أرجو المساعده

[عين الرجوووله]

السلام عليكم ورحمة الله وبركاته..


انا ناوي انشالله اشتري ساكتون وكنت ناوي على ديانا 350

بس انا منب احب الدربيل والديانا ما ينفع معه الا دربيل لا نيشانه يخرب وزنيته ولاحظت ان الكثير يشكون من النيشان المهم وش تنصحوني.

[Lover Albatru]

الديانا قويه وزينه خذها والنيشان لزقه ويمسك

[محمد ابن عيد]

..
حياك الله ي الغالي
اولا لاعدمتك / ان شاء الله " تكتب كذا وليس انشالله
البنادق الهوائيه القويه مثل الديانا ماينفع معاه الا الناظور
يركدها لكن ان كنت ملزم ماتبي ناظور خذلك شي اخف من الماقنوم
مثل النوريكا 90 او 80 ممتازه و بنادق قامو خفيفه و تؤدي الغرض
بس ليتك تعلمنا وش صيدك عشان نعطيك العلم الاكيد
و الله ييسـر امرك

[عآشق المهره]

عز الله انها بندق وانا اخوكك .
بالنسبه للمسامير مالك الا الشطرطون حق السباكه الابيض لفه عليها وشدها وماعاد تنحل معك .
وبالنسبه للنيشان لف على مساميره وزيد عليها غراء سوبر قلو واربطها على طول ..
وباذن الله تعجبك
التجارب ذي عن واقع تجربه ..
وفالك التوفيق .

[الصيادالمليح]

توكل على الله واشتر الديانا 350 و مع التدريب بتصير محترف إن شاء الله وما تحتاج دربيل أو نيشان

و إن شاء الله تقنص و انت مغمض و أنت جالس و أنت منسدح و انت واقف بعد

كلها شوية تدريب و تحكم و تتعود عليها

[MrSILVER]

خذها وانت مقمض:looney:

عزالله انها بندق تطرب اراس:good2:

ولا تاخذ الى رصاص 5.5

وفالك اشحم;)

[عطيه الدوسي]

وعليكم السلام ورحمة الله وبركاته
أفضل بندقية كسر استخدمتها
بالنسبة للنيشان ركب من النوعية القديمة أو رهم
نيشان فايروخ
والرصاص خذ جاموروكيت أو كروسمان مدبب
وشوف القوة والدقة
مبروك مقدماً والله يعطيك خيرهاويصرف عنك شرها

[ابوتركي122]

النشاما ماقصروا سوو لك عروض ونت اختار بالتوفيق لك اخي الكريم

[XxابومحمدxX]

انا انصحك بجامو شادو Dx دقيقه جدا ماشاء نيشانها مضبوط جدا