الكفرات الصينيه

[عرفان1]

السلام عليكم ورحمة الله
كل عام وانتم بخير احبابي اعضاء المنتدى
اشترينا والحمدلله سيارة فورد كراون فكتوريا 2011استخدام امريكي وعليها كفرات صيني شبه جديده نظيفه جدا من بلدها 000 لأهل الخبره هل اغيرها لأني ما عندي قناعه بالكفرات الصينيه واحتاج السياره للسفرومحتار لأنها شبه جديده 000 تنصحوني اغيرها والا لا ؟؟
افيدونا جزاكم الله خير

[200]

وعليكم السلام وانت بخير انا مركب كفرات صيبنيه وبعد نصيحه راعي المحل وكنت مطفر وغيرت وعقب شهرين دخل فيه مسمار وعلى طول حبل وغيرتهن كل الطقم هذا ماحصل معي حبل لأنه بنشر وماشي ولا أنتبهت له نصيحه انحش عن الصيني

[جني صغير]

اما معي مركب كفرات صينية

تتأثر بالحجر لانها لينه بالحيل

اما من ناحية السفر فهي حلوه

قطعت مسافه 3750 كيلو خلال خمس ايام وبالظهر ولله الحمد ما اشتكيت منها

اللي معي كفرات رانواي صيني

[داموك 1]

الله يبارك لك في الموتر ويعطيك خيره ويكفيك شره
اخوي دام الكفرات جدد استخدمهم وانت الحكم ماله داعي المخاسير
اي كفر ومهما كانت جودته وسمعته ما هو محمي من المسامير

[جيب ربع]

أنا ركبتها وكانت ممتازة لكن بعد خمس شهور بدأ يطلع لها صوت

[سيف وقلم]

طيب وشي شركة الكفرات.


ترى فيه ميشلان صناعته صيني.

[كلاش2500]

يالحبيب اذا الكفرات مركبة بامريكا على كلامك....تطمن..جميع البضائع الصينية اللى تدخل امريكا تكون بجودة عالية...مو مثل ربعنا ......توكل على الله وخلها راكبة والله يعطيك خيرها ويكفيك شرها....

[عرفان1]

اشكر كل من رد على الموضوع ومن خلال الردود قررت ان شاء الله تعالى اغيرها او على الاقل اثنين امامي 000 ايش رايكم في كفرات نيكسن انا مركبها على سياره ثانيه عندي وممتازه ما شاء الله او تنصحون بغيرها

[جني صغير]

نيكسن صناعيه صينية او لا

[سيف وقلم]

نيكسن صناعيه صينية او لا


صناعتها كورية، وقد يكون لها مصنع في الصين، وكيلها العمودي.

[عرفان1]

صناعه كوريه

[شبح الموت]

نيكسن جودتها ممتازة جدااا وعملية

بس خلال الفترة الماضية ارتفع سعرها بشكل كبير ومقارب للياباني بالسعر

[abo aryam]

اولا انتبه لمواصفات الكفر هل هي مناسبة من ناحية الحرارة والسرعة
ثانيا تاربخ الكفر مهم جدا , لا تكون قديمة اكثر من سنتين
وتوكل على الله ولا تسرع

[عبقري91]

دامها حقات بلدها. والموتر مديل١١
يعني حط في بالك هن قبل ١١ او بدايته
والحين حنا١٤ وبنصفه يعني راح لها اربع سنوات ونص. نقول مشاءالله عليها. وبيض الله وجها
غيرهن كلهن نصيحه.
انا مره. راح لهن ثلاث سنوات وكان عندي شغل ضروري والظهر. من الرياض لشرقيه. بروح اشتري سياره. المهم دزيت علا موتري وكنت خايف من الكفرات. قلت اذا رجعت. مالي خلق ادخل زحمت الرياض عشان كفرات والمحطات الي بالخط ما اثق فيها تاريخها قديم. المهم تومبت علا الله وبنص الخط تجاوزت علا عيون القطط والكفر قديم وحر حبل وقعد يرج وبعدها انفجر علي وتصلخ ولعب برفرف لعب وخسرت ان سمكرت الرفرف. والبطانه الداخليه لرفرف والاشاره الي برفرف والاماميه وطاح الصدام الي قدام ليتها علا كذا حذفت في يمين ونفود دبرها مغرز ومبنشر

وانا اخوك ماتسوا عليك لان الجديد لين حتى لو بنشر مايتقطع باذن الله.
والله يكتبلك الي فيه خيره. وتروح. وترجع بسلامه

[yhya -ksa]

الحمدلله انا اشتريت كفرات صينيه قبل ممكن 5 شهور الحمدلله سفريات وسرعه الحمدلله ممتاز

بس اهم شي ي غالي الكفر يكون صناعه السنه هذي او الي قبلها عشان الكفر كل م كان تاريخهه جديد يكون افضل

بارك الله فيك وشوف راي الاخرين والشباب يعطونك رايهم