يا هل الخبره بكفرات البالون؟؟

[رياح الشرق1]

كيف حالكم يا الربع ان شاء الله بخير انتم عارفين ان البالون انه شر لا بد منه عل قولت اخونا ابو سند والله لا يجيب الشر ان شاء الله لكن البالون بحكم ثقله عل الموتر المهم يارجال ابي اسئل عن ماكسس825 وش يفرق عن 900 من ناحية الخفه لان ال900 ثقيل ويسبب مشاكل واجد للسياره فماادري هل ال825اخف :ارsعل الموتر او اذا في نوع بالون خفيف لا يضر الموتر ياليت تذكرونه ارجو الرد الله يجزاكم خير

[التعـ King ـديل]

ال 900 ارفع من 825

من ناحيه الثقل البالون بشكل عام خفيف وال 900 للجيوب وال 825 للهايلكس الدفرنسين والباثفيندر والفورتشنر والسيارات اللي بحجمهم

[الشيخ الظريف]

لالا ماهوب خفيف ٩٠٠ يا مشرفنا بل ثقيل ٠٠انا استخدم البالون للضروره عند رحلة معينه٠٠ثم اغير بعد الرحله بسبب الثقل ويظهر الثقل عندما تلاحظ زيادة صرف البنزين ووضع السياره٠٠لك ان تتقبل وجهة النظر او ترفضها يا مشرفنا العزيز علما انني اتحدث عن(ابوجمل بريسا)

[مجالس الرجال]

اجل خفيف
ابعطيك تجربة تثبت ان البالون يلعب بعزم الموتر
كان معي اف جي ٢٠٠٨ مركب بالون ٩٠٠
واخوي معه اف جي كفرات شد بلد
بدينا من الصفر وطلع علي وتعدان بفارق تقريبا ٢٠ متر
الزبدة انه يرفع رجله يهدي واذا وصلت له حط رجله وراح عن بعيد

[التعـ King ـديل]

وجهه نظر احترمها

انا معي باترول قير عادي الشكل الجديد 8 سلندر اول ماشريته كان عليه كفرات الوكاله الموتر عادي ولكن بعد تركيب كفرات البالون على جنط الوكاله والهواء 45 حسيت بفرق حتى بالصرفيه اقل

انا من عشاق البالون من 2002 وحتى الان يعني حوالي 12 سنه كل سياراتي بالون مااعرف الكفر العادي ابدا

[رياح الشرق1]

يعطيكم العافيه والبالون لولا رفعه للموتر وحسناته في الوعر ولا ما افكر اني اركبه لانه يكسر الموتر تكسير من ثقله بس يا خوان الي تعود عليه مستحيل انه يتركه لكن حنى ندور الزين والخفيف منه والاقل اضرار على الموتر وخاصتا جيوب التيوتا لانها عكوس مهي دفرنس

[إبريلي]

البالون ٩٠٠ ركبته ٣ شهور وبعته لانه ثقيل وبعدها ٨٢٥ أخف شوي ولان ركبت بالون دنلوب مقاس ٢٥٥ / ٩٠ اخف بالون موجود بالسوق موجود ببريده سعره ٤٩٠ للحبه الوحده وبالتوفيق .

[رياح الشرق1]

البالون 900 ركبته 3 شهور وبعته لانه ثقيل وبعدها 825 أخف شوي ولان ركبت بالون دنلوب مقاس 255 / 90 اخف بالون موجود بالسوق موجود ببريده سعره 490 للحبه الوحده وبالتوفيق .

يعطيك العافيه سيارتك وشي ومقاس 255 هو صغير ولا زين مقاسه

[إبريلي]

لا زين مقاسه أكبر من ٨٢٥ وأصغر بشوي من ٩٠٠ يعني وسط والعرض قريب جدا من ٩٠٠ وموتري اف جي بس تر يمسح بسرعه انا أخذته لخفته .

[إبريلي]

يعني بالكثير اذا كنت راعي خط ٤ شهور

[hamad4499]

والله انه يجيب المرض البالون لاكن ليا نقصت بالهوي وقنصت عزالله انه يحفل بطن الموتر تحفيل وتطب محلات ماتقدر تطبها بالكفرات العاديه ولولا ثقله بالسفلت وملاعبه بالطريق مانخليه ينزل من ظهر السياره حتى انه يمسح بدري لاكن مهو مشكله

[الهاجري 4800]

انا كان معي فتك وكنت مركب عليه بالون 900 ماكسس بصراحة البالون كفو في البر وفي المدينة واذا تبي تحافظ على نقشة البالون خل الهواء 40 أو 45 ترى البالون اذا خليت الهواء 40 الى 45 مطبه ما يكون قوي بالعكس مريح ويحافظ على النقشة لكن فيه عيب واحد لعب في البيرنقات الامامية عندي وكل فتره اغير صوفة العكس واغير البيرنق

[رياح الشرق1]

السفاري والفتك واي سياره فيها دفرنس امامي اعرف ان اضرار البالون عل الموتر ماتجي 10%من السيارات الي تجي عكوس ومقصات مثل اللاند من 98وانت طالع

[مايطيق الصبرا]

يعطيك العافيه ياصاحب الموضوع
وانا افكر اني اركب كفرات بالون لموتري الفتك
ولاادري وش الافضل ٩٠٠ او ٨٢٥ !!

لكن الاخوان حيرونا كل له تجاربه والنتايج تختلف ومتناقضه

[رياح الشرق1]

ركب 825 اكيد اخف وركب الي تبيه مادام سيارتك فتك ما في أضرار عل الدفرنس المشكله بسيارات الي تجي عكوس ومقصات مثل اللاند

[مايطيق الصبرا]

قيمة البالون ٨٢٥ بـ ٤٤٠ ريال

تتوقعون ترتفع قيمة اذا وصل الشتاء ؟؟::

[ذيب الرعن]

انا كان على موتري بالون ٩٠٠ علماً موتري سفاري ٩٤ بخاخ عليه هدرز وفلتر رياضي ومكينه ٤٢٠٠

مايوصل ال ١٥٠ ثقيل بدلته الى هانكوك ٩٠٠ سعره ممكن الواحد ٦٥٠ او ٥٥٠ ماذكر بالظبط ونفس شكل البالون


صار يجيب ال ١٩٠ براحه ماشاء الله

[الصقرالعربي]

انتبه سمعت انه يخرب دودة الدركسيون

[رياح الشرق1]

انا كان على موتري بالون 900 علماً موتري سفاري 94 بخاخ عليه هدرز وفلتر رياضي ومكينه 4200

مايوصل ال 150 ثقيل بدلته الى هانكوك 900 سعره ممكن الواحد 650 او 550 ماذكر بالظبط ونفس شكل البالون


صار يجيب ال 190 براحه ماشاء الله

وشو هانكوك بالون ولا كفر عادي وهل رفعته مثل البالون

[التعـ King ـديل]

انا كان على موتري بالون ٩٠٠ علماً موتري سفاري ٩٤ بخاخ عليه هدرز وفلتر رياضي ومكينه ٤٢٠٠

مايوصل ال ١٥٠ ثقيل بدلته الى هانكوك ٩٠٠ سعره ممكن الواحد ٦٥٠ او ٥٥٠ ماذكر بالظبط ونفس شكل البالون


صار يجيب ال ١٩٠ براحه ماشاء الله


انا كان عندي 97 كربريتر وعليه بالون 900 ويجيب 190 بالراحه

مركب عليه هلل وبالون وفرار

[ذيب الرعن]

بالنسبه للي يسئل عن الكفرات هذي صوره لهم

http://store1.up-00.com/2014-07/140601119081.jpg

[ذيب الرعن]

ماشاء الله يالكنق شيء طيب

[ذيب الرعن]

الهانكوك نفس رفعه البالون بالظبط مقارب للحجري من قريب والشكل العادي

من بعيد تشوفه ابد بالون !!!

[رياح الشرق1]

الهانكوك نفس رفعه البالون بالظبط مقارب للحجري من قريب والشكل العادي

من بعيد تشوفه ابد بالون !!!

هذا لغز يا ذيب طيب انا اشوفه كفر عادي ما ادري والله ياليت تذكرلنا وش ميزاته هو يجي سلك يعني هو بالون ولا عادي

[اهم-1]

اخوي ذيب الرعن الكفر هذا عيبه يكرش
يعني تجي له زوايد عن الدعسه وهذا عيبه انه بساع ينشق

هل قمت بتجريبه بالحجره ؟؟
مطاريد

هل هو (( لين )) على الموتر زي البالون ؟؟

شكرا لك
مع تحياتي
مكشاتي قديم

[خالد030]

بالنسبه للهانكوك انا مجربه ثقيل ومطبه قاسي وسعره مرتفع

[ذيب الرعن]

هلا بالجميع بالخط ماشاء الله عليه حلو لاكن داخل البلد انتم عارفين المطبات الي عندنا كيف اشوفه قاسي

بالبر ماجربته ومطاريد ابد ماجربته ركبته بعد الموسم


او احتمال قساوته من هواء الهيدروجين مركبينه لي مع خدمه مجانيه هواء والامور العاديه