صوت طقطقة بالمكينة + غسيل المكينة GMC 2005

[lover but]

بسم الله الرحمن الرحيم

السلام عليكم ورحمة الله وبركاته

موتري جمس يوكن قصير 2005 امريكي
المشكلة بالاساس عطيت الموتر ولد خالتي وبالسفر غير الزيت لكن البنشري زود تقريب
علبه ونص تقريب فوق الفل
وبعدها طلع صوت بالمكينة اقرب شيء له صوت الجنزير اول ما اشغل السيارة لما تكون باردة واذا احتماء برضة الصوت يكون موجود لكن يروح ابو ربع ساعه ويرجع الصوت
و الصوت يزيد مع زيادة البنزين

ونقصت الزيت اقل من الفل وﻻزال الصوت موجود ونوع الزيت كاسترول 10 30

انا ابي اغسل المكينة بزيت غسيل المكينة واغير الزيت والسيفون

لكن تنصحوني بزيت غسيل المكينة او ﻻ

تكفون الفزعه يا اخوان

[عبقري91]

لاتغسل ولا شي. دايم مشكلة الجموس صوفت الطرمبه
اذا فكيت الكرتير عشان الصوفه نظفه وتبي تلاقي بلاوي اذا انت من الي يتاخرون في تغيير الزيت
خلهم برضوه ينظفون الشفال وخلك واقف علا روسهم

[lover but]

وانا اخوك شاكر لك على المرور

لكن انا اغير الزيت كل 3500 كيلو

طيب ﻻزم افك المكينة مافيه حل غير فكها

[عميد آسيا]

نصيحة مجرب لا تستخدم زيت الغسيل اللي عند البناشر و لون العلبة أبيض و السبب إنه عدم لي صوفة المكينة الخلفية و صارت تهرب

إذا بتستخدم زيت غسيل خذ حق شركة معروفة زي بترومين أو فوكس بترومين اكسبرس عندهم الشيء هذا لكن ما قد جربتهم

و فيه طريقة ثاننية لقيتها لعضو خبير في السيارات

بعد إذن المشرفين:
شوف الموضوع ذا بالذات رد رقم 25

http://www.assayyarat.com/forums/t273772.html

و الطريقة تضيف نص زيت مكينة و نص زيت قير يعني إذا سيارتك تاخذ 4 علب علبتين علبتين و امشي لمدة أسبوع و غيره

[lover but]

هذي صورة عداد الزيت

https://www.dropbox.com/s/ytg0xd3imrd0eb8/%D9%A2%D9%A0%D9%A1%D9%A4%D9%A0%D9%A7%D9%A2%D9%A1_% D9%A1%D9%A4%D9%A2%D9%A6%D9%A3%D9%A7.jpg

ومع المشي يرتفع الى 40

غيرة الزيت قبل شوي والصوت موجود يمكن يبيله وقت
وما غسلت المكينة

[lover but]

يا اخوان احد يرد علي طرنبة الزيت تحتاج تغيير وﻻ ﻻ

ابي اسافر مكة وما ابي تقطعني بالخط

[الصقرالعربي]

غير الزيت بسرعة

وارجع لكتالوج السيارة وشوف كم علبة يستهلك ماعليك من كلام البنشري

[lover but]

اليوم الظهر غيرت الزيت والسيفون من الوكالة
5.5 علب

الصوت اﻻن خفيف اخف من قبل

[lover but]

لكن عداد الزيت على الربع

[lover but]

يا اخوان المشكلة اﻻن الصوت يزيد مع زيادة البنزين
و ماهو مستمر يروح ويجي واخاف اني اتهاون فيها
وتروح المكينة ﻻن ماعندي موتر غيره

[ابو عزام الشمالي]

هذي سلمك الله عندك الربله اللي تجي في طرمبة الزيت

يفك الكرتير وينزل الطرمبة ويغير الربله

طبعاً الأسعار كالتالي:
شغل يد من 450 إلى 600
قطع غيار تحتاج وجه كرتير140 و ربله طرمبه 25 ومعجون للكرتير 25 وزيت للمكنية
وإن شاء الله تضبط امورك

[الصقرالعربي]

طيب لو الربلة خربانة هل تولع لنبة الزيت

[almo3jl]

مانزيد كلام على الي قالوه الاخوان ان المكينه ماتنغسل بعد ماتعدي ٢٠٠الف لو تروح الوكاله مايغسلها بعد ٢٠٠



انا لو تسمع لشوري

الوكاله الجميح فحص ٥٠٠ريال ويطيك الاكيد حبيت تطبخ عنده ولا خذ القطع وكاله وصلح برا واضمن لو دفعت فحص ٥٠٠ريال وطلع الخراب ب ٣٠٠احسن وأفضل من نصب ومشورت الورش العليميه يدفعك كم الف ومايتغير شي

[lover but]

اليوم ان شاء الله ابي امر الوكالة ويسرها الله

وجزاكم الله خير

لكن دوام الوكالة في رمضان متى التوكيلات العالمية gmc