وش رايكم بفشق شوزن نوع ( أولومبي ) وشهو من لحية،

[راكان 11]

السلام عليكم
يالربع شريت لي صندوق فشق شوزن
نوع أولومبي لونه أخضر نوع GEM
36/6
وش رايكم فيه
ووش صناعته

[تساهيل1]

لحيتن غانمه

[نديم الخيال]

طيب بالحيل يالغالي

[التميمي 3535]

اهل البنلي ياخذونه
الغازيه خل اخر شي
رصاص كويس بس ........ يوصخ........
تحياتي

[MrSILVER]

لحيتن قانمه

[أبوصالح9]

اذا تبي الشور - لاتنشد احد خذ دسته وجربه على بندقك انت - ولاتجربه على هدف ثابت فقط او متحرك فقط جربه وش فعله بكلا الحالتين ثابت ومتحرك - بتقول ليش ؟؟؟؟؟؟

لان اللي يذمه او يمدحه شاف فعل الفشق على بندقه هو عشان كذا عطاك رايه - والبواريد تختلف والمواصير تختلف وطريقة الرمي بعد تختلف - ومهما عرض عليك من فشق لاتنشد احد عنه كل اللي عليك انك تاخذ دسته وتجربه انت بنفسك وبعدها اشتر ان بغيت عشرين صندوق من النوع اللي يجوز لك وجربته انت بنفسك على بندقك

كلامي هذا مهب من فراغ كلامي يشهد عليه لوح البلاكاش اللي نخلته نخل من كثر التجارب باكثر من 9 انواع من الفشق ولاحظت ان الحلبي يختلف مخباطه مع ان البندق وحده - واذا كلامي ما اقنعك تعال اوريك الصحايف اللي رامين عليهن الى هالحين عندي

بعدين عندي سؤال عجزت القى له اجابة / انت متاكد ان الفشق لونه اخضر - اللي اخبر انه هالنوع يجي اسود 36/6 مهب اخضر الا ان كان عيونك خضر وتشوفه اخضر مدري - امزح احتمال انه نوع جديد على السوق

موفق خير

[نديم الخيال]

ابو صالح
الي نتكلم عنه مقاس 32. 7.5 يجي لونه اخضر وهو اطيب انواع الالومبي كلها

[راكان 11]

أشكر كل من علق على الموضوع
والأخ أبوصالح متأكد أنا من لونه ( أخضر ) مقاس 6 ضغط 36

[مخاوي البر9]

اذا تبي الشور - لاتنشد احد خذ دسته وجربه على بندقك انت - ولاتجربه على هدف ثابت فقط او متحرك فقط جربه وش فعله بكلا الحالتين ثابت ومتحرك - بتقول ليش ؟؟؟؟؟؟

لان اللي يذمه او يمدحه شاف فعل الفشق على بندقه هو عشان كذا عطاك رايه - والبواريد تختلف والمواصير تختلف وطريقة الرمي بعد تختلف - ومهما عرض عليك من فشق لاتنشد احد عنه كل اللي عليك انك تاخذ دسته وتجربه انت بنفسك وبعدها اشتر ان بغيت عشرين صندوق من النوع اللي يجوز لك وجربته انت بنفسك على بندقك

كلامي هذا مهب من فراغ كلامي يشهد عليه لوح البلاكاش اللي نخلته نخل من كثر التجارب باكثر من 9 انواع من الفشق ولاحظت ان الحلبي يختلف مخباطه مع ان البندق وحده - واذا كلامي ما اقنعك تعال اوريك الصحايف اللي رامين عليهن الى هالحين عندي

بعدين عندي سؤال عجزت القى له اجابة / انت متاكد ان الفشق لونه اخضر - اللي اخبر انه هالنوع يجي اسود 36/6 مهب اخضر الا ان كان عيونك خضر وتشوفه اخضر مدري - امزح احتمال انه نوع جديد على السوق

موفق خير


كلام سليم :good:

[أبوعمارH]

السلام عليكم كيف حالكم جميع
افضل فشق للبندق الغازيه وشهو
وبالخص الروسيه 30انش
شاكرومقدر لكم

[أبوعمارH]

وكم سعرالفشق بالجرده الي عنده علم

[بو حجل]

اخو الفكتوري (ابوحجلة) بس غير الغلاف من ابيض للاسود يوسخ البندق ويختلف رمية من فشقة لفشقة

اتكلم عن تجربتي ببندقيتين (ام حبة / ام خمـس):mad: خسارت الدراهم فية

[أبوعمارH]

والافضل منوااقع تجربتك

[نديم الخيال]

أشكر كل من علق على الموضوع
والأخ أبوصالح متأكد أنا من لونه ( أخضر ) مقاس 6 ضغط 36


لا يالغالي
تأكد من معلوماتك
6*36 لونه اسود واحمر فقط

[حامي الحمى-]

انا ما جربته للأمانة بس فيه رجال جربة على ام سيلان ام روحين وانفجرت عليه الماصورة لاحظ انها ام سيلان يعني حديدها كفو ولا افتيك عن ام خمس الانواع الجديدة يمكن انه زين عليها
تحياتي لك

[أبوصالح9]

السلام عليكم كيف حالكم جميع
افضل فشق للبندق الغازيه وشهو
وبالخص الروسيه 30انش
شاكرومقدر لكم

يابو عمار بندقك زي بندقي بس مثل مارديت على الاخ راكان حتى لو فرضنا بنادقنا وحده يمكن طريقة الرمي عندي تختلف عن طريقة الرمي عندك ويمكن التشوك او الوصلة اللي عندك تختلف عن اللي عندي لكن بعطيك اللي جربته وجاز لي

1- الارسي بانواعه

2- الاولمبيا الاخضر 32/7.5

3- الايلي الانجليزي 36/ 6

4 - الكلاسيك 32/ 7.5

5- الريمنغتون الاخضر 36/ 6

6- الكاكا الاصلي الازرق 36/ 6 بس يوصخ البندق

7- الشيدت الازرق الشفاف 36/6

8- التوردو البرتقالي 32/ 7.5

9- الفوشي 36/ 6 للواقع فقط اما الطيار ماينفع ابد

كل هالانواع زينه على الروسية الطول 30 وتشوك 680

لكن ارجع واقول جرب الرمي بنفسك

[أبوصالح9]

أشكر كل من علق على الموضوع
والأخ أبوصالح متأكد أنا من لونه ( أخضر ) مقاس 6 ضغط 36

ياليت تصور لنا الكرتون والفشقة ياراكان عشان نستفيد - مافيه مثل هالنوع اخضر - وازيدك من الشعر بيت حتى موقع الشركة مافيه هالمقاس بنفس اللون اللي انت تقوله

[أبوصالح9]

ابو صالح
الي نتكلم عنه مقاس 32. 7.5 يجي لونه اخضر وهو اطيب انواع الالومبي كلها

مايخفى علي يانديم الخيال - وهذا من المفضلات عندي بس الرجال يقول 36/ 6 اخضر وننتظر رده

[راكان 11]

ياليت تصور لنا الكرتون والفشقة ياراكان عشان نستفيد - مافيه مثل هالنوع اخضر - وازيدك من الشعر بيت حتى موقع الشركة مافيه هالمقاس بنفس اللون اللي انت تقوله

ابوصالح لآهنت
أرسلي جوالك أرسلك الصوره على الواتس
ماعرفت أنزلها بالمنتدى

[شاهين12]

36/6 الومبي الاسود فاشل عليك بالكاكا والارسي

[فهد88]

انت شريت وماقول الا الله يعينك عليه
ويعطيك من خيره ويكفيك شره
بس مدري وشوله هلعالم تاخذ رقم سته
عليكم في سبعه او سبعه ونص لكل شي الا البط والطيور الكبار

[بحرالقلزم]

الاولمبي الاسود 6/36 اذا مكتوب على الكرتون صنع قبرص فهو ممتاز من واقع تجربه
لكن الجديد صنع في رمز حرفين انجليزي لا تحضرني الان فهو اقل جوده

[AL-BDER]

الاولمبي الاسود سيء جدا

البندق : بيكال

[أبوصالح9]

ابوصالح لآهنت
أرسلي جوالك أرسلك الصوره على الواتس
ماعرفت أنزلها بالمنتدى


مالقيت الا انا يصير عندي واتس هههههههههههه

والله ماعندي هالامور يالغالي انا من قوم زر اخضر + زر احمر - غيره ماعرف - تبي كتابة خذ رجل اما صور وغيره ماعندي بهن علم - نوكيا 82 واحلى عيشه ياربي لك الحمد

[تساهيل1]

مالقيت الا انا يصير عندي واتس هههههههههههه

والله ماعندي هالامور يالغالي انا من قوم زر اخضر + زر احمر - غيره ماعرف - تبي كتابة خذ رجل اما صور وغيره ماعندي بهن علم - نوكيا 82 واحلى عيشه ياربي لك الحمد



مايصلح تخلف عن الركب الله يعينك :D

خلك كول مدري ني لوك هههه:D

[أبوصالح9]

مايصلح تخلف عن الركب الله يعينك :D

خلك كول مدري ني لوك هههه:D


ماجازلنا هالنيولوك والكول اللي انت تقولوه - البارح كنا كاشتين وادوخنا واحد بالبرامج - مامثل عيشة شيباننا عيشه - سواليف ومزوح وسعة صدر بدون نت وبرامج وخرابيط

انا لابغيت اطلع للبر اطلع عشان استانس ولا عشان انخجر وانغبز بهالجوال - وشف مجالس هالوقت ومجالسنا قبل عشرين سنة وشلون الفرق

واذا انك تقول مايصلح تخلف عن الركب - بقولك الباب اللي يجيك منه ريح الطسوه لطس ههههههه

[راكان 11]

يا ابوصالح
أجل برسل لك الصور على الفيس تايم والا الإستقرام ......
هههههههههه
على العموم
كرتون الفشق لونه أخضر
والفشقه سودا ( تخاضرها )

[راكان 11]

هذي الصورة

http://www.mekshat.com/pix/upload06/images/2014/07/mk32850_image.jpg

[اابوكايد]

نوعيه زينه واهم شي انه مايوصخ البندق

[اابوكايد]

الا فيه نوع من الفشق ماخذ اكبر من حجمه وهو الكاكا والله عنده من يوصخ البندق مثل ماذكر اخونا ابو صالح يبيلك كل بعد دسته تنظف

[نديم الخيال]

الكاكا غرض السوبر لاتتوسخ ولاشي

[أبوصالح9]

الا فيه نوع من الفشق ماخذ اكبر من حجمه وهو الكاكا والله عنده من يوصخ البندق مثل ماذكر اخونا ابو صالح يبيلك كل بعد دسته تنظف


والله يابو كايد الكاكا زين ومرماه زين بس مشكلة الكربون- مع بندقي ماعمري رميت وفشلن بس يبهذل بك بالكربون والواشر