حرارة الباترول ترتفع عند الوقوف

[kasdar]

السلام عليكم

اخواني عندي باترول ربع 96

الموتر حرارته طبيعيه

لاكن اذا وقفت وخليه فتره خصوصا مع المكيف

ترتفع الحراره الى النص

علماً غيرت توماتيك المروحه
غيرت ماء الرديتر تويوتا اصلي مع علبتين ماء مقطر
غيرت القاعده السودا الي على المروحه نسيت اسمه

والحراره الى الان نفس ماهي اذا وقفت ترتفع وش الحل ؟

[مشاري خلف]

سلام عليكم ..

علة موترك كان في موتري ..

وطلع علته تماتيك المروحه ..

ركبت تماتيك المروحه تجاري ولانفع ..

رجعت وركبت الاصلي حق الوكاله وضبط معي ..

وقبل ماركب ذي .. لما اوقف عند اشاره ولا اي مكان ترتفع للنص على طول ..

هذا اللي اقدر اقوله لك وان شاء الله يفيدونك الاخوان

[kasdar]

والله ياخوي انا ركبت تجاري ياباني نوعيه كويسه

والموتر اوقف عند الاشارات ماعندك مشكله

بس اذا خليته ربع ساعه الى ثلث ساعه تبدا ترتفع واذا مشيت نزلت

[مشاري خلف]

الله ، يعينك ويفيدونك الاخوان ان شاء الله

[أحمد محمد1429]

والله ياخوي انا ركبت تجاري ياباني نوعيه كويسه

والموتر اوقف عند الاشارات ماعندك مشكله

بس اذا خليته ربع ساعه الى ثلث ساعه تبدا ترتفع واذا مشيت نزلت
موترك طبيعي ولا تكثر الخساير

[نظره وترحال]

سلام .. اذا حرارة طبيعيه مع المشاوير عادي .. لان الثلث ساعه واجد

[هم الشمالي]

اذا مافيه بلف حراره ركبله بلف أصلي وشيك على الرديتر يمكن يبي تنظيف او فيه تنسيم او الغطاء حق الرديتر يمكن يكون فيه تنسيم
وراس المكينه لازم تتأكد انه سليم يعني فيه شغلات كثيره لازم تشيك عليها لأن الحراره لها أسباب كثيره ابدا بالأسهل وبالتوفيق

[salih100]

الي يقول الحراره طبيعيه لانه يوقف ثلث ساعه :: كلامه غلط

ابداء بالاقل خساره
غير غطاء الرديتر
سيخ الرديتر
تأكد ما فيه تنسيم ولا تهريب
شيك ع مروحه المكيف هل تشتغل اذا وقفت او لا
قبل كذا غير بلف الحراره الداخليه لانه يمكن اذا ضغطته الحراره والموتر واقف يجيم
شيك على طرمبه الماء (افتح غطاء الرديتر والسياره بارده ودوس بنزين اذا انخفض الماءفي الرديتراوطفح فالطرميه زينه )

[راعي الباث 1]

انا اتفق مع اخووي مششاري خلف صارت معي وغيرت تماتيك الى ياباني ماكمل ثلاث اياام ورجعت المشكله

وبالاخير ركبت مراوح سوبارو وريحت راسه من مروحه البلد وازعاجها علما ان موتري باثفندر ..

[اهم-1]

السسسسلام عليكم ورحة الله

اولاً شيك على الرديتر هل فيه تهريب والمراوحة هل فيها عطل
ثانياً تاكد من غطاء الرديتر والافضل تبدلهم
ثالثاً تأكد من طرمبة الماء هل هي تهرب او تنقص الماء مع المخرج الجانبي
واذا كلها شفلك محل ينضفلك راديتر المكيف زين والمكينه لا تقرب لها لنها ان شاء الله ماهو منها المشكلة

اسسستغفر الله واتوب الية

[ابو لموره]

نفس علة موتري ... تأكد من الرديتر أكيد فيه تهريب غير واضح

[قمة افرست]

قبل لانقولك اخسر وصلح
زي ماذكروا الاخوان وازيد
توضيح اذا بردت السيارة افتح غطاء الاديتر وشغل السيارة والمكيف لين تسخن وتسمع تغير بصوت المروحه ( الصوت ) وشوف هل الاديتر نقص اولا اذا نقص زيده وانتهت المشكله
اما اذا شايل بلف الحراره فالامر طبيعي
واذا سيارتك مافيها مراوح تبريد كهربائيه ركب بلف ورهم مراوح ممكن تقص عليك 300 ريال وبعدها بتنسى الحراره

وسلامتك

[alharbi15]

أنا كنت مغير بلف الحراره حق مرسيدس
واذا السياره واقفه ترتفع الحراره وأذا مشيت السياره تبرد
شف بلف الحراره

[تميم2222]

طيب البلف شفته؟؟؟؟

[glaza]

والله لعبو فينا بعض هالوافدين

للاسف دولة اتييب عماله رخيصه وجاهله كل همها كسب فلوس وين الله يوفقنا والتعليم زفت دول الخليج قاعده تضيع خيرها وفلوسها على الفاضي واحنا المواطنين الي راح ناكلها بالاخير

حسبنا الله ونعم الوكيل

[الوسم]

هااااااه ؟؟ وش سويت ؟؟

[hamido]

غسل السرندل وصيخ الاديتر وشيك على طرمبة الماء