####؟؟؟الطير ايش يعني لك ؟؟؟####

[عاشق السبق]

السلام عليكم ورحمة الله وبركاته كيفكم ايها الصقاره مع اقتراب النقله و صفة الطيور حبيت أطرح هذا الموضوع .....
هذا الموضوع كان يدور في بالي كثيرا وبأنني لاحظت كثيرا من الناس اللذين دخلو في هذه الهوايه الممتعه و التي من خلالها نكتسب الصبر والكثير من الخبرات والتعرف على رجال اوفياء و نشاما إلخ...

انا بالنسبه لي الطير يعنيلي ليس بالمقناص فقط بل حتى وقت القرنسه و في كل الوقت و انا من وجة نظري ان علاقة الصقار ب طيره اكبر من قنص و صيد ولاكن اللي انا أشوفه ان بعض الناس ياخذ الصقاره من واجهة مقناص فقط يعني اذا الطير ماصاد باعه حتى تلقاه ماقد خذاله طير وحش وصقره أنا اشوف ان هاذي الظاهره بدات تنتشر فمارايكم وهل انتم مويدين ان الصقار حتى لو مايقنص بالطير اهم شيئ علاقته مع الطير زينه او اهم شيئ القنص و الصيد وان ماصاد بعته واللا هملته
.............. شكرا لقراءتكم واعتذر ان كان فيه خطا

[محمد3171]

والله الصقر يعطيك اللي تبي ان بغيت صيد اومخوه

[روق الرياض]

وعليك السلام موضوع طيب الله يجزاك خير
الطير هو الونيس هو الخوي هو معشي خويه ولو نتكلام فيه مانوفيه حبه وغلاه
هاذي انا اخالفك عليها ونااخوك اني انقل طير مايذبح معي وش ابيبه ابيعه وانت كذلك منت قاني طير مايذبح الافي حاله وحده ان الطير لحقه الكبر وله ذكرا طيبه معي مافرط فيه ابد وشكرا لك علي الموضوع الجميل

[أبومحمد عنيزة]

الطير له في داخل القلب ميلاج ولاجله نغامر بالمساري ونجهم

[المضياني حائل]

موضوع جميل اخوي عاشق السبق
انا ايد اخوي روق الرياض على كلامه
لانه الطير مثل الخوي اذا له سنين معي
وراح فيه الكبر وعجسته الايام وانا اخبر ايامه
عزالله شوفته بالتكيه تسوى الطيور كله

[عاشق السبق]

اخواني. الصقاقير انا. اقصد ان بعض الناس يعتبرون الطير ك آله. او سلاح تستعمل للصيد كالبندقية اذا ما صاد باعه وإذا انتها. المقناص همل الطير و نساه لأكن أكيد ان القنص بالطير شيء جميل و ممتع و يبرد الخاطر انك تصقر لك طير وحش و تشوفه بعدين صايد و ربيب هذا مقصدي

[روق الرياض]

السلام عليكم
اخوي عاشق السبق واضح كلامك والله يعطيك العافيه كلامك سليم نعم فيه ناس انا اعرفهم اذا خلص المقناص عرض طيره للبيع وهو صايد يقول ابيعه وفتك من ربط الطير وذا جا الموسم اخذ طير وقنص ابه يعني الدعوه كلها قنص ولاهو تولع باطير
وهديكم هاذا الرابط شوف كيف حب راعي الطير وتمسكه فيه وشكرا
http://instagram.com/p/qhMcf5lytz/

[ابن نزهان]

الطير يعنيلي بختصار الصديق و رفيق الدرب سوا في صيد او لا

[ابوسلطان 66]

شف هل صوره الي في توقيعي وينشرح صدرك

[روق الرياض]

شف هل صوره الي في توقيعي وينشرح صدرك

صباح الخير يابو سلطان
توقيعك مخالف وشكرا

[ابوسلطان 66]

والله ماعرف ياخوك توني انتبه ولا لي خلفيه في رفع الصور

[ابوسلطان 66]

يقولي ان الصوره حجمها كبير واشوف ان في صور اكبر من الصوره الي انا حاطها

لاكن مالكم نصيب بهل جلسه المميزه مع الطيور والربيع

[راعي القراميش]

يقولي ان الصوره حجمها كبير واشوف ان في صور اكبر من الصوره الي انا حاطها

لاكن مالكم نصيب بهل جلسه المميزه مع الطيور والربيع

وين الصورة نبا نتطمش
عليك ببرنامج ال بكتشر منجر و صغر مقاس الصورة

[راعي القراميش]

هندسة و طب (لكل مقناص طيوره و لابد ما تحس بطيرك و بمرضه و تعالجه و تتجنب مسببات الامراض بعد التوكل على الله)

صبر و رحمة