مثل ماطلب ابو عبدالله والاخوان

[sniuor]

هذا السلوقي العربي الاصيل

اللي تم طلبه من قبل الاخوان

اعرضه لهم واليكم صفاته

1- شعر كثيف (ريشي)

2- عضوده فج (اتساع مابين اليدين)

3- نزول الزور (كنايه عن اتساع الصدر وطول النفس وذلك بنزوله للاسفل)

4- واتساع بين عظمتين الحوض (ميزة السرعه)

5- عرض الفخذ

6- الرقبه والاذاني طويله

7-الراس متناسق مع حجم الجسم

8-باطن اليدين والقدمين مغطاه بالشعر (لان بيئتنا صحراويه وحجاره فسبحان من ميزه عن غيره من كلاب الصيد)

9-الشجاعه (صفه يتميز بها عن غيره)


10-مقدام (فهو لايهاب شي لارمايه ولا صياح او سياره او ماشابه ذلك)



11-ذكي جداً (سريع التعلم نبيه حريص على الصيده)


12-يحب صاحبه (وفي)




http://www.mekshat.com/pix/upload05/images253/mk307429_ggg.jpg




امل من الله اني توفقت في افادتكم لو ببعض الشي البسيط عنه ولكم تحياتي

[2475]

شرح وافي يعطيك العافيه وما قصرت باقي تكون مواطيه صغيرة وما تكون فاحجه ليسهل عليه الركض بالرمل

[.°•أبو سعد•°.]

لابالله ما قصر الله يجزاه خير
لاكن العربي نوعين الأريش والساحلي
وأضيف على ما أضاف الأخ 2475 وطول الرجلين

[sniuor]

يامرحبا فيك يابو سعد العربي نوع واحد فقط وهو زي اللي بالصوره تعدد الوانه لكن الساحلي هجين اوزواخ مع السلوقي المغربي ولايقارن مع السلوقي العربي ابدا في كل شي تحياتي لك يابوسعد

[صياد الصحراء]

شكر لك هاذي ايرانيه خالصه اخوي فارسيه تسمى تازي

http://ourworldofdogs.com/wp-content/uploads/2012/02/475545462-300x265.jpg

[صياد الصحراء]

http://www.salukis.jp/t-saluki/images/IMG_0419_1_000.jpg

[sniuor]

صياد الله لايهينك على الصور لكن الصوره اللي تقول عليها ايرانيه تراها عربيه اصيله ويسمونها بهذى الاسم صارت عندهم عندما فتح المسلمين بلاد فارس والاهي بالاصل من سلق الجزيره العربيه تحياتي لك ياذيبان

[صياد الصحراء]

صياد الله لايهينك على الصور لكن الصوره اللي تقول عليها ايرانيه تراها عربيه اصيله ويسمونها بهذى الاسم صارت عندهم عندما فتح المسلمين بلاد فارس والاهي بالاصل من سلق الجزيره العربيه تحياتي لك ياذيبان
سلامتك اخوي هاذي ايرانيه فارسيه والتحاليل تثبت وشكلها الخارجي كثره الشعر وطول الذيل انا متخصص فيهن بيجتيلي 40 سنه وكل السلالات في العالم اعرفها
العربي الاصيل ذيل قصير مره مايجي طويل
شعرته خشنه ملتفه معهي ناعمه وريشه الاذن تجي على فوق مش طايحه

[sniuor]

يابن الحلال السلق هذي عربيه اصيله من جزيرة العرب خص اللي في ايران اتت مع المسلمين بعد فتح بلاد فارس وكثير من الابل والخيل حتى وصلت الى كازاخستان اما السلق اللي في اوروبا وامريكا فهي كذلك عربيه اصيله اخذوها هي والخيل من الجزيره العربيه يوم كان الحصى تمر

[صياد الصحراء]

الابل السنام واحد معروفة والخيل تسمى خيل عربي في جميع العالم لاكن السلق فارسية تازي بعضها شعرة يسحب في الارض والخبراء مسوين عليهن تحاليل تبين اصولها

http://saluqi.home.netcom.com/Images/Bayt%20Shahin%20Impulse%20600%20pixels.jpg

[sniuor]

كبهم عنك هم وخزعبلاتهم اللي مالها اول ولاتالي يغسلونهن بشانمبو يطول الشعر ويحاولون يضيفون لهن جينات وضنون انهم مطورينهن وهي بالاساس عربيه ولافيه شك في ذلك ولوعلى كيفهم الغو تاريخ العرب ماجت على السلق فقط

[sniuor]

الحين اعترفت ان الابل والخيل العربي اخذوه ولاعترفت انهم اخذو السلق كذلك عجيب امرك ياهذا

[صياد الصحراء]

الحين اعترفت ان الابل والخيل العربي اخذوه ولاعترفت انهم اخذو السلق كذلك عجيب امرك ياهذا
والله ماشفت بيعير وخيل عربي يسحب شعره في الارض هاذي تسمى تازي ومعروفه انها فارسيه من الشكل الخارجي والتحاليل من خبراء عندهم مراكز متخصصه وخبرتي المتواضعه مع الناس المهتمه في الموضوع
فيه سلق فرعوني وفيه قري هاند الانجليزي وفيه سلق يسمي سلوغي في المغرب
وفيه ازواج جنوب افريقيا عند مالي والنيجر وفيه التازي الايراني وفيه العربي هاذي الي في العالم كلها تقريبا

[صياد الصحراء]

على نقوش في الجبال صورها من الاف السنين قبل الاسلام بفتره طويله

[sniuor]

اخوي صياد الصحرى انا اعطيت معلومات وحقائق عن السلوقي العربي طلبها مني ابوعبدالله واحد الاخوان وكل كلامي عن السلوقي العربي بارك الله فيك وتقل تضايقت من تعليقاتي على الموضوع لكن الموضوع ليس لك علاقه به لامن بعيد ولا قريب ونكان ازعلتك وانا لااعلم انا اسف مع اني ماعرفت وش ازعلك تحياتي لك

[sniuor]

ياصياد الصحرا الشانمبو موجود في اقرب محل بيع الحيوانات لكن مايصلح تحطه على شعرك اجلك الله وكرمك عن الكلاب

[صياد الصحراء]

والله يالغالي انت قلت عربي خشينا من واقع تجربه ومعرفه قديمه فيهن وتوضيح للشباب الي توه بادي حتى التركية للمعلومه تسمى تازي وخبراء في مراكز عالمية نعرفهم ماخذو منهن مهتمين بالعربي البيور وفيه شباب يملكون من اصحابي جميع السلالات من قري هاند ازواخ افريقي سلوكي مغربي ايراني تازوه وكثير من السلالات لاكن يبقى العربي نفسه طويل ويعيب بعض العربي مافيه سبق بس نفس طويل

[النداوي HZ2AF]

بارك الله في الجميع وأشكر لكم هذا النقاش الراقي الطريف في بعض الردود
الذي يدل على كرم أخلاقكم وطيب معدنكم وجزاكم الله خير

[sniuor]

ماعليك زود يالنداوي بديت موضوع وصار فيه بعض النقاش وفي الاخير كل له وجه نظر وختلاف الراي لايفسد للود قضيه تحياتي لك يااسم على مسمى

[صياد الصحراء]

لازعل ولا شي موضوع عن الكلاب قال وجهة نظره وقلنا وجهة نظرنا بحكم انا قديمين جدا في الهوايه ومعرفة تفاصيلها كامله وخبراتنا مع الشباب في الدول المجاوره والمهتمين فيها والمراكز الي في العالم

[بوعبداللهuae]

ما قصرت بالربع الجميع
أما بخصوص الموضوع ياسيدي انا اميل لرأي أخونا صياد لأنه اللي شعره كثير عاده يكون في الأماكن البارد ه ولو مالي خبره كثير شكرا

[بوعبداللهuae]

ههههه
الله يسامحك
هد نفسك ياعزيزي انت ماقصرت ويسد انك حاط اسمي عالعنوان وتراك غالي
واذا اختلفت معاك في شيء او صياد فالنهايه كلنا اخوان
ومن العايدييين على الجميع