المساعد الشخصي الرقمي

مشاهدة النسخة كاملة : مشكله بالجيب نيسان 97 بااترول


ذيب الرعن
19/07/2014, 02:25 AM
السلام عليكم

تقبل الله منا ومنكم صالح الاعمال

مشكله في الجيب ياشباب عندي


جيب نيسان بخاخ 97

الجيب مايشتغل ويدخن ازرق عند النتع

وفيه من عند الكارتير او الفلتر الي تحت بالمكينه تهريب زيت


ينزل كثير منه زيت هل هو جلد بلوف له شغل عدم اشتغال السياره


علما ان الكمبيوتر خربان ووجبت له واحد وركبته والمشكله ذي اتمنى الحل من اهل الخبره
ذيب الرعن
19/07/2014, 05:00 AM
عشان تكونو بصوره واضحه

الجيب موديل ٩٤ عليه مكينه ٤٢٠٠ بخاخ عشان كذا قلت ٩٧

اول كانت مشكله في الكمبيوتر جايه ماء وضارب وجبت كمبيوتر وقالو المشكله ضفيره بخاخ وجبت ضفيره كامله مع بواجي وايراتها قبل تركيب كل شيء اشغل يكب من صدر المكينه بانزين قالو في ضفيره التماس وجبت لهم ضفيره


بعد كل التعب وكل شيء الجيب مايشتغل نهائي ادق سلف شغال كل شي بس تشغيل ماله نيه



حاولت انتعه مع النتعه يعطي اشتغال يقطع ويطلع دخان ازرق كثيرر وادبله بانزين الى ١٠ ثواني يطفي



وحاليا ينزل زيت من تحت جهة الكارتير


اتمنى الحل من اهل الخبره او صادفه احد المشكله وشكرا لكم
ذيب الرعن
19/07/2014, 05:02 AM
بدلت طرمبه الي ورا حقت التانكي جديده واصليه من نيسان وبدلت مصفي جديد مانفع الله يكفينا شر عيون خلق الله
maged.007
19/07/2014, 05:47 AM
اصبر ياخوي .. وماتوقيقنا الا بالله ، انا قبلك في عيادة الاعطال لي يومين .. وان شاء الله الشباب مابيقصرون ويبي يفيدونك بإذن الله _ حبيت اصبح عليك ؛ وتمنياتي لك بالتوفيق اخوي
ذيب الرعن
20/07/2014, 02:13 AM
ابشركم انحلت المشكله بالنسبه للكهرب ..

لاكن طلعت مشكله ثاانيه الي هي السياره تدخن دخان ابيض ويطلع مع الشكمان زيت كثير


علما اني بدلت الزيت مع السيفون بعد الخروج من الورشه ورحت مشوار فقط ٤ كيلو

قلت خلني ارجع للبنشر افحص الزيوت كامله


بعد الوصول للبنشر تفاجئات يا اخوان ان المكينه مافيها زيت نهائي تخيلوو حتى اليمني انصدم

رجعت للورشه قالو حط فيها زيت وامش ٤٠ كيلو وشيك ع الدخان والشكمان اذا يطلع لازم نشوف المكينه ممكن شنبر

شافً الصوفه مافي تهريب

التهريب يجي من المنافولت الى الشكمان ودخان ابيض وش الحل هل مرت عليكم السالفه

وش رايكم تحتاج شنبرر ولا ابدل مكينه كامله والله تعبت ياجماعه
ذيب الرعن
20/07/2014, 03:01 AM
الله يصبح عليك بالخير اخوي ماجد واتمنى لك الاوفيق وان شاء الله تنحل مشكلتك موفق خير
Abukhaled-503
20/07/2014, 09:08 AM
قبل لاتغير مكينة او شمبر غير بلف الزيت راس ماله مايتعدا ١٠٠ ريال
الفيصلْ
20/07/2014, 10:02 AM
اخوي حتى لو يطلع دخان وزيت مايصرف الزيت بهذي السرعه عيار الزيت للبترول ماينفع بعد تطفي السياره لازم تنتظر وقت اقل شي ربع ساعه لان الزيت ماينزل للكرتير بسرعه والدخان اذا فيه تفتفه طلع البواجي وشوف اذا فيها زيت اكيد انه كسر شنبر
وشوف اراء الاخوان وخبرتهم


تم الإرسال بواسطة iPhone بإستخدام Tapatalk
هاوي بلادي
20/07/2014, 04:20 PM
غير بلف الزيت كابداية
ذيب الرعن
21/07/2014, 06:08 AM
ابشركم انحلت المشكله صحيت شغلت الموتر اختفت الدخنه ك احتياط بدلت بعد بلف الديت


وكان فيه تفتفه خفيفه رحت وزنت الديلكو مسدس ب ٣٠ ريااال


علما ان مشكله كل هذي هي الظفيره والكنبيوتر وكان بالمكينه شاربه بانزين بطنها لما قايله بس


وتم تنظيف كل شيء والحمدلله الامور زينه
المتزن
22/07/2014, 02:24 PM
ابشركم انحلت المشكله صحيت شغلت الموتر اختفت الدخنه ك احتياط بدلت بعد بلف الديت


وكان فيه تفتفه خفيفه رحت وزنت الديلكو مسدس ب ٣٠ ريااال


علما ان مشكله كل هذي هي الظفيره والكنبيوتر وكان بالمكينه شاربه بانزين بطنها لما قايله بس


وتم تنظيف كل شيء والحمدلله الامور زينه



الحمدلله على السلامه

زين اللي مانفجرت المكينه
ذيب الرعن
22/07/2014, 07:24 PM
الله يسلمك ي المتزن اي الحمدلله