ضروري الدخول ابي مساعدتكم

[مفتون بالسلق]

السلام عليكم صبحتم بالخير جميعا او مسيتم بالخير حسب الدخول يا اخوان عندي ذيخ غالي على والحين مريض ماادري وش جاه الحين هيكل عضمي قبل اسبوعين كنت مااني موجود ووصيت العامل عليه والظاهر عطاه اكل قديم وقعد اسبوع يشبك منسدح مايااكل ثم بعد الاسبوع اخذ يومين بدى يااكل ويخرج الأكل أكرمكم ويوم جيت انالقيت صحته متدهوره مشيته ماهي كويسه جلد وعظم صاير والذيخ غالي على ابي حل له والحين مايقوى يقوم وآسف على الاطاله

[زياد العنزي]

وعليكم السلام

يالاخو هل الذيخ تتواجد فيه ها الاعراض

القيء
الجفاف
فقدان الشهية
إرتفاع الحرارة
الخمول
الإسهال

[مفتون بالسلق]

لا هو اخذ وقت ماياكل وعيونه تدمع واجد بحيث يصير زي الاخضر جموع دموعه وهو اخذله اسبوع مايااكل وبعدها بدى يااكل على خفيف واذا اكل على طول استفرغ طلع كل الي أكله الحين جلد وعظم هو مايااكل واذا مشىء ينزل راسه ورجليه ويديه تتراعد اظنه من ضعف الجسم

[مفتون بالسلق]

القيىء فيه اذا اكل شىء اخذ شويات وأستفرغ وعيونه بس تدمه الين تصير الدموع تقل خضر ورأسه بس ينزله اذا مشى ومايمشي كويس يمشي وهو مفحج رجليه الحين يالله بالله يقوم عمره سنه

[مفتون بالسلق]

الحين يااكل بس خفيف إسهال مافيه فقد شهيه اخذله اسبوع وبعدها بدى ياكل ويستفرغ والحين ياكل على خفيف والخمول فيه الله يستر وآسف على الاطاله

[زياد العنزي]

ينزل دم منه لما يستفرغ ولالا

[sniuor]

مفتون بالسلق المفروض توديه لاقرب دكتور بيطري يعالجه ويشوف وش علته وترى الحرله دور والتسمم له دور مثل البشر يحس ويمرض لكن نصيحتي لك كان السلوقي غالي عليك عطه طعام رويال انظف ومخصص للكلاب بدل مخلفات الاكل اللي حتى الغنم ماتقدر تاكلها وفي الاخير الشافي هوالله

[صياد الصحراء]

اول شي العامل لازم تحاسبه حساب عسير عشان يدري انك مهتم السلوقي وده بيطري يعطيه ابره فيتامين وفيه قطاره فيتامين وعليك بالحليب الطبيعي او السعوديه وخلط معه تمر ولازم سلوقييك تنتبهله اول باول ولايعطيه الاكل الى في الليل عشان الحر

[مفتون بالسلق]

البيطري مسكر الي قريب من عندي وهذاني اعطيه حليب سعودي ومن بعده بدى يااكل بس قليل مايكثر

[مفتون بالسلق]

اخوي زياد العنزي مره عطس وطلع شىء فيه دم

[مفتون بالسلق]

وعطسته فيها دم بعدها ماشفته يطلع دم يعني ابتل على الحليب السعودي يااخوي صياد الصحراء

[مفتون بالسلق]

مشكورين على الردود يااخوان وانشاءلله اليله ابوديه بيطري

[صياد الصحراء]

بيطري كلاب اوقطط يفضل

[مفتون بالسلق]

عالجته وديته بيطري لاكن مافاد شىء من العلاج ومات الله يعوضني بالي احسن منه أرجو إغلاق الموضوع