ماء الاديتر ينقص عندي باللاندكروزر2010 ثمانية سرندل gxr

[mnsor05]

السلام عليكم
شباب عندي مشكلة ألا وهي ماء الاديتر ينقص عندي امشي 100كلم ينقص بمقدار قارورة ماء صحة أم ريال وإذا زت المسافة زاد
السيارة لاندكروزر 8سرندل gxr 2010
مع العلم اني رحت كذا مكنيكي وكل واحد يقول يمكن ويمكن واديتر سليم ومع ذلك غيرت الطلبة مغ الغطا وكالة 350 وشغل يد الاديتر 300
ولا زالت المشكلة
افيدوني بارك الله فيكم

[cadillac911]

شيك على الزيت الخوف انه يكون يخلط انا معاي جمس أخذته مستعمل وما كان يهرب وكل أسبوع لازم أزيده واكتشف انه يخلط انت تأكد وان شاء الله ما يكون يخلط

نقطه ثانيه اذا شايل البلف ينقص


Liverpool for ever

[جيب ربع]

وشيك بعد على زيت القير

[ابوراكان تبوك]

طيب ماهو وقت ظهور المشكله هل بعد حراره مثلا وبعد مشوار فيه سافي او كذا ظهرت الحالها ؟؟؟
انتظر ردك

[عزيز8181]

يالغالي تأكد من الخراطيش
وليات المويه

[ابو اويس]

انا واجهت نفس المشكله مع سوبربان 2001 وغيرت الطرمبه ثلاث مرات واخيرا انحلت المشكله بعد معااناه لثلاث سنوات تقريبا
خذ السياره لورشة فحص الرديترات يفحصون الرديتر والقطعه البلاستيك الكبيره اللي فوق الرديتر وطلعت عندي خربانه وغيرتها وكذلك غير الكلبسات اللي عندي اللي الكبير اللي يوصل من الماطور للديتر وكذا تاكد من غطاء اللديتر و الليين اللي يروحوا للثلاجه اوما شابه اذا كانت تمام ومافيها تهريب ان شاء الله تكون انحلت مشكلتك ( مشكله اللي كانت عندي ان موية اللديتر تنقص كل كم يوم دون وجود اي علامة تهريب حتى اني في الاخير صرت اشتري ماء لديتر بااللكرتون وما يستمر معي شهر)

[mnsor05]

والله ياربع انا شاري السيارة من معرض وفحصتها فحصر شامل عند كارتر 800ريال وطلعولي الاشياء المعهوده زيوت وفلاتر وبواجي وسير ما طروالي الاديتر
ولا ادري هل هي سخنت مع راعيها الاول أو لا

[waka]

المشكلة هذي واجهتني في الكابرس , طلعت من شعري نخل!
وشوف هل فيه اثار حول ال(لي) الحار حق المكيف؟
وكمان تاكد من الخراطيش والعلبه حق المويه نفسها ممكن تكون منسمة
مجرد ما الماء يخرج يتبخر فما تحصل اثر.

لكن لابد تعرف مصدر التهريب قبل لا تقوم بأي شئ او تدفع.

[عبار درب]

مشها مشوار ابو نصف ساعة واذا وصلت الحرارة حدها المعتاد ارجع بيتكم و افتح الكبوت افحص الليات و الماصورة الي رايحة لكمبرسر المكيف و شيك من تحت شف فيه تبخيرمن اي نقطة
شيك على غطى الاديتر ممكن يبخر والبخار يروح للقربة و من القربة يهرب برا
شيك على زيت السيارة اذا فيه خلط يميل لون الزيت للبياض و تشوف نقاط ماء على فتحت الزيت
شيك على زيت القير و مثل زيت المكينه تغير لونهاذا يخلط