لأصحاب الفتك من 2005 وطالع

[باثفايندري]

اسعد الله صباحكم بكل خير ..
ياجماعه عندي مشكلة في سيارتي من نوع فتك 2005 السياره مافيها اي شي الا اذا سرت واقف احيانا يقطع وينزل امبير الضغط الى نص او صفر ثم يطفى ويطلع دخان من الشكمان ثم اذا دعست راحت وترجع بين كل فترة والمشكلة ماحولي مختصين نيسان الا الوكالات
اتمنى اللي مرت عليه الحركه يفيدنا وله دعائي في هذه الايام المباراكات
وشكرا لكم

[باثفايندري]

مافيه احد بيفيدنا يالربع انا في حاجه ماسه الله يحرم وجيهكم عن النار

[كن متفائلا]

نصيحة وده الوكالة يفحصونه وتعرف قيمة الأصلاح

أن جازت لك القيمة صلحه عندهم أو وده للورش وأنت على بينه

[أبو الوليد 14]

حياك الله اخوي
بالنسبة لمشكلتك صارت معي مابقى شي ماسويته
بالاخير صار من فيش حساس الهواء اللي عند الفلتر الاسلاك مرتخية .....
خبرنا وش يصير معك

[باثفايندري]

×يسعد صباحك اخ وليد والله يكتب اجرك ودي الله يحفظك توضح لي اكثر بخصوص فيش حساس الهوا هل اغير الحساس كامل والا فيه حل للافياش وهل فيه خيارات ثانيه لمشكلتي لان موتري الحمد لله من احرك خلاص معاد يقطع ابد واذا قطع وانا واقف ادعسله ويسلك فتره لكن ترجع التفتفه ماتطول

[باثفايندري]

ابو الوليد اسف

[باثفايندري]

للرفع..........

[وليد46]

شف يالغالي فيه علبة فيوزات من جهت السواق بالكبوت غيرها جلها ماهيب غالية وان شاءالله يضبط معك. اذا ماضبط فتاكد ان المشكلة عندك حساس الدعسة.

[باترول5600]

شف اللي الربل اللي قبل الفلتر

لاتقول انه زين من شكله
فكه وشف هل فيه تنسيم او لا
لانه ينشق من داخل ولا يبين معك زين الا اذا فكيته

الشي الثاني غير الفلتر بواحد اصلي

لانه يعتبر قطعه استهلاكيه ولازم يغيير كل فتره

[فتك حائل]

شيك على طرمبة البنزين

[باثفايندري]

شف يالغالي فيه علبة فيوزات من جهت السواق بالكبوت غيرها جلها ماهيب غالية وان شاءالله يضبط معك. اذا ماضبط فتاكد ان المشكلة عندك حساس الدعسة.


اخ وليد علبة الفيوزات اذا سار الموتر مايمشي اظن وولعت لمبة الشك انجن
لكن الحين الموتر مافيه اي شي اروح واجي عادي ولاهنت على كل حال وابيض وجه

[باثفايندري]

شف اللي الربل اللي قبل الفلتر

لاتقول انه زين من شكله
فكه وشف هل فيه تنسيم او لا
لانه ينشق من داخل ولا يبين معك زين الا اذا فكيته

الشي الثاني غير الفلتر بواحد اصلي

لانه يعتبر قطعه استهلاكيه ولازم يغيير كل فتره
الفلتر عرفته لكن الربله هذي مافهمت وين تقصد ولكن ببحث واشوف ويعطيك الف عافيه الفلتر بغيره واشوف ياغالي لاعدمناك

[باثفايندري]

شيك على طرمبة البنزين
اظن الطرمبه ياطيب او فيش الطرمبه اذا فيها خلل يستمر التقطيع حتى في مشي السياره لكن موتري يكتم وهو واقف لكن من يوم احرك ماتلاحظ اي شي لو امغط به 1000 كيلو . وشكرا على مرورك العطر لاخلا ولاعدم

[باثفايندري]

شكرا لكم جميعا وننتظر المزيد من اهل الخبره المشكلة لازالت

[قرناس حائل]

شف البواجي

[باثفايندري]

شف البواجي

البواجي فكيتها كويسه ياقرناس ولاهنت ياصاحبي

[باترول88]

طيب اخوي وش لون الدخان الي يطلع اسود ولا ابيض

[باثفايندري]

طيب اخوي وش لون الدخان الي يطلع اسود ولا ابيض

والله يالغالي مادري لمحته وانا داخل السياره لكن اظنه اسود

[حمد808]

غير فلتر الهواء وفلتر البنزين ويزين ان شالله

[ابوس11م]

نصيحه من محب وده للوكاله قول افحصه كومبيوتر وانت واقف ياخذون منك 200 ريال يمكن ويقولك الخراب وينه وروح صلحه

[قرناس حائل]

طيب شيك على دبة البيئة يمكن مسكره

وشيك على خراطيش الهواء - خراطيش القربة-

أمرك بسيط أن شاء الله