مساعدة بخصوص قير هايلكس 4x4

[سايق الريم]

السلام عليكم ورحمة الله وبركاته ..
عندي تويوتا هايلكس غمارتين 4×4 2010 بنزين قير عادي

فيه مشكلة بتعشيق القير اذا وقفت وقوف تام القير يصلب مايقبل أي نمرة ؟ سوا السياره حاره أو بارده لكن إذا مشيت يسير القير مافي ازين منه سلس بكل النمر
المشكلة اذا وقفت وقوف تام .. ويوهقني اذا جيت البق في المواقف
الحلول المؤقتة اللي اكتشفها بصدفه واسويها
1/ادعس الكلتش واطول عليه فوق 10 ثواني ويعشق على طول ولا ازين منه بسلاسه
2/والحل الثاني احط الدبل في حرف N بالفاضي واعشق القير وبعده ارجع الدبل لوضعه الطبيعي
3/وفي حل ثالث اطفي المكينة واعشق القير بعده اشغلها ويمشي..

الإصلاحات اللي سويتها ولا نفعت ..
1/تغيير علبة الكلتش اللي فوق
2/تنسيم الهواء بالعلبة اللي فوق واللي تحت . مع إضافة زيت أصلي 21 امريكي
3/وزنية دعسة الكلتش .
4/تغيير زيت القير بزيت أصلي من الوكالة


ملاحظة : أحس الكلتش ثقيل نوعاً ما

[سايق الريم]

هل من حل يا اخوان ..!!

[الوسم]

شيكت على علبة الكلتش اللي تحت .... أييييه اللي تحت !!!
فيه علبة كلتش تحت صغيرة ؟؟
والملقاط أيه الملقاط اللي قدام العلبه اللي تحت ؟؟
شيك وتعال علمنا

[سايق الريم]

شيكت على علبة الكلتش اللي تحت .... أييييه اللي تحت !!!
فيه علبة كلتش تحت صغيرة ؟؟
والملقاط أيه الملقاط اللي قدام العلبه اللي تحت ؟؟
شيك وتعال علمنا

شيكت على اللي قلته بعضهم قالوا سليمه مافيها شي
وبعضهم قالوا ماندري ..

الورش يقولون المشكلة من الكلتش وغير صحن ودسك وفحمه
وانا اشوف عزمه طبيعي ولا فيه دلاله لتفويت الكلتش ..فهل ممكن يكون الكلتش !!

[اليامي قطر]

احتماااااال كبيررررر من الكلتش

اسمع يالغالي يشهد الله سبحانه كان عندي شاص 2002

مخليه فالبر عند الحلال وطلع الشيب في راسي مشكله القير

مايعشق ولايقبل وهو واقف الا بعد معاناه الامرين المهم يوم الله راد

ان المشكله تتوضح رجعت الموتر للديره ورحت لمغسله السيارات واغسله

جيك كامله واضربه من تحت غسيل ونشفووه وطلعت من المحطه لكن السياره غير طبيعيه

تقول رافع الكفرات اللي ورا فالهواء بس ضغط مكينه دون مشي

الزبده طلع كلتش وغيرته والحمدلله رجع وكاله والتعشيق سلس حار او بارد الامور تمام


المعذره على الاطاله وغير الكلتش

[سايق الريم]

احتماااااال كبيررررر من الكلتش

اسمع يالغالي يشهد الله سبحانه كان عندي شاص 2002

مخليه فالبر عند الحلال وطلع الشيب في راسي مشكله القير

مايعشق ولايقبل وهو واقف الا بعد معاناه الامرين المهم يوم الله راد

ان المشكله تتوضح رجعت الموتر للديره ورحت لمغسله السيارات واغسله

جيك كامله واضربه من تحت غسيل ونشفووه وطلعت من المحطه لكن السياره غير طبيعيه

تقول رافع الكفرات اللي ورا فالهواء بس ضغط مكينه دون مشي

الزبده طلع كلتش وغيرته والحمدلله رجع وكاله والتعشيق سلس حار او بارد الامور تمام


المعذره على الاطاله وغير الكلتش

المشكلة الكلتش فحصته بجميع الطرق حتى بالبر عزمه جدا مثل ماشريته من الوكالة
مايحن أو يفلت اذا احتر أبد ممتاز

عاد الميزانية ماتسمح هل ايام اغير الكلتش :D

راح اغير الكلتش بعد العيد واشوف هل بيضبط أو لا

شكرا لك ..

[الوسم]

تعااااال وقف وقف !!
أنت تقول إنه أحيانا زين وأحيانا ماهو زين والدعسه ثقيله ؟؟ صح ؟؟
طيب هالكلام يأكد إن الكلتش سليم من صحن وودسك وفحمة
لكن بعض الأحيان ما هو كويس وهذا هو اللي يأكد إن المشكله من البساتم حقته وهي
1 الباكم اللي فوق
2 العلبه اللي في الباكم
3 البستم اللي تحت وترى له إصلاح
الحل :
إرجع للي غير الباكم وقله هات فلوسي وخذ الباكم حقك وإلا .. زين السيارة ..
هنا يبي يبلش ويقول خلاص ابا ازينها ولكن إذا قال جب شيء غير الإصلاح للعلب سواء اللي فوق أو اللي تحت
قل لا ومعصي وإلا جب انت وإدفع أنت وإذا زانت السيارة أشوف أنا واتأكد منها وبعدين أحاسبك
وإرجع هنا وعلمنا وش يصير معك ؟؟
تراني ابا اتابع موضوعك

[سايق الريم]

تعااااال وقف وقف !!
أنت تقول إنه أحيانا زين وأحيانا ماهو زين والدعسه ثقيله ؟؟ صح ؟؟
طيب هالكلام يأكد إن الكلتش سليم من صحن وودسك وفحمة
لكن بعض الأحيان ما هو كويس وهذا هو اللي يأكد إن المشكله من البساتم حقته وهي
1 الباكم اللي فوق
2 العلبه اللي في الباكم
3 البستم اللي تحت وترى له إصلاح
الحل :
إرجع للي غير الباكم وقله هات فلوسي وخذ الباكم حقك وإلا .. زين السيارة ..
هنا يبي يبلش ويقول خلاص ابا ازينها ولكن إذا قال جب شيء غير الإصلاح للعلب سواء اللي فوق أو اللي تحت
قل لا ومعصي وإلا جب انت وإدفع أنت وإذا زانت السيارة أشوف أنا واتأكد منها وبعدين أحاسبك
وإرجع هنا وعلمنا وش يصير معك ؟؟
تراني ابا اتابع موضوعك


لا انا مشكلتي بضبط عند الوقوف التام القير مايعشق كأني ماني داعس الكلتش
( وحلها ادعس الكلتش واطول عليه 10 ثواني بعدين يعشق طبيعي
او اعشق قير الدبل في N الفاضي ويعشق
أو اطفي السيارة عقبه اعشق القير واشغلها مره ثانية )

انت تقصد الباكم هي العلبة الدائرية السوداء اللي فيها علبة الفرامل ..! إذا نعم كيف أعرف انها فعلا خربانه
بنسبة لعلبة الفرامل مغيرها قبل فترة أصلي وكالة
البستم هل تقصد علبة الكلتش اللي تحت عند القير

شكرا لك ..

[الوسم]

http://www.mekshat.com/pix/upload06/images/2014/07/mk15940_s 1.jpg

هذي صورة الباكم

[الوسم]

وهذي صورة العلبة
http://www.mekshat.com/pix/upload06/images/2014/07/mk15940_p 1.jpg

[الوسم]

http://www.mekshat.com/pix/upload06/images/2014/07/mk15940_domain-0f9f7212ce.jpg
وهذي العلبة اللي تحت

[الوسم]

يالله عرفت احط لك صور
والله لا يلوم اللي ما يحطونها

[سايق الريم]

الوسم الله يجزاك خير ما قصرت وعسى الله يسهلك ويحققلك ماتتمناه
تم حل المشكلة ولله الحمد بعد ماشكيت بالكلتش خصوصاً كلام العضو اليامي قطر شجعني أني اغيره مع العلم سيارتي ماتخطت 70 الف كيلو وسواقتي راكده بالحيل
والبر اطلعه مرتين بسنة واحيانا ما اطلع وماعمري حملت على صندوقه شي من يوم شريته ..لكن جودة الصناعة تغيرت مو مثل أول والله المستعان ..
المشكلة طلعت من صحن ودزق وفحمة
سعرهم 750 ريال أصلي وكالة
وشغل يد 300
والحمد لله رجع القير مثل اول
الله يعطيكم العافيه اليامي قطر و الوسم
فمان الله ..