باترول الديكلو لازم افره علي اخر شي والا يقطع

[المغترب9]

السلام عليكم عندي باترول 92 كلبيلتر والموتر يصرف والديلكو موزون علي اخر شي حاوت اوزنه وكل مارحت ورشه قالوا ماينوزن الا علي اخر شي ولو انقصه يقطع وفيه ورشه قال لي ان من عند جنزير المكينه وانا قد غيرت الجنزير بل سنتين عطوني الحل او دولني علي مختص

[الوقيدي]

فعلا الجنزير مرتخي او وزنيه التيمن متقدمه او متأخره سنه . الحل يبدأ من شد ووزن الجنزير وترس التيمن ثم تعود ميزانيه الديلكو لوضعه الصحيح . لابد من شخص متمرس يظبط العمل .

[المغترب9]

افيدوني بمختص في الرياض لاني تعبت من كثر الورش بدون فايده

[داموك 1]

الاخ المغترب 9
هل حاولت تفك الديلكو وتعيد تسقيطه من جديد
شف لك كهربائي ممتاز وليتاكد من الديلكو لايكون فيه مشكله
فيه طريقه لتسقيط الديلكو ذكرها احد الاخوان جزاه الله خير ما اذكر اسمه
اللي هي تفك البوجي الاول وتحط محله مفك يرتكز على البستم وتعشق السياره
وندفها الى ان يرتفع البستم ويدفع المقك للاعلى ثم تسقط الديلكو وترجع البوجي وتشغل السياره
وتوزن الديلكو

[كهرووب]

المشكلة عندك من الفاكيوم اللي هو البلف حق الديلكو إذا كان خربان الديلكو مايزبط الا على الاخر

[أحمد محمد1429]

احتمال المشكله عندك من عمود التيمن ماهو متوقت مع عمود الكرنك

[المغترب9]

دولني علي ورشه مختص في الرياض يضبط عمود التيمن ولكم جزيل الشكر

[الوسم]

ورشة التركي في الصناعية القديمة ما يستقبل إلا باترول
0504118191

[التميمي 3535]

ورشة التركي ممتازه وتحتاج موترك فحص الجنزير اكيد
تحياتي

[المغترب9]

مشكورين وماقصرتوا وبيض الله وجيهكم

[الوسم]

ولا تنسى يا المغترب
إرجع هنا وعلمنا وش يصير معك
علشان الناس تستفييييييييد من الموضوع