سؤال لأهل الباترول

[أبوساري 99]

السلام عليكم ورحمة الله وبركاته

عندي مشكله بالحراره الباترول اذا شغلت المكيف الظهر ووقفت بالزحمه مده 15 دقيقه واكثر ترتفع للنص. اما بالاوقات الثانيه ماترتفع تاصل للربع بس !!
مع العلم اني مسيخ الرديتر وحاط له مويه أصليه . ومركب له مرواح كهرب -
اللي له خلفيه بالأمور يفيدنا

[أبوساري 99]

هل بلف الحراره له علاقه بتلاعب إرتفاع الحراره ؟؟

[cadillac911]

اذا البلف ماهو موجود ايوة يأثر في الحرارة


Liverpool for ever

[الوسم]

الله العالم إنه من مراوح هالكهرب
نصيحه رجع المروحة الأصليه بالتماتيك الأصلي
مع بلف الديزل اللي مكتوب عليه درجة الحرارة 76 ونصف

[أبو الوليد 14]

رجع البلف وشيك على المراوح اللي قدام الرديتر وايضا الكهرب اللي ركبتها
اشتر بلف اصلي وركبة وبيظبط ان شاء الله
بالتوفيق

[ابو لموره]

اخوي توقف ١٥ دقيقة والمكيف شغال وبوسط زحمة وحرارة السيارات وبأجوائنا هذي طبيعي وانا اخوك

[الصقرالعربي]

ياخوي شيل بلف الحرارة نهائي

وحط سيلكون واربط الخرطوش وحط رجلك

السيارة اذا عدت 50 الف بالعداد شيل بلفها

[هم الشمالي]

ياخوي شيل بلف الحرارة نهائي

وحط سيلكون واربط الخرطوش وحط رجلك

السيارة اذا عدت 50 الف بالعداد شيل بلفها

أختلف معاك بالرئي بلف الحراره ضروري ولا ينشال ابد ابد لو السيارة ماشية 500ألف لأنه يثبت درجه حراره السياره سواء كانت واقفه أو متحركة وفيه ناس اذا جاء الصيف شالوه وبوقت الشتاء يركبونه وهذا خطأ لأن اذا شلته بالصيف راح ترتفع الحراره مما يؤثر على المكينه وخاصه راس المكينه وكل سياره لها بلف ورقم خاص لدرجه حراره المكينه

[أبوساري 99]

اشكر الجميع على تفاعلهم

تم تبديل بلف الحراره وابشركم. الامور إلى الأن طيبه جربته اليوم العصر حرارته ماطلعت عن الربع واذا جاء جديد ببلغكم

[كن متفائلا]

بلف الحرارة يسمى ثرموستات ( منظم حرارة )

ينظم تدفق ماء التبريد

أذا شلته دورة الماء سرعتها تزيد

النتيجة ما يمديه يبرد في الرديتر فيرجع حار

وكذلك في الشتاء مايعطي فرصة للمكينة تسخن مع بداية التشغيل

[الوسم]

الله يهديك يا ابو ساري
إرجع شوي وكللف على نفسك زي ما كلفنا على أنفسنا علشانك وعلمنا وش نوع البلف اللي ركبته
وكم درجة الحرارة اللي مكتوبة عليه
وإذا ما فيه كلافه عليك .. صور عداد الحرارة وخلنا نشوف نتائج إستفسارك وش سوى معك بالصور
خلنا نحس معك بطعم إنتصارك على الخلل ومعرفة المشكلة وطريقة المعالجة وأدواتها

[الوسم]

بلف الحرارة يسمى ثرموستات ( منظم حرارة )

ينظم تدفق ماء التبريد

أذا شلته دورة الماء سرعتها تزيد

النتيجة ما يمديه يبرد في الرديتر فيرجع حار

وكذلك في الشتاء مايعطي فرصة للمكينة تسخن مع بداية التشغيل

شرحك ممتاااااز وكلامك عين الصواب وتسلم على الإفادة وشكرا لك

[أبوساري 99]

الله يهديك يا ابو ساري
إرجع شوي وكللف على نفسك زي ما كلفنا على أنفسنا علشانك وعلمنا وش نوع البلف اللي ركبته
وكم درجة الحرارة اللي مكتوبة عليه
وإذا ما فيه كلافه عليك .. صور عداد الحرارة وخلنا نشوف نتائج إستفسارك وش سوى معك بالصور
خلنا نحس معك بطعم إنتصارك على الخلل ومعرفة المشكلة وطريقة المعالجة وأدواتها




هلا. اخوي. غيرت البلف حق الحراره وركبت. بلف شد بلاده الظاهر رقمه 76. امس جربته واموره طيبه. وجربته اليوم وطلعت الحراره لفوق الربع وتطلع بالزحمه واذا وقفت لمدة ربع ساعه واذا مشيت تنزل ع طول. لكن افضل من اول

[اورنس الشمري]

انا بمدينتي درجة الحرارة مرتفعة واحيانا اذا شغلت المكيف تاصل للنص او تحت النص وانا واقف

سافرت لمدينة معدل درجة الحرارة فيها ٤٠ وقعدت اربع ايام فالحرارة ما وصلت للربع

انا ارى أن المشكلة بالأجواء

[فتك حائل]

ياجماعه فيه مواصير صغيرة واضحة على سطح المكينة تلقاها مسدودة وتنضيفه تكلف ٢٠٠ ريال تقريباً

طبعاً هذا كلام صديق لي صارة له نفس المشكلة

[أبوساري 99]

ياجماعه فيه مواصير صغيرة واضحة على سطح المكينة تلقاها مسدودة وتنضيفه تكلف 200 ريال تقريباً

طبعاً هذا كلام صديق لي صارة له نفس المشكلة


ياليت. توضح لنا. الموصير هذي وين مكانهم فيهم ??

[hail_ksa]

ياجماعه فيه مواصير صغيرة واضحة على سطح المكينة تلقاها مسدودة وتنضيفه تكلف ٢٠٠ ريال تقريباً

طبعاً هذا كلام صديق لي صارة له نفس المشكلة


أخوي بارك الله فيك
وش اسم المواصير ومكانها بالضبط

أتمنى تسأل صديقك ولك كل الشكر والتقدير