باذر الربيع..وعادات المنتدى كل سنه(للأهمية)

[][عزام][]

السلام عليكم ورحمة الله وبركاته
ياخوان في موضوع يدور براسي له كم يوم وقلت لازم اقوله قبل مايكشتون العالم يوم الاربعاء خاصه واني اتوقع ان زوار الصمان واماكن الربيع جهات ام قيبه سوف يكونون كثر هذا الاسبوع وقد كنا في كل سنه في هذا المنتدى المبارك ننبه الأخوان على ان لايتحمسون زياده ويحوسون الفياض ياجماعه كلكم تتذكرون العام رديفة ام صحن والعالم اللي طبوا عليه وهي توووه بادي تربع مما سبب تصليع:d بعض المناطق بسبب كثرة الداخل والطالع وشوله العجله يااخوان روحوا شوفوا الفياض ما فيه مشكله بس لاتوطون الباذر وينحاس علينا والله الاسبوع الماضي شفت الفياض اللي ورا التنهاة بادي فيها الباذر لكن جايه واحدجاهل الله يصلحه ولاعبن به ومفحط ولهذا بما ان المنتدى الان اصبح له شأ
ن في قلب كل مكشاتي وزواره وصلت اعدادهم الى اعداد لا يستهان بها وجب التنبيه.

ودمتم بصحة وعافيه:)

[zaizoom]

صبحك الله بالخير أخوي ( ][عزام][ ) ..

فعلا تنبيهك في محله وفي وقته جزاك الله خير ..

الله يهدي الجميع ..

لاعدمناك يالغلا ..

[أبو شعلان]

الله يجزاك خير أخوي عزام ... وياليت فيه أحد يسمع لك

مشكور وماقصرت ....

تحياتي لك ..........

[الشقردي]

للرفع للأهميه

[ناصح]

كلامك صحيح جدا



وأنا اتفق معك 100 % 100

[أبوهشام قحطان]

جزاك الله خير يا أخ عزام وكلامك في محله لدرجة أن بعض أهل البادية- وأهل الحلال - صارو يكرهون شوفة الكشات بسبب تلك الأعمال التي لاتصدر من شخص عاقل وخاصة التفحيط داخل الفياض أو اجلكم الله ترك النفيات والمخلفات وقد رأيت ورأى غيري العام الماضي في فياض الصمان شىء يندى له الجبين !!!!! فهل من متعض ....... أرجو ذلك :confused:

[المهاجرxp]

كلام سليم مية بالمية
شكر ا لك

[غيم]

كلام سليم .. اخوي عزام .. اتمنا من الجميع التنبه لذلك

[قلب الداهيه]

كلام سليم أوافقك بمية بالمية

الله يهدي الجميع

[((( الحر)))]

بارك الله فيك اخوي عزام على هذا الشعور النبيل.

واتمنى من جميع الكشاته ان يراعوا عند السير وسط الفياض ان يكون على الطرق المفتوحه وعدم السير على الاراضي المنبته خاصة ان الربيع توه على اوله ولا يتحمل دوس السيارات عليه.

وشعارنا دااااااااااااااااااائما

الطبيعة ملك لنا فلماذا لا نهتم بها.

للجميع وافر واغلا تحيه

والله يحفظكم

[ساري]

موضوع يستحق التثبيت...

جزاك الله خير ..... الدنيا بخير مادام أمثالك موجودين

[عاشق VXR]

السلام عليكم ورحمة الله وبركاته ..
صبحكم الله بالخير جميعا ..
اسأل الله ان يغيث البلاد والعباد وان يجعلها امطار خير وبركه ..
اشكر الأخ عزام على طرحه لهذا الموضوع وجزاكم الله خير ...

[الفردوس]

صدقت والله حسبي الله على هالجهال اللي يفحط ما لقى يفحط الا بالروضة !!

[ابن الصحراء]

الله يجزاك خير أخوي عزام ... وياليت فيه أحد يسمع لك

[مروق الثعلب]

جزاك الله خير ..

يرفع

[حد الشمال]

كلام سليم بس وين للي يسمع

[][عزام][]

الشكر لكم اخواني في الله ونرجوا من الجميع التنبه على هالنقطه وان يخبر الحاضر الغائب تخيلوا الأرض بعد اسبوعين وبدون سيارات عاثت فيها اتوقع انه سوف يكون هناك منظر يستحق دقات المشاوير اللي تحصل منا يعني بصراحه قهر الواحد يدق مشوار واخر شي فيضة ثلاث ارباعه جواد سيارات,وان كان ولازم تقطع الفيضه اقطعه من نفس الجاده اللي قطعه اللي قبلك .

واتمنى للجميع كشتة جميله في هذه الاجواء الأجمل