لا تفوتكم ... مقلوبة الرز بالخضار .!!

[اخر العشاق]

السلام عليكم
صباحكم عسل وغيم وامطار وخير
بمناسبة كثرة الطلعات والكشتات الايام هذي . وحيث ان الطلعه ما تصلح الا بالطبخ والعلوم السفره . حبيت اقدم لكم طبخة رهيبة مره مره وطعمها حلو .

المقادير : الكشنه( الحمسه ) وتوابعها من بهارات وغيره .
باذنجان - كوسه - بطاطس - يقطع الباذنجان والبطاطس حلقات كبيره .
رز حسب العدد .

الطبخ بقدر كاتم وبالحجم الذي تختاره .

الطريقه :
تسوي الكشنه بالبصل والطماط والبهارات ومن ثم تضع الدجاج . وتقلب الدجاج لمده دقيقه حتى ياخذ طعم الكشنه . وبعدها تضع الخضار من الباذنجان والبطاطس و الكوسه فوق الدجاج وتغطي الدجاج بالكامل بالخضار . وترش الخضار بكاس مويه . بعدها تحط الرز فوق الخضار وتساويه . بيصير عندك ثلاث طبقات . دجاج - خضار - رز
مهم : ( الرز .. يطبخ بقليل من الماء لمدة عشرة دقايق وبعد ان تنشف مويته وتتكسر حبته تضعه فوق الخضار ) وتضع فوق الرز قطع صغيره من الزبده . وبعدها تغلق الكاتم .
اذا طلع صوت الكاتم اقصر على النار لمدة عشر دقايق وبعدين اقلب القدر في صحن وشوف المقلوبه .

امس طبخت بالبر وطلعت جنان . ولو عندي خبرة بتنزيل الصور كان نزلتها لكم .

راح انزل صور الطبخه اذا طلعت للبر مره ثانيه . واتمنى من اي شخص يسويها ان يصورها لنا وله مني الف تحية ..
وتقبلوا تحياتي بدون قبلاتي

[اخر العشاق]

اعتقد اني من شيبان هذا المنتدى والدليل تاريخ تسجيلي ، بس للاسف اشاهد اكثر من المشاركه ، فارجو السموحه منكم ومن المشرفين على هذا المنتدى الطيب

[نسناس ليل]

يعطيك العافية يا أخر العشاق على هالطبخة( شكلك الشيف المنتظر) بس خسارة ياليت دعمت الموضوع بكم صورة على شان اعطيك الدرجة 100%
.. الشباب هنا ما راح يقصرون معاك بيساعدونك أن شاء الله على تنزيل الصور.. ولك جزيل الشكر

[هملول البرد]

ماشالله تبارك الله .. باين عليها طبخة ماعنها منشود.
ماراح اصبر لين أطلع للبر بسويها اليوم على العشاء في البيت.

بارك الله فيك اخوي وهني وعافية انشالله.

[اخر العشاق]

مساكم عسل

الطبخه ما عليها كلام وهني على قلبك
وعلى فكره تعتبر صحيه لانها تطبخ على بخار وليس على ماء .
ننتظر منك رأيك بعد الطبخ