صوت حنننننه في النافارا

[راعي المنهاج]

السلام عليكم ،

يالربع عندي نافارا ( نيسان ) وطلع صوت حنه (حننننننننننننن) عاااالي ولا يفصل حتى بتفضية القير وجيت الورش وقالوا الرمانات الأمامية ، صراحة خبري في النيسان قليل وطلعت قيمة قطع الغيار حوالي الف ريال والى الان

أتوقع لو هو كارونه والا في العمود بيفصل مع تفضية القير

أبي أتاكد إن العطل منها عشان مانشري القطع ويطلع العطل شي آخر

لايوجد في الديرة اللي أنا فيها وكالة عشان أتأكد منهم

اللي عنده معلومة لايبخل علينا ولكم الشكر

[بيق مان]

تأكد من عمل تماتيك المروحة بشكل جيد قبل ما تغير اي شي

[راعي المنهاج]

بيض الله وجهك على المشاركة لكن المشكلة تصير إذا السيارة تتحرك وأستبعد تماتيك المروحة


هل يوجد قطع غيار أرخص من الوكالة أو من سيارات أخرى تقوم بعمل هذه الرمانات

[abo aryam]

السلام عليكم
طريقة فحص الرمان كالتالي :
ترفع الكفر عن الارض وتمسك بكلتا يديك الكفر وتحركة للداخل والخارج اذا كان فيه فضاوة معناه ان الرمان خربان ( وضعية اليدين تكون في اعلى الكفر واسفله والحركة للامام والخلف متعاكستين) .\
الصوت يزيد مع زيادة سرعة السيارة ولا يختفي مع فصل القير من النمرة .
اغلب شركات السيارات في موديلاتها الجديدة تكبس الرمان مع الفلنجة وتجبرك تشتري القطعة كاملة عشان كذا سعرها غالي والا الرمان لحالة يمكن يكلف 50 - 100 ريال وتركيبه 50 ريال . الله يعوضك
ملاحظة حاول ما تتأخر عليه لأنه ممكن يعرضك لخطر انطلاق الكفر لا سمح الله .