الدنيا مطر عطونا ارائكم وافكاركم ... الرجاء الدخول وعدم التطنيش الفائدة للجميع

[الحسكولي]

السلام عيكم اخواني المكشاتيين وطيور البر ... ناوي ان شاء الله بكرا الفجر طلعه انا و بعض الشباب الى الجمعة العصرللخفس والتنهات وعروق الدهنا بس اننا ندور على حل لو ديمت طول الوقت كيف نجلس ونزين فطورنا وغدانا .... الرجاء اللي عنده خبره او افكار يعطينا منها الله لايحرمنا منكم عااااااااجل

[العشة]

الله يهنيكم ..

بس لاتطلع الا معك خيمة ماتخرش الميه ..

والله الله بالصور نبي تقرير على مستوى

وترجعون بالسلامه ..

[القرم]

افضل حل الخيمة طبعا... وافضل مكان النفود في هالايام الممطرة والله الحمد والمنة... الارض والشعبان كلها مطاين ووحل ولا تنقرب.

[عمار السفينه]

إذا كنتوا سيارتين أو أكثر

عندك الشراع الازرق حطه من فوق السيارتين وشده و(خلاص)

وإذا كان فيه هواء حط الرواق دار مادار عليكم

[الحسكولي]

العشه
القرم
مشكورين على مرورك الكريم بس ان الخيمة صعب تطقها وانت مانب جالسين الاساعتين بالكثير في المكان الواحد
خراب السفينة
حياك الله على المرور وفكرتك حلوه بس سيارتنا وحده

[جليس الساحة]

خراب السفينة وين ناوي تموّت الشباب في هالبرد القارص شراع ازرق بس :) الله يستر

شوف الخيمة ضروري عشان النومه بس، وبعدين خيمة عمود واحد يكفي يعني اصغر مقاس وما اظنه تثقّل ولا تنزلونها إلا في المكان اللي بتنامون فيه، لأن الدنيا برد فمن الصعب النوم في الخلاء، وبعدين لو ان سيارتكم كبيرة وانتم ثلاثة فقط فالنوم في السيارة جيّد.

والفطور والغداء المكان الزين جلسّوا فيه واضبطوه وبالعافية :) والله الله بالصور الزينة تكفون في انتظاركم السبت ان شاء الله.

[ابوسند شقراوي]

مايمنع تحط طربال وثبته بين السيارة والأرض ورواق يذريكم عن الهواء

[شبح الصحراء]

العشه
القرم
مشكورين على مرورك الكريم بس ان الخيمة صعب تطقها وانت مانب جالسين الاساعتين بالكثير في المكان الواحد
خراب السفينة
حياك الله على المرور وفكرتك حلوه بس سيارتنا وحده

ليش ساعتين الله يهديك كثرة المطامر بالسيارة تخرب طعم الرحلة انصحك تبقى بالمكان على الأقل يوم واحد وبعدين تغير .

[الرائد2006]

لابد من الخيمة لعشان إذا جاكم مطر يمديكم تسوون فطوركم وغداكم بالخيمة

والمهم الله الله بالتقرير الزييييين

اوكي

[سندهم]

اخوي ابو فروة تبي شوري


خذ خيمة {صغيرة تسمى =الحمارة }سهلة الطق + والفك وانت عجل تاخذ 6 نفر+ ام عمود بكل طرف ---------------وبوسط ماصورة خفيفة كل ماصورة 2 متر ==============بس انا مقسمها / متر + متر جميع عمدانهاء اسرع لتحميل

ويكون نوع مكون من طبقتين 2 ×4 باليل انصبة بالنفود

[المسطره]

طبعا الخيمة ضروريه لنوم في مثل هالاجواء
وخلك حول النفود لا تروح بعيد
هو امن مكان بعد ستر الله

لكن اذا قصدك على القعده لمده ساعه او ساعتين فيه طربال يركب على السياره للحالات المستعجله زي كذا :)
تقبل تحياتي

[كشته 111]

حيا الله الاخ ابو فروة , هذا الرابط كان كتبه الاخ الروضه ويصلح لكم ما دام ما معكم الا سيارة وحدة :



http://www.mekshat.com/vb/showthread.php?s=&threadid=22271 (http://www.mekshat.com/vb/showthread.php?s=&threadid=22271)


وسلامتكم والسلام عليكم ,,,

[الحسكولي]

جليس الساحة
ابوسند الشقراوي
شبح الصحراء
الرائد2006
سندهم
المسطره
كشتة 111
مشكورين على مروركم وارائكم واهتمامكم وابشرو بالصور الزينة بس هاه تراي عليمي ماعرف انزل الصور لكن ابحاول
اما بالنسبة للخيمة اكيد نبي ناخذ خيمة ان شاالله لاكن انا اقصد حل للوقت القصير واعتقد الرابط في ردك يا كشتة 111جيد لاكن مايمدي نسويه الان . شيخ الصحراء كلامك سليم ولكن الوقت قصير وودنا نشوف اماكن كثيرة .

[مصحصح صح]

الراي ان هذا الطفل الله يخليه لوالديه

يبتعد عن البر وبراده وتغاريزه

وش حليله لم امه بالبيت

تسلم

سامحونا...