من تعشيقه إلى تعشيقه طبيعي وإلا فيه المشكله من زمان ؟
وبعدين بسألك الديلكو شد بلد وإلا وش وضعه ؟
الوزن صار بالمسدس ؟
شيكت على الكويل والأسلاك ؟
المكينه تحس فيها نفضه وإلا عادي ؟
الشكمان حط يدك عليه شف هل فيه تفتفه وإلا لا ؟

[موادع 1]

اخوي مشاري
بلغنا وش يصير معك لاهنت علشان تعم الفائده
والله يبارك لك بموترك ويكفيك شره
بانتظار المستجدات

[داموك 1]

اخوي مشاري شيك على حساس الدعسه نظفه او غيره
تراه مثل شرطي المرور في تقاطع مزحوم ولابه اشارات ضوئيه

[مشاري خلف]

الموتر نفس وضعه .. اللهم راحت اللقلقه وتردى عزمه

غيرت الفلتر ، وصفايه ونفس الوضع

ابو ساري ديلكو شد بلد

وشيكت على الاسلاك كلها سليمه ..
المكينه مابها نفض ولاشيءطبيعيه جدا

والشكمان مايتفتف ..

القير من اول تعشيقه ممتاز جدااااا ..
ولحد الحين ..

اخوي داموك .. حساس الدعسه ... كم لو احصله وكاله ؟
الموتر يالربع راحت لقلقه .. ولازال عزمه ثقيل .. ومع هذا فاك عمود الدبل ولايمشي ثقيل بالحيل

[داموك 1]

اخوي مشاري
حساس الدعسه انا ماخذه قبل رمضان باسبوع
190 ريال معي 99 4500 بخاخات

[سلطان 22]

وعليكم السلام
اخوي مشاري خلف اتوقع اللقلقه اللي هي مشكلتك الاوله قبل وزن الديلكو اتوقع انها من ضعف طرمبة زيت المكينه
اتوقع والله اعلم

[عاشق الشعبيات]

موترك مشكلته اللي وزنه لك قلل كمية الكهرباء اللي تروح للبواجي

رح أوزنه عند واحد ثاني فنان

أو ركب لك هدرز بس وراح تفرق الموتر فرق كبير