خلطات الجير

[al_mosher]

السلام عليكم ورحمة الله وبركاته
كيف حالكم يا صقاقير مكشات و مبارك عليكم ما تبقى من الشهر الكريم

الموسم على الابواب و كل صقار ناوي يشوفله طير

موضوعنا اليوم عن الجير و الخلطات و ميزة و عيوب كل خلطة
نبي خبراتكم ودي نسمع عن الخلطات من ناحية المميزات والعيوب و تحملهم لجو الخليج و الامراض

ومن ناحية صقارتهم يعني هل كل خلطة لها صقارة معينه


وهذي الانواع المراد مناقشهم

1- جيرالشاهين 50/50
2-جيرحر 50/50
3- جيرحر ثري كوارتر
4-جيرحر 87

وهناك مجرد استفسارات
بالنسبة لنسبة الجير بالطير كل ما زادت النسبة و كل ما قلت ميز و عيوب

معلومات ودنا نسمع رايكم فيها




نسمع اللي عندكم و نستفيد وجزاكم الله خير

[خالد العطااوي]

عليكم السلام ورحمة الله وبركاته
وعلينا وعليك يالغالي ..
بالنسبه للخلطات مالي خبره فيهن ولانعرف للجيره
لكن على حسب ماسمعنا واحسن الطيور فيهن بنظري الجير الشاهين
والجير الوكري = الجير الباربري
هو اطيب شيء واذا كان مفكوك هك لمده معينه ..
وسلامتك ..

[al_mosher]

الله يجزاك خير يا العطاوي

صحيح الجير شاهين ناجح ان كانت النسبة متساويه يعني ٥٠جير و ٥٠ شاهين و هذا ما سمعته اما اذا كانت نسبة الخلطة ثري كوارتر اي بنسبة ٢٥٪ شاهين و ٧٥٪ جير سمعت انه الخلطة هذي غير ناجحه بالنسبه للركادة و صقارة الطير في جو الخليج و السفن ايت كذللك

اما الجير حر ٥٠٪ حر و ٥٠٪ جير و الثري كوارتر و السفن ايت حر خلطاتهم ناجحه لوجود نسبة الحر فيهم و امورهم طيبه


نحتاج خبرات المختصين بصقارتهم و امور اختلاف نسب الخلطات اي اذا زادت نسبة الجير و اذا قلت او اذا زادت نسبه الحر و الشاهين ماههي اختلافات او طبايع هذي الخلطات

وشكرا

[ســـبــار ربــعـــه]

السلام عليكم ورحمة الله وبركاته.

موضوع جميل ومن وجهة نظري ليس لنسبة الخلطه علاقه فالطير فالعامل الرئيسي هو الصقاره.
وليس الجير حر 50/50 مثل الجير حر 78 فغالبا كلما زادت نسبة الجير زاد السبق يعني يزود السلندر ههههههههههههههههه

[al_mosher]

جزاك الله خير يا سبار

و بالنسبة لزيادة نسبة الجير بالطير هل هناك من عيوب

بالنسبة لعامل الخلطة نفسية الطير تختلف باختلاف الخلطة هناك طيور تجي راكده و هناك طيور تجي فيها حرارة بالحركة الزايدة وصعب تركيدها هل صحيح هالكلام

[بو_غانم]

كلها تهاجين طيبه وكلها تصيد وتفعل.

وانا شخصيا صقرت هذي النوعيات وغيرها.

وبشكل عام كل ما زادت نسبة الجير زاد حجمه وسبقه.

[بو_غانم]

عليكم السلام ورحمة الله وبركاته
وعلينا وعليك يالغالي ..
بالنسبه للخلطات مالي خبره فيهن ولانعرف للجيره
لكن على حسب ماسمعنا واحسن الطيور فيهن بنظري الجير الشاهين
والجير الوكري = الجير الباربري
هو اطيب شيء واذا كان مفكوك هك لمده معينه ..
وسلامتك ..

هلا اخوي خالد

الجير وكري تهجين مختلف عن الجير باربري

الجير وكري: ابوه جير وأمه وكري

الجير باربري: ابوه جير وأمه باربري

تحياتي

[al_mosher]

كلها تهاجين طيبه وكلها تصيد وتفعل.

وانا شخصيا صقرت هذي النوعيات وغيرها.

وبشكل عام كل ما زادت نسبة الجير زاد حجمه وسبقه.




الله يجزاك خير يا بوغانم و بالنسبة للامراض وتحمل الطير هل هناك عيوب اذا زادة نسبة الجير