يابوذيبان ياللي على الطيب قد تربا .الحل.اللسان.حله.النبهاني.كفو

[فهد33]

السلام عليكم ورحمة الله


اللغز موجه لأبو ذيبان اللي مازال لغزه معلق والمجال مفتوح للجميع كلن وبندقه ..



يابوذيبان ياللي على الطيب قد تربا *** لغزك ذبحنا كمله ببيتين قل إيه
وأبانشدك عن سيف /ن بجرابه مغبا *** أخطر من المدفع على راس راعيه
قامت جيوش/ن من اسبابه تعبأ *** ودارت معارك طاحنه من بلاويه


وسلامتكم

[نجم القوافي]

وعليكم السلام ورحمة الله وبركاته
وغالي ومسند على غالي
ويستاهل منهل الابداع
صح لسان اخوى فهد

الرمح
http://i1.ytimg.com/vi/djSk_s9gstQ/hqdefault.jpg
http://images.abunawaf.com/archive/2002/11/kleeb.jpg

[ناصر العلي]

وعليكم السلام ورحمة الله وبركاته

سلمت يافهد

وصح لسانك

وغالي ومسند على غالي

مايصير

السلاح النووي

أو

www.youtube.com/watch?v=3CJzXAO1uyY

[النبهاني]

وعليكم السلام والرحمه
صح لسانك اخوي ابو فهود على هالجزل
وصح لسان المنهل الامعط
محاوله
اللسان
لسان الرجل حصانه

[ابو ماجد 2]

صح لسانك اخوي فهد
لغز حلو الله يحلي ايامك وموجه لحلو
اول ماقراته اتى بالبال المفاعل النووي ولقيت ابو علي رامعها
لكن رمعة النبهاني رهيبه
ولعلها تتوافق مع قولك جراب . وعلى راس راعيه اكثر
والختم عندك يالغالي وننتظرك بشغف
اما زيادة لغز ابو ذيبان فرغم ان ليس لي فيه اية مرماع الا اني ارى انه مسستوفي وعيونه واضحه
ولكن ماهتدينا اليه
والزياده كلٍ وطريقته وابو ذيبان حسب مااعرفه لايحبذ الاضافه وهذا من حقه
القصد يالغالي
ان لم يضيف فلا تلومه
وان اضاف فهو من شان طلبك

[ابوذيبان]

ايه تم وابشر

ماهو بيتين , فقط ابشر بالزود .

لكن بشرط الجميع يطلع عليه ويعطني الرأي وعلى راسنا ابوماجد

ــــــــــــــــــــــــــ

صح قلبك ولاهنت يالغالي ولاعليك زود

وافر الشكر والتقدير

[ابو ماجد 2]

ايه تم وابشر

ماهو بيتين , فقط ابشر بالزود .

لكن بشرط الجميع يطلع عليه ويعطني الرأي وعلى راسنا ابوماجد

ــــــــــــــــــــــــــ

صح قلبك ولاهنت يالغالي ولاعليك زود

وافر الشكر والتقدير

رفع الله قدرك
بالنسبة لي حتى قبل الاضافة متطلبات اللغز واضحه
وحتى من قبل ماتشرحه نفس الكلام اللي قلته كان في ذهني
لكن كوننا لم نهتدي اليه لايعني عدم وروده
وبعدين يكفينا بوروده قناعه ماسطرته من الغاز واتحفتنا فيها
واخوي فهد يبدو انه من اعجابه باللغز يتمنى ان يرى حله ولعل في اضافتك معين له لينال ذلك

[يمكن شاعر]

صح لسااانك ياالغالي ويستاهل ابوذيبان
ورمعه اللسان لها دوي والعلم الاكيد عندك

[ابوذيبان]

الغالين ارجوا زيارة اللغز

والنظر اليه بعين الناقد..

وفقكم الله
.

[فهد33]

حياكم الله .........


الأخ / نجم القوافي ........ صح بدنك ومالك لوا
الأخ / ناصر العلي / صح بدنك هم مالك لوا
الأخ / الفاضل النبهاني تستاهل البيرق .... والكأس صح لسانك وكفو ..رمعة موفقه .
الأخ/ابوماجد / مثل ماذكرت رمعة أصابت .
الأخ / ابوذيبان / كفو ماقصرت بارك الله فيك .
الأخ / يمكن شاعر إلا أكيد شاعر :D فعلاً الرمعه موفقه


دمتم بود