وش افضل دافور عينين ؟

[عادل 1000]

السلام عليكم ورحمة الله .... تقبل الله منا ومنكم في هذا الشهر الفضيل ...
اخواني ...ابي افضل دافور عينين يتحمل الكد ويتحمل الاوزان الثقيلة مثلا قدر 15او 20 لتر ....الدافور تصنيع محلي مامدحوه بعض الاخوان في هذا المنتدى ينفجر ...من عنده خبر يفيدنا .....ودمتم بخير

[hsn999]

السلام عليكم ورحمة الله وبركاته افضل شي موقد بريموس

[عادل 1000]

لكن مايتحمل قدر ثقيل

[مطر وسم]

اخوي عادل شف القز هذا هو اللي يتحمل كل شي كد ومد موجود عندي من 4 سنوات ماخرب ولا تغيرت ناره ممتاز جدا شابكه على دبة ايطاليه 12 رطل سعره بحدود 40 ريال اطبخ عليه قدور كبيره وصغيره :good2: ولا يحتاج صيانه متى ما خرب بدله بواحد جديد
http://www6.0zz0.com/thumbs/2010/12/15/16/857236979.jpg (http://www.google.com.sa/url?sa=i&rct=j&q=&esrc=s&source=images&cd=&cad=rja&uact=8&docid=DzfoPbudsn7v6M&tbnid=-MrrvFqfM5R7fM:&ved=0CAUQjRw&url=http%3A%2F%2Fwww.albrari.com%2Fvb%2Fshowthread .php%3Ft%3D48777&ei=nV3MU-vEK4GsO4qPgegO&psig=AFQjCNGfO4KmR3Yh4y4Sg_se4NKCcMRRtw&ust=1405988616154878)



تحياتي لك

[خالد الخطير]

السلام عليكم ورحمة الله .... تقبل الله منا ومنكم في هذا الشهر الفضيل ...
اخواني ...ابي افضل دافور عينين يتحمل الكد ويتحمل الاوزان الثقيلة مثلا قدر 15او 20 لتر ....الدافور تصنيع محلي مامدحوه بعض الاخوان في هذا المنتدى ينفجر ...من عنده خبر يفيدنا .....ودمتم بخير

عندك عدة حلول منها /

1/ قز فوكر الايطالي

http://www.mekshat.com/pix/upload04/images151/mk90804_111.jpg

بس يبيلك تعب علشان تلقاه !!
لازم تمر شارع السبالة او سوق الزل بالرياض
ووزنه ثقيل شوي

2/ قز زهر ياباني شفته عند البرية ب 600 ريال

http://store2.up-00.com/2014-07/1405904395951.jpg

3/ تاخذ لك دافورين مرهمه من عند البرية ، وانا جربتها بطبخ على قدور كبيرة و يتحمل اي وزن مهما كان !! لان الثقل على الحديد مو على الدبة او على الراس ، وناره قوية جداً لو تبي تطبخ بعير هرش

http://www.mekshat.com/pix/upload03/images123/mk40450_dfdfdfdfdf.jpg

وهذي شعلته

http://www.mekshat.com/pix/upload04/images161/mk40450_img_0182%20[800x600].jpg

وهذي صورة لقدر اطبخ على الموقد المرهم من البرية

http://store1.up-00.com/2014-07/1405904958531.jpg

وهذا منظر ثاني للقدر

http://store1.up-00.com/2014-07/1405905129391.jpg

نار قوية ويطبخ اي شي تبيه ولا يفشلك !!

وعندهم ترهيمة على دبه ايطالية او على دبه بريموس سويدية ولك الخيار بالاختيار !!

بس اذا خذيت خذ ٢ احسن وخل الثاني احتياط يجيه لزوم

4/ الصيني ابو عينين الاسود ومانصح فيه !!

http://www.mekshat.com/pix/upload01/prof018/mk40450_dsc05703.jpg

بس مانصح فيه ومالي السوووق من كثره

انا حصرت لك المواقد الي تقدر تطبخ عليها لو تبي ذبيحه ولا تفشلك ابد ابد

اتمنى اكون افدتك اخوي ولا ابي الا الدعاء للوالده فقط

[عادل 1000]

الله يعافيكم ويجزاكم خير ...عزالله انهن ممتازات بس مشكلتهن القز لحال والدبة لحال احس انه نقلة شوي

[خالد الخطير]

الله يعافيكم ويجزاكم خير ...عزالله انهن ممتازات بس مشكلتهن القز لحال والدبة لحال احس انه نقلة شوي

لذلك ترهيمة البرية هي افضل علاج !!

انا للقهوه والشاي والطبخات على قدر كاتم من 10 لتر ونازل

انصح بــ

1/ تكسبورت ، شركة امريكية (صناعة صينية)

http://www.mekshat.com/pix/upload06/images/2012/08/mk40450_img_11~3.jpg

وبالذات تسكبورت المسمى بسرهيد

http://www.mekshat.com/pix/upload06/images/2012/09/mk40450_texsp24-1.jpg

2/ بريموس الاحمر (صناعة صينية)

http://im40.gulfup.com/G8UzX.jpg

http://www.mekshat.com/pix/upload05/images209/mk153906_img_0806.jpg

اما بالنسبة لطبخ بقدور كبيرة فاستخدم ترهيمة البرية وخذ لها جراب للحفظ

http://www.mekshat.com/pix/upload01/prof013/mk566_img_0297.jpg

وانت استشر واستخر والشباب ماراح يقصرون معاك بالنصائح

[عادل 1000]

بيض الله وجهك هذا العلم الوكاد ...ماقصرت كفيت ووفيت

[خالد الخطير]

بيض الله وجهك هذا العلم الوكاد ...ماقصرت كفيت ووفيت

ووجهك اخوي

واي سؤال اسأل والله يقدرني اعطيك الاجابة الي تناسبك

ولا يردك شي كلنا اخوان وكلنا لبعض

[رمال النفود]

القز الاسود الصيني تراه ممتاز ورخيص وعملي انا عندي واحد مثله وماشاء الله تبارك الله . تحمل وكد .

[HAS5SAN]

الصيني رخيص وعملي وخفيف
اهم شي الي مفاتيح الاشتعال لونها ذهبي مايل للاصفر
الي لونها فضي لابأس لاكن ذيك افضل

[أبوصالح9]

فيه محل بالقصيم عنده كرسي جاهز وبوسطه دبتين غاز ايطالية - او تقدر انت تفصل كرسي واشتري دبتين غاز حسب الحجم اللي تبي وسقطهن بوسطه

شف هالكرسي اللي بالصورة نفسه بس بدال مهب واحد خله اثنين

http://store2.up-00.com/2015-11/1447539815481.jpg (http://www.up-00.com/)

[أبوفهيد06]

اشتر عيون حديد بـ40 ريال من محل غاز واشتر تحويله من محل رحلات على دافور الغاز حقك وصلى الله وبارك