المساعد الشخصي الرقمي

مشاهدة النسخة كاملة : تركيب مولد للسيارة 200amp


abo_ghala
23/07/2014, 03:22 AM
السلام عليكم


تقبل الله طاعتكم و بارك الله في اعمالكم

القصة و مافيها عندي وانيت شفر موديل 2002 حجم 2500 هفي ديوني

شلت مروحة الوكالة و ركبت مراوح كهرباء و الحمدلله الوضع طيب بالنسبة للتبريد

لكن صار عندي مشكلة في الكهرباء تضعف كثير خصوصا مع تشغيل التكيف

و تقل كفائة المكيف و إضائة السيارة

لذلك إستشرت و تم نصحي بتركيب مولد حجم أكبر و حصلت في مواقع أجنبيه مولد حجم 200امبير مكتوب يناسب موديل سيارتي

سآلي لأهل الخبرة هل في أي ضرر إذا غيرت المولد ؟ و هل أحتاج لتغيير أي شيئ في السيارة؟
مسير عليكم
23/07/2014, 03:58 AM
ان شاء الله مافيه اي مشكله الدينمو كل مازاد انبيره افضل لانه بيكون مرتاح وهو يعطي كهرب بس قبل ماتركب دينمو مدري جربت تكبر البطاريه يمكن تتعدل عندك الكهرباء لان صار لي تقريبا زيك ركبت مراوح لباترول وماعاد صار يشحن البطاريه رحت لكهربائي كنت متوقع تهريب او دينمو خرب لان البطاريه جديده شافه وقال كبر البطاريه كنت مركب حقت البلد وكبرتها وسلك بعدها
abo_ghala
23/07/2014, 04:14 AM
جزاك الله خير عالرد


لا والله ما جربت ، البطارية فاضية حاليا و الموت موقف ما بدلتها قلت اركب دينمو افضل لأن لاحظت عداد الكهرباء عندي ينزل كثير و يوصل 10 تقريبا قاعد يستهلك البطاريه و المولد مو ملحق يشحنها فظنيت ان المولد متعطل و كنت ببدله فقلت ازيد الامبير مره وحده افضل

كنت خايف فقط انه يؤثر على السيارة بس انت طمنتني من هالناحيه شكراً لك
cadillac911
23/07/2014, 04:31 AM
اخوي كم يكلفك الدينمو واصل الين عندك


Liverpool for ever
abo_ghala
23/07/2014, 05:33 AM
اخوي كم يكلفك الدينمو واصل الين عندك


Liverpool for ever

والله يكلف بالشحن و التوصيل

طلبت من قبل من امريكا الشحن كلف نفس سعر الدينمو

أسعار الدينمو تختلف حسب الشركة المنتجة حصلت دينمو عادي نفس اللي على السيارة 105 امبير ب 35 الى و ال200 امبير يصل الى 55 دينار تقريبا حسب الشركة المنتجة

في الكويت سألت الشركة عن الدينمو الاصلي 105 امبير بسعر 150 دينار

فقررت اشتري من بره 200 امبير حتى لو حطيت نفس السعر شحن بيكون افضل
cadillac911
23/07/2014, 11:35 AM
موتري يوكن طويل 2000 حصلت له دينمو 220 إمبير طبعا يكلف حدود 1100 مع الشحن والتوصيل وهو من النوع فك وركب بس
المشكلة هنا 160 إمبير تجاري قيمته في حدود 1100 -1300
والصراحه ابي يتعدل الوضع معاي شوية وبطلب واحد من برا


Liverpool for ever
abo_ghala
23/07/2014, 11:50 PM
أفضل و أوفر أنا بعد إن شاء الله بطلب ٢٠٠ أمبير

ولا شغل الحراميه عندنا غالي ال١٠٥ امبير حق الوكالة ب١٥٠ دينار

لو يطلع علي الطلب مع الشحن نفس السعر مو مشكله على الاقل ٢٠٠ أمبير !!
اسدهم
24/07/2014, 12:41 AM
طيب في نقطة مهمه لو زت الامبير هل ياثر علا الظفيرة يعني يعني لاقدرالله تلتمس هم حاطين الاسلاك قد سحب الدينمو او انا غلطان
abo_ghala
24/07/2014, 01:28 AM
طيب في نقطة مهمه لو زت الامبير هل ياثر علا الظفيرة يعني يعني لاقدرالله تلتمس هم حاطين الاسلاك قد سحب الدينمو او انا غلطان

أنا مثل وضعك كنت كاتب هالموضوع عشان أتطمن واحد من الأخوة بأول الموضوع جاوب إنه ما يضر إن شاء الله