صوت في التاهو تكفون يابدوي جنوبي وياباقي المهندسين فزعتكم

[طويق222]

السلام عليكم ورحمه الله وبركاته
العشر عليكم مباركه ،،،،مقدما
أنا المشكلة عندي بعد ما اشغل السيارة كل شي تمام والصوت هادي وإذا مشيت بعد 5دقايق
وبعد مايحمى الموتر اسمع صوت تك تك تك خفيف ويجلس شوي ويروح يعني بعد ما اشغله في بدايه اليوم وباقي التشغيلات عادي
الموديل 2009 الزيت 5w30 وتم التغير لكثر من نوع ومحافظ جداً علي التغيير وفي الجميح
مؤشر ضغط الزيت تمام وشغال زين
،،،،ابي الحل وإلا ورشه بالرياض

[طحنون]

مانبي نعطيك احتمالات
لاكن لازم تشيك علی المكينه عند متخصص فاهم
لاكن توقعاتي انها تكايات المكينه او صوت مكره من مكرات السيور لان الصوت متقطع ماهو مستمر

[طويق222]

المشكلة رحت لأكثر من ورشه اللي يقول طرنبه واللي يقول طبيعي التانكي حق البنزين يفرغ في الثلاجه ولا لقيت صاحي أخذ منه العلم
،،،،ولا هنت علي سرعه الرد

[اابو مياس]

اعتقد الصوت طبيعي اذا مايطول لاكن للاطمئنان اغلب الناِس طريقه تشغيله خطا هل تفتح السويتش لكم ثانيه قبل ماتشغل وتعطي مجال تحضير زيت للماكينه وبنزين والا تشغيل على طول وهذا ماهو شرط يكون السبب بس عشان المكشاتيين يستفيدون
الطقطقه لها اسباب واجد نبتدي بالارخص والاسهل
الفلتر والزيت لازم وكاله وانا اشوف ان زيت موتركرفت 5/30 اللون احمر ممتاز جدا وينظف المحرك ويستحسن تعبي السيفون زيت قبل تركيبه
زيت غسيل المحرك فوكس الالماني اربع لتر علبته زرقا
المعروف ان ضغط المحرك في بدايه التشغيل وهو بارد يككون عالي مما يزيد ضغط الطرمبه في حاله النزول يجب تنضيف الثروثل والبرمجه
اخيرا صوفه طرمبه الزيت تسمح بنزول الزيت من اعلي المحرك للكرتير خصوصا وهي بارده لانها تتقلص بالبروده وتنكمش وتتمدد بالحراره اذكر الله على هالمعلومه الخطيره ههههههه وتاكد من الاصليه لونها احمر تلمع ناعمه الملمس مرنه التجاري فيه احمر بس كيف تعرفه حط زيت عليها وافركها شوي بيدك راح تتقشر البويه الحمرا وتصير زرقا واذا ماضبطت ودها لشيخ

[اابو مياس]

ماعليه اخوي كان جوابي على اساس الطقطقه في بدايه التشغيل وهي بارده ياشين الخفاره وانت صايم تفهم غلط ههههه عموما الفايده للجميع وانت في حاله ظهور الصوت فك السير ولف البكرات تلاقي الصوت وحاول تضغط علي جميع اسلاك البواجي وتاكد طابقات صح
ومعلومه قد تحتاجها. البوجي اذا ماهو راكب كويس يطلع صوت تك تك

[طويق222]

الله يجزاك خير وبشوف واتاكد

[الحربي 591]

مرت علي ونفس سيارتك

صوت تكتكه مع التشغيل تجلس ثواني وتروح
وخليتها لين ما انكسرت علي ونتج عنها تفتفه شديده
وعزم مافيه وكسرت لي كراسي المكينه بسبب الهزه
وتم تغيرها ورجعت صاافيه
انصحك تكشف عليها لانه 90 بالميه منها

طبعا انا جلست شهور قاعد ادور وافحص وكلهم خراطين الا واحد حسيت اني ارتحت لشغله وسلمته السياره وغيرت الطقم 2700 مع التركيب 1500

[الحربي 591]

نسيت اعلمك سبب انكسارها

هو الزيت والسيفون لازم تركب حق السياره نفسها
والسيفون اصلي

الزيت ما يطلع على التكايات.. فينتج صوت تكتكتكتكه ومع الوقت راح ينكسر

وانا انصحك تغير وجه كرتير الزيت وتنظفه
قبل ما تبتلش فيها..

[طويق222]

أشكرك اخي وانا مشكلتي بعد ما امشي تقريبا ١٠ كلم وليس اثناء التشغيل
ملاحظه:عند التشغيل لا يوجد اي صوت وايضاً إمبير الزيت علي النصف وطبيعي

[قمة افرست]

سيارتك طبيعيه جدا وهذا عييب ازلي بسياات جي ام
اذا سخنت السيارة يتراجع اداء طرمبة الزيت
من كمبيوتر السيارة نفسه
ولو تلاحظ اول ماتشغل السيارة بتلقى امبير ضغط الزيت النص او حوله واذا سخنت نزل للربع
استخدم زيت كاسترول 10.30
السبب قد يكون كبر حجم المكينة وقل الزيت اونوعية الزيت ولاكن بكل الحالات الامر طبيعي دام اذا دست بنزين اختفى الصوت
او مافيه صوت ببداية التشغيل
لو تطلع السيارة زيرو وتسخن تعال جنب كفر السائق بتسمع الصوت
وانا هنا اتكلم عن صوت خفيف غير ملاحظ الا بعد ماتدقق
وسلامتك

[الحربي 591]

سيارتك طبيعيه جدا وهذا عييب ازلي بسياات جي ام
اذا سخنت السيارة يتراجع اداء طرمبة الزيت
من كمبيوتر السيارة نفسه
ولو تلاحظ اول ماتشغل السيارة بتلقى امبير ضغط الزيت النص او حوله واذا سخنت نزل للربع
استخدم زيت كاسترول 10.30
السبب قد يكون كبر حجم المكينة وقل الزيت اونوعية الزيت ولاكن بكل الحالات الامر طبيعي دام اذا دست بنزين اختفى الصوت
او مافيه صوت ببداية التشغيل
لو تطلع السيارة زيرو وتسخن تعال جنب كفر السائق بتسمع الصوت
وانا هنا اتكلم عن صوت خفيف غير ملاحظ الا بعد ماتدقق
وسلامتك



اخوي الله يعافيك هذا ماهو عيب هذي مشكله عنده
ومرت علي وسويتها لكن انا مع التشغيل

[قمة افرست]

اخوي الله يعافيك هذا ماهو عيب هذي مشكله عنده
ومرت علي وسويتها لكن انا مع التشغيل

اخي الفاضل ان وضحت السبب
الي مع التشغيل
بسبب ضعف الطرمبة اوخلل بمجاري الزيت وغالبا الصوفه الداخليه ترشح
وسؤال الاخ يقولك بعد مايسخن الزيت

وهذا طبيعي بالجموس
لم نجد له حل وحسب مافهمت ان الصوت تكته خفيفه وهذا ماشرحت عليه

[m00]

المشكله هاذي حصلت لاحد الزملاء والعلم عند الله



اذا سيارتك دبل فالمشكله منه عند التشغيل وتروح من حالها بعد دقايق



لاكن اذا سيارتك بدون دبل الله اعلم والمجال لاهل الخبره وفقك الله

[طويق222]

أشكرك الجميع
وأشكر الأخ قمة أفرست شكر خاص ويعلم الله انك انشأ الله علي اجر
والسياره دبل

[D7oosh]

عندي نفس الحالة من يوم اخذت الموتر من ثلاث سنوات ولا ضرته بشي والحمد لله يوكن 2008 دبل

[طويق222]

الصوت قوي بس بعد ما يمشي المؤتر وتوصل الحراره النص فوق البواجي
نبي العلم الوكاد
احياننا يقعد ١٠دقايق ويرتفع الصوت مع البنزين وإذا فيه حساسات يمكن منها او يكون السيور كيف افحصها وفي اي ورشه بالرياض

[التميمي 3535]

تبي النصيحه اخوي الاصوات حسب خبرتي انواع
1- صوت مع بداية التشغيل وينقطع ( طبيعي لحد ما بعضها يحتاج لغيار طرمبة زيت)
2- صوت مستمر من بداية التشغيل ( تحتاج لفحص والتاكد باسراع وقت)
3- صوت خفيف والسيارة مهديه خاصه الظهر في الحارة (نوعية البنزين ودرجة الحارة تحتاج تنظيف بخاخات)
تحياتي

[طويق222]

شكرًا اخي العزيز
الصوت يطلع بعد ١٠ دقائق من التشغيل وبعد المشي شوي ويستمر ٥ دقائق الصوت مزعج وليس طبيعي
انا استخدم السيارة من ٤سنوات والصوت جديد

[abo yusef]

اول شي افحص ضغط الزيت بساعة الزيت من مكان الحساس للزيت الوكاله يسوونه
طلع تمام والزيت ضغطه في المقاييس ولا زال عندك الصوت تاكد ي ماقالوا الاخوان تلى الربله للطرمبه
وشيك على السبايك من تحت احيانا السبايك ماتحكم الضغط حتى لوغيرت طرمبه او ربله يبقى نفس الصوت

[طويق222]

جزاك الله خيرا

[طويق222]

بانتظار الاخوان والردود

[اابو مياس]

اخوي فك اسلاك البواجي واحد واحد وركبهن كويس طبعا يركبن بالكويل من فوق ومن تحت بالبوجي قبل تركبه بالبوجي حاول تلف البوجي بيدك يمكن واحد منهن مرتخي او الاسلاك ماهي راكبه براس البوجي مضبوط اذا ماطق معك السلك معناته ماهو راكب كويس

[طويق222]

تم تغيير طقم بواجي والتأكد من الأسلاك. أمس ومازال الصوت

[روق الشرقيه]

السلام عليكم ورحمه الله وبركاته
العشر عليكم مباركه ،،،،مقدما
أنا المشكلة عندي بعد ما اشغل السيارة كل شي تمام والصوت هادي وإذا مشيت بعد 5دقايق
وبعد مايحمى الموتر اسمع صوت تك تك تك خفيف ويجلس شوي ويروح يعني بعد ما اشغله في بدايه اليوم وباقي التشغيلات عادي
الموديل 2009 الزيت 5w30 وتم التغير لكثر من نوع ومحافظ جداً علي التغيير وفي الجميح
مؤشر ضغط الزيت تمام وشغال زين
،،،،ابي الحل وإلا ورشه بالرياض

اخي طويق
المشكله اللى عندك الله اعلم انها من التكايات فيها ظعف وبعد ماتحمى السياره تطلع صوت
واكثر ماتسمعه اذا تمشي بشويش وجنبك جدار اوصبات تعكس عليك الصوت :
واحيانا يظيع الصوت بالمره؟؟
وتقبل تحيات اخوك
ابونايف

[طويق222]

اخي طويق
المشكله اللى عندك الله اعلم انها من التكايات فيها ظعف وبعد ماتحمى السياره تطلع صوت
واكثر ماتسمعه اذا تمشي بشويش وجنبك جدار اوصبات تعكس عليك الصوت :
واحيانا يظيع الصوت بالمره؟؟
وتقبل تحيات اخوك
ابونايف


اخوي بس ممكن الحل وهل منها مشكله